აბასთუმნის საცხოვრებელი სახლი (შოთა რუსთაველის 21)

აბასთუმნის საცხოვრებელი სახლი — არქიტექტურული ძეგლი ადიგენის მუნიციპალიტეტის დაბა აბასთუმანში. აგებულია XIX საუკუნეში.

რუსთაველის ქუჩის სიღრმეში, მრავალსართულიანი კორპუსების უკან, მთის განაპირას არსებული მომცრო ზომის საცხოვრებელი ფუნქციის მატარებელი შენობა პროპორციით, სიძველითა და შენარჩუნებული ავთენტურობით იქცევს ყურადღებას. ორსართულიანი შენობის, მოკლე ერთი სიგრძის მკლავების დაბოლოებები დაუმუშავებელი ქვით აქვს ამოყვანილი. სახლი შეულესავი კედლის სიბრტყის სახით არის წარმოდგენილი. პირველ სართულზე გალერეა ამოშენებული და შელესილია, მეორეზე კი შემინულია, თუმცა შემორჩენილია ჭვირული მოაჯირი.

იხილეთ აგრეთვე

• ადიგენის მუნიციპალიტეტის ძეგლების სია

რესურსები ინტერნეტში

•  კულტურული მემკვიდრეობის პორტალი, № 6467