ადლი

ადლი — სიგრძის საზომი ერთეული ძველ საქართველოში. უდრიდა ორ წყრთას. ქართულ წერილობით წყაროებში იხსენიება XVI საუკუნიდან. საქართველოს რუსეთთან შეერთების შემდეგ რუსულმა არშინმა თანდათანობით შეზღუდა ადლის ხმარების სფერო. ადლი, არშინთან ერთად, იხმარებოდა მეტრული სისტემის შემოღებამდე. დაახლოებით 101,15 სმ უდრიდა.

ლიტერატურა

• ქართული საბჭოთა ენციკლოპედია, ტ. 1, გვ. 97, თბ. 1975 წელი.