აგადესის რეგიონი

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება
აგადესის რეგიონი
ფრანგ. Agadez
ქვეყანა ნიგერის დროშა ნიგერი
სტატუსი რეგიონი
მოიცავს 3 დეპარტამენტი
ადმინისტრაციული ცენტრი აგადესი
მოსახლეობა (2012)
487 620 კაცი (8 ადგილი)
სიმჭიდროვე 0,73 კაცი/კმ²
ფართობი 667 799 კმ² (1 ადგილი)
აგადესის რეგიონი რუკაზე
დროის სარტყელი UTC+1
კოდი ISO 3166-2 NE-1

აგადესის რეგიონი (ფრანგ. Agadez) — რეგიონი ნიგერში. რეგიონის ფართობი შეადგენს 667 799 კმ²-ს, ეს ყველაზე დიდი რეგიონია ნიგერში. 2012 წლის აღწერის მონაცემებით რეგიონის მოსახლეობის რაოდენობა შეადგენს 487 620 ადამიანს.[1] მოსახლეობის სიმჭიდროვე — 0,73 ად./კმ². ადმინისტრაციული ცენტრი — ქალაქი აგადესი.

გეოგრაფია[რედაქტირება | წყაროს რედაქტირება]

აგადესის რეგიონი მდებარეობს ნიგერის ჩრდილოეთში. მისგან ჩრდილო-დასავლეთში გადის ნიგერის სახელმწიფო საზღვარი ალჟირთან, ჩრდილოეთით — ლიბიასთან, დასავლეთით — მალისთან, აღმოსავლეთით — ჩადთან. აგადესის რეგიონიდან სამხრეთ-დასავლეთით მდებარეობს ნიგერის ტაჰუის რეგიონი, სამხრეთით — მარადის, ზინდერის და დიფის რეგიონები.

რეგიონის დიდი ნაწილი უკავია ტენერეს უდაბნოს და აირის მთებს. წვიმები საკმაოდ იშვიათობაა, მაგრამ რეგიონში არსებობს წყლების მიწისქვეშა წყაროები, როგორც წესი — აგადიმის, არლიტის, ბილმის, დირკუს, ტიმიის და სხვა ოაზისებში.

მოსახლეობა[რედაქტირება | წყაროს რედაქტირება]

რეგიონში პირველ რიგში ცხოვრობს მომთაბარე ხალხი: ტუარეგები, ტუბუ, ფულბე. ქალაქებში და ოაზისებში ასევე ცხოვრობენ ჰაუსას, კანურის, სოგაის.

ადმინისტრაციული დაყოფა[რედაქტირება | წყაროს რედაქტირება]

აგადესის რეგიონის დეპარტამენტები.

ადმინისტრაციული თვალსაზრისით რეგიონი დაყოფილია 3 დეპარტამენტად და 1 მუნიციპალიტეტად (ქალაქი აგადესი):

არლიტის დეპარტამენტი (Arlit):

  • ფართობი: 216 774 კმ²
  • მოსახლეობა: 156 024 ად. (2011 წელი)

ბილმის დეპარტამენტი (Bilma):

  • ფართობი: 286 279 კმ²
  • მოსახლეობა: 27 146 ად. (2011 წელი)

ჩიროზერინის დეპარტამენტი (Tchirozérine):

  • ფართობი: 154 746 კმ²
  • მოსახლეობა: 328 018 ად. (2011 წელი)

ეკონომიკა[რედაქტირება | წყაროს რედაქტირება]

სამეურნეო თვალსაზრისით აგადესის რეგიონი დიდ მნიშვნელობას წარმოადგენს ნიგერის ეკონომიკისთვის, რადგან აქ მდებარეობს მსოფლიოში უდიდესი ურანის საბადო. მის ექსპორტს მოაქვს ქვეყნის მთლიანი სავალუტო შემოსავლების 20 %-ზე მეტი. ასევე მთავარი მნიშვნელობა აქვს მარილის მოპოვებას. მარილი ოაზისების გავლით ქარავნებით შემოაქვთ ნიგერის სამხრეთში მდებარე ქალაქებში, სადაც ის იცვლება ფეტვზე და სხვა კვების პროდუქტებზე. რეგიონის შიგნით სოფლის მეურნეობა სუსტადაა განვითარებული (გამონაკლისია — ოაზისები).

სქოლიო[რედაქტირება | წყაროს რედაქტირება]

  1. Niger: Regions, Major Cities & Urban Centers — Statistics & Maps on City Population. Citypopulation.de. წაკითხვის თარიღი: 25 April 2014.