აბუ დულაფი

აბუ დულაფი
დაბ. თარიღი	X საუკუნე
დაბ. ადგილი	იანბუ
გარდ. თარიღი	უცნობია
გარდ. ადგილი	უცნობი
საქმიანობა	მწერალი
ენა	არაბული ენა

აბუ დულაფი, მისარ იბნ მუჰალგილ ალ-ხაზრაჯი ალ-იანბუი (არაბ. أبو دُلف الخزرجي) — X საუკუნის არაბი პოეტი, მოგზაური და მეცნიერი. იმოგზაურა ჩინეთში, ინდოეთში, ირანსა და ამიერკავკასიაში.

X საუკუნის 50-იან წლებში იყო თბილისში. ცნობილია აბუ დულაფის ორი „რისალა“ (წერილი, დღიური). პირველი აღწერს აბუ დულაფის მოგზაურობას ჩინეთში, მეორე — ირანსა და ამიერკავკასიაში. საინტერესოა აბუ დულაფის ცნობები ძვირფასი წიაღისეული სიმდიდრეების, მინერალური წყაროებისა და სამკურნალო მცენარეების შესახებ. მეორე „რისალაში“ აღწერილია X საუკუნის თბილისი.

ლიტერატურა

• ქართული საბჭოთა ენციკლოპედია, ტ. 1, გვ. 43, თბ., 1975 წელი.