ავტოკეფალური მართლმადიდებელი ეკლესიები

მასალა ვიკიპედიიდან — თავისუფალი ენციკლოპედია

ავტოკეფალური მართლმადიდებლური ეკლესიები – მსოფლიოში არსებობს 16 მართლმადიდებელი ავტოკეფალური ეკლესია.

ავტოკეფალური მართლმადიდებლური ეკლესიები[რედაქტირება | წყაროს რედაქტირება]

ამჟამად მსოფლიოში არსებობს 14 საყოველთაოდ აღიარებული ავტოკეფალური მართლმადიდებელი ეკლესია, აქედან ცხრა არის საპატრიარქო რანგისა (კონსტანტინოპოლის, ალექსანდრიის, ანტიოქიის, იერუსალიმის, მოსკოვის, საქართველოს, სერბეთის, რუმინეთის, ბულგარეთის), სამი ავტოკეფალური სამთავარეპისკოპოსო (კვიპროსის, საბერძნეთის, ანუ ელადის და ალბანეთის) და ორი ავტოკეფალური სამიტროპოლიტო (პოლონეთის და ჩეხეთ-სლოვაკეთის). არსებობს კიდევ ამერიკის ავტოკეფალური სამიტროპოლიტო, რომლის ავტოკეფალიას, ჯერჯერობით, მხოლოდ ეკლესიათა ნაწილი აღიარებს, მათ შორის საქართველოს საპატრიარქოც, ხოლო კონსტანტინოპოლი არ ცნობს.

ყველა ეკლესიის მეთაური (მიუხედავად იმისა პატრიარქის, მთავარეპისკოპოსის, თუ მიტროპოლიტის წოდებას ატარებს) ერთმანეთთან მიმართებაში თანასწორნი და დამოუკიდებელნი არიან. ყოველი მათგანი თავის რწმუნებულ ეკლესიას მართავს თავისი სინოდის საშუალებით.

# ეკლესია მღვდელთმთავარი წოდება კათედრა დიპტიხი
1. კონსტანტინოპოლის ყოვლადუწმინდესი ბართლომე I მთავარეპისკოპოსი კონსტანტინეპოლისა, ახლისა რომისა და მსოფლიო პატრიარქი კონსტანტინოპოლი 1
2. ალექსანდრიის უნეტარესი თეოდორე II პაპი და პატრიარქი დიდისა ქალაქისა ალექსანდრიისა და სრულიად აფრიკისა ალექსანდრია 2
3. ანტიოქიის უნეტარესი იოანე X პატრიარქი ღმრთისა ქალაქისა დიდისა ანტიოქიისა და სრულიად აღმოსავლეთისა დამასკო 3
4. იერუსალიმის უნეტარესი თეოფილე III პატრიარქი წმინდისა ქალაქისა იერუსალიმისა და სრულიად პალესტინისა იერუსალიმი 4
5. რუსეთის უწმინდესი კირილე I პატრიარქი მოსკოვისა და სრულიად რუსეთისა მოსკოვი 5
6. საქართველოს უწმინდესი და უნეტარესი ილია II სრულიად საქართველოს კათოლიკოს-პატრიარქი, მცხეთა-თბილისის მთავარეპისკოპოსი და ბიჭვინთისა და ცხუმ-აფხაზეთის მიტროპოლიტი თბილისი 9
7. სერბეთის უწმინდესი პორფირიე უწმინდესი მთავარეპისკოპოსი პეჩისა, მიტროპოლიტი ბელგრად-კარლოვაცისა, პატრიარქი სრულიად სერბეთისა ბელგრადი 6
8. რუმინეთის უნეტარესი დანიელი მთავარეპისკოპოსი ბუქარესტისა, მიტროპოლიტი მუნტენიისა და დობრუჯისა, ნაცვალი (მოსაყდრე) კაბადოკიის კესარიისა, მიტროპოლიტი უნგრეთ-ვლახეთისა და პატრიარქი სრულიად რუმინეთისა ბუქარესტი 7
9. ბულგარეთის ნეოფიტე მიტროპოლიტი სოფიისა და პატრიარქი სრულიად ბულგარეთისა სოფია 8
10. კვიპროსის უნეტარესი ქრიზოსტომოსი II მთავარეპისკოპოსი ახლისა იუსტინიანესი და სრულიად კვიპროსისა ნიქოზია 10
11. ელადის უნეტარესი იერონიმე II მთავარეპისკოპოსი ათენისა და სრულიად ელადისა ათენი 11
12. ალბანეთის უნეტარესი ანასტასი მიტროპოლიტი ტირანა-დურეს-ელბასანისა და მთავარეპისკოპოსი ტირანისა და სრულიად ალბანეთისა ტირანა 12
13. პოლონეთის უნეტარესი საბა მიტროპოლიტი ვარშავისა და სრულიად პოლონეთისა ვარშავა 13
14. ჩეხეთისა და სლოვაკეთის უნეტარესი როსტისლავი მთავარეპისკოპოსი პრეშოვისა და მიტროპოლიტი სრულიად ჩეხეთისა და სლოვაკეთისა პრეშოვი 14
15. ამერიკის უნეტარესი ტიხონი მთავარეპისკოპოსი ვაშინგტონისა და მიტროპოლიტი სრულიად ამერიკისა და კანადისა ნიუ-იორკი 15
16. უკრაინის ეპიფანე კიევისა და სრულიად უკრაინის მიტროპოლიტი კიევი 16

რესურსები ინტერნეტში[რედაქტირება | წყაროს რედაქტირება]