აგნეს ფორსტჰოფერი
| აგნეს ფორსტჰოფერი | |
.jpg) ფორსტჰოფერი 2026 წელს | |
| უნგრეთის პრეზიდენტის მ/შ | |
|---|---|
| ამჟამინდელი თანამდებობა | |
| დაიკავა | 20 ივლისი, 2026 |
| პრემიერ-მინისტრი | პეტერ მადიარი |
| წინამორბედი | ტამაშ შუიოკი |
ეროვნული ასამბლეის სპიკერი | |
| თანამდებობაზე ყოფნის დრო | |
| 9 მაისი, 2026 – დღემდე | |
| წინამორბედი | ლასლო კევერი |
ტისას ვიცე-პრეზიდენტი | |
| თანამდებობაზე ყოფნის დრო | |
| 19 სექტემბერი, 2025 – დღემდე | |
| პრეზიდენტი | პეტერ მადიარი |
| დაბადებული | 24 მარტი, 1980 ბალატონფიურედი, უნგრეთი |
| პოლიტიკური პარტია | ტისა |
| მამა | ფერენც ფორსტჰოფერი |
| დედა | იულიანა დიონდი ვარო |
| განათლება | ბუდაპეშტის ეკონომიკისა და ბიზნესის უნივერსიტეტი, პეჩის უნივერსიტეტი |
| პროფესია | ფინანსები და ბუღალტრული აღრიცხვა, მარკეტინგი |
აგნეს ფორსტჰოფერი (დ. 24 მარტი, 1980) — უნგრელი პოლიტიკოსი და ბიზნესმენი, რომელიც 2026 წლის 9 მაისიდან იკავებს უნგრეთის ეროვნული ასამბლეის სპიკერის თანამდებობას. 2025 წლიდან არის პარტია ტისას ვიცე-პრეზიდენტი.
ადრეული ცხოვრება და განათლება
[რედაქტირება | წყაროს რედაქტირება]ფორსტჰოფერი დაიბადა 1980 წლის 24 მარტს ბალატონფიურედში, ფერენც ფორსტჰოფერისა და იულიანა დიონდი ვაროს ოჯახში. მამამისი ბალატონფურედის გემთსაშენისა და ნარჩენების მართვის კომპანია „Talajerőgazdálkodási Kft“-ის ყოფილი დირექტორი იყო.[1] ფორსტჰოფერი ბალატონფურედში გაიზარდა და საშუალო განათლება ვესპრემის ლოვასი ლასლოს გიმნაზიაში მიიღო. 1998 წელს იგი „ანას მეჯლისის დედოფლად“ აკურთხეს.[2]
სკოლის დამთავრების შემდეგ ფორსტჰოფერი ბუდაპეშტში გადავიდა, რათა ბუდაპეშტის ეკონომიკისა და ბიზნესის უნივერსიტეტში ესწავლა. 2002 წელს მან მიიღო ბაკალავრის ხარისხი ფინანსებისა და ბუღალტრული აღრიცხვის სპეციალობით, ხოლო 2004 წელს პეჩის უნივერსიტეტში მარკეტინგის მაგისტრის ხარისხი მოიპოვა.[3]
ბიზნესკარიერა
[რედაქტირება | წყაროს რედაქტირება]2001 წელს ფორსტჰოფერი ათი თვის განმავლობაში მუშაობდა აუდიტის ასისტენტად კომპანია „Deloitte“-ში, რის შემდეგაც, 2002 წელს, ქალაქ პაპაში მდებარე კომპანია „Talajerőgazdálkodási Kft“-ის ფინანსური დირექტორი გახდა.[4] 2012 წელს იგი ამავე კომპანიის მმართველი დირექტორი გახდა, სადაც მისი დედა და ძმა ასევე მენეჯერულ პოზიციებზე არიან დასაქმებულნი.[5][6][7]
2006 წელს ფორსტჰოფერის ოჯახმა ბალატონფურედში მდებარე სასტუმრო „Margaréta“-სა და მისი მმართველი კომპანიის მფლობელობა გადაიბარა; მას შემდეგ ფორსტჰოფერი ორივე სტრუქტურაში დირექტორის თანამდებობას იკავებს.[8][9] 2023 წელს იგი უნგრეთის სასტუმროებისა და რესტორნების ასოციაციის (MSZÉSZ) ბალატონფურედის რეგიონული დირექტორი გახდა.[2]
პოლიტიკური კარიერა
[რედაქტირება | წყაროს რედაქტირება]ფორსტჰოფერი პოლიტიკაში პირველად 2024 წელს ჩაერთო, როდესაც მან მონაწილეობა მიიღო უნგრეთის ადგილობრივი თვითმმართველობის არჩევნებში ბალატონფურედის მე-8 საარჩევნო ოლქში, როგორც დამოუკიდებელმა კანდიდატმა. თუმცა, იგი ვერ აირჩიეს.[10][11]
2025 წლის სექტემბერში, პარტიის გენერალურ ასამბლეაზე, ფორსტჰოფერი ტისას მესამე ვიცე-პრეზიდენტად აირჩიეს.[3] ვიცე-პრეზიდენტის პოსტზე იგი საქმიანობს სხვა ვიცე-პრეზიდენტებთან — მარკ რადნაისა და ზოლტან ტართან ერთად.[12][13][14] მან 2026 წლის საპარლამენტო არჩევნებში კენჭი „ტისას“ პარტიიდან იყარა და ეროვნულ ასამბლეაში ვესპრემის ოლქის მე-2 საარჩევნო ოლქიდან აირჩიეს.[15] არჩევნების შემდეგ, მომავალმა პრემიერ-მინისტრმა პეტერ მადიარმა განაცხადა, რომ პარლამენტის წევრების მიერ ფიცის დადების შემდეგ, იგი ფორსტჰოფერის კანდიდატურას ეროვნული ასამბლეის თავმჯდომარის პოსტზე წარადგენდა.[16] მან ფიცი 9 მაისს (ევროპის დღეს) დადო; თავისი პირველივე განკარგულებით მან უნგრეთის პარლამენტის შენობაზე ევროპის დროშა დააბრუნა.[17]
სქოლიო
[რედაქტირება | წყაროს რედაქტირება]- ↑ Tremmer, Tamás. (2010-12-27) Az Év vállalkozója 2010: megtisztelő elismerésben részesült Forsthoffer Ferenc. Az Év vállalkozója 2010: megtisztelő elismerésben részesült Forsthoffer Ferenc. ციტირების თარიღი: 2025-09-08.
- 1 2 A Tisza Párt alelnöke 18 évesen az Anna-bál szépe volt, a korabeli lapok azonban csalást sejtettek hu. Index (30 September 2025).
- 1 2 Forsthoffer Ágnes életrajz, wikipédia. Retromuzsika.hu (2025-09-07). ციტირების თარიღი: 2025-09-08.
- ↑ linkedin.com/in/agnes-forsthoffer. ციტირების თარიღი: 2025-09-08.
- ↑ Tamás, Tremmer. (2011-06-21) Tégla és környezetvédelem hu. Tégla és környezetvédelem. ციტირების თარიღი: 2025-09-08.
- ↑ Kezdőlap. talajero.hu. ციტირების თარიღი: 2025-09-08.
- ↑ A Cg.19-09-502564 cégjegyzékszámú "Talajerőgazdálkodási" Termelő és Szolgáltató Kft adatai. ციტირების თარიღი: 2025-09-08.
- ↑ „Egyetlen néni miatt is nyitva maradt a szálloda” - egy hoteligazgató az elmúlt egy év erőfeszítéseiről | szmo.hu. www.szeretlekmagyarorszag.hu (2021-04-13). ციტირების თარიღი: 2025-09-08.
- ↑ A Cg.19-09-524415 cégjegyzékszámú Fortrend Hotel Szállodafejlesztő és Szolgáltató Kft adatai. ციტირების თარიღი: 2025-09-08.
- ↑ Bukott önkormányzati képviselőjelölt a Tisza Párt Kötcsén bejelentett új női alelnöke. Bukott önkormányzati képviselőjelölt a Tisza Párt Kötcsén bejelentett új női alelnöke. ციტირების თარიღი: 2025-09-08.
- ↑ Bemutatkozik Forsthoffer Ágnes, Arács független önkormányzati képviselőjelöltje. Füred TV. ციტირების თარიღი: 2025-09-08.
- ↑ Forsthoffer Ágnes a TISZA új alelnöke hu. Tisza Party (19 September 2025).
- ↑ Forsthoffer Ágnes lett a Tisza Párt harmadik alelnöke hu. hvg.hu (2025-09-19). ციტირების თარიღი: 2025-10-13.
- ↑ www.facebook.com/peter.magyar. ციტირების თარიღი: 2025-10-13.
- ↑ Tarolt a Tisza Veszprém vármegyében: mind a négy körzetet vitték hu. 82nullanulla (13 April 2026).
- ↑ Hetzmann, Mercédesz. (20 April 2026) Historic: Tisza Party nominates party VP as Speaker of Parliament – UPDATE.
- ↑ Tizenkét év után visszakerül az EU-s zászló a Parlament épületére (9 May 2026).[მკვდარი ბმული]