მინი დრაივერი
| მინი დრაივერი | |
|---|---|
 მინი დრაივერი 2011 წელს | |
| დაბადების სახელი | ამელია ფიონა დრაივერი |
| დაბადების თარიღი |
31 იანვარი, 1970 ლონდონი, დიდი ბრიტანეთი |
| საქმიანობა | მსახიობი, მომღერალი |
| აქტიური | 1990-დღემდე |
| საიტი | |
მინი დრაივერი (ინგლ. Minnie Driver; დ. 31 იანვარი 1970, ლონდონი, დიდი ბრიტანეთი) — ინგლისელი მსახიობი და მომღერალი. 1997 წელს ნომინირებული იყო ოსკარის პრემიაზე ქალის საუკეთესო მეორეხარისხოვანი როლის შესრულებისთვის ფილმში „ნიჭიერი უილ ჰანტინგი“. აგრეთვე ემისა და ოქროს გლობუსის პრემიების ნომინანტი შესრულებული როლისთვის ტელესერიალში „მდიდრები“.
ბიოგრაფია[რედაქტირება | წყაროს რედაქტირება]
ამელია ფიონა დრაივერი[1] დაიბადა ლონდონში, ბიზნესმენისა და საფინანსო კონსულტანტის რონი დრაივერისა და მისი მეუღლის ყოფილი მოდელისა და დიზაინერის — გეინორის ოჯახში.[2][3][4] დრაივერს გააჩნია ირლანდიური, ვალიური, შოტლანდიური, ფრანგული და იტალიური ფესვები.[2][5] სკოლის დამთავრების შემდეგ დრაივერი სწავლობდა ლონდონის დრამატულ აკადემიურ თეატრში. თავდაპირველად როლებს მხოლოდ სერიალებში იღებდა.
მისი კინოკარიერა ათვლას 1990 წლებიდან იწყებს. პირველი აღიარება მოიპოვა მას შემდეგ, რაც შეასრულა მთავარი როლი ფილმში „მეგობართა წრე”. 1997 წელს ითამაშა ცნობილ კინოფილმში „ნიჭიერი უილ ჰანტინგი”, სადაც განასახიერა მსუბუქი და უბრალო ახალგაზრდა გოგანას სახე. ამ როლისთვის მინი დრაივერი ნომინირებული იყო ოსკარის პრემიაზე. 1990-იანი წლების დასასრულს იგი კინოში მნიშვნელოვან როლებს იღებს. აღსანიშნავია ფილმები: „მძინარენი“, „თავსხმა წვიმა“, „იდეალური ქმარი“ და სხვა. 2003-2004 წლებში იღებდა სატელევიზიო კომიკურ როლებს. გახმოვანებული აქვს მულტიპლიკაციური პერსონაჟები. 2007 წელს მინი დრაივერი დაბრუნდა სატელევიზიო შოუში.
მინი დრაივერი, მანამ აღიარებული მსახიობი გახდებოდა, იყო მუსიკალური ჯგუფის „Puff, Rocks and Brown“-ის წევრი. გარკვეული ხნით იგი მუსიკას ჩამოშორდა, თუმცა 2000 წლისათვის იგი ისევ დაბრუნდა ამ სფეროში. 2004 წელს მოაწერა ხელი „EMI“-სთან და სხვა ლეიბლებთან. გამოუშვა სინგლი „Everything I’ve Got in My Pocket“ და „Invisible Girl“. ჩაწერილი აქვს ალბომები: 2004 წელს — „Everything I’ve Got in My Pocket“, 2007 წელს — „Seastories“.
ფილმოგრაფია[რედაქტირება | წყაროს რედაქტირება]
| წელი | ქართულად | მშობლიური სახელწოდება | როლი | |
|---|---|---|---|---|
| 1995 | ფ | მეგობართა წრე | Circle of Friends | ბენი |
| 1995 | ფ | ოქროს თვალი | GoldenEye | ირინა |
| 1996 | ფ | დიდი ღამე | Big Night | ფილისი |
| 1996 | ფ | მძინარენი | Sleepers | კეროლი |
| 1997 | ფ | მკვლელობა გროს–პოინტში | Grosse Pointe Blank | დები |
| 1997 | ფ | ნიჭიერი უილ ჰანტინგი | Good Will Hunting | სკაილარი |
| 1998 | ფ | თავსხმა წვიმა | Hard Rain | კარენი |
| 1998 | ფ | გუვერნანტი | The Governess | როსინა |
| 1998 | ფ | დიდი ფერმა | At Sachem Farm | კენდელი |
| 1999 | ფ | იდეალური ქმარი | An Ideal Husband | მეიბლი |
| 1999 | ანფ | ტარზანი | Tarzan | ჯეინ პორტერი |
| 1999 | ანფ | სამხრეთის პარკი: დიდი, გრძელი და დაუჭრელი | South Park: Bigger, Longer & Uncut | ბრუკ შილდსი |
| 1999 | ანფ | მეფის ასული მონონოკე | Princess Mononoke | ლედი ებოსი |
| 2000 | ფ | ლამაზი | Beautiful | მონა |
| 2000 | ფ | ნელი წვა | Slow Burn | ტრინა |
| 2001 | ფ | მაღალი ქუსლები და დაბალი ცხოვრება | High Heels and Low Lifes | შენონი |
| 2003 | ფ | შეპყრობილი | Owning Mahowny | ბელინდა |
| 2003 | ფ | იმედის ნაპერწკლები | Hope Springs | ვერა ედვრდსი |
| 2004 | ფ | მოჯადოებული ელა | Ella Enchanted | მენდი |
| 2004 | ფ | ოპერის მოჩვენება | The Phantom of the Opera | კარლოტა |
| 2007 | ფ | სიმფსონების ფილმი | The Simpsons Movie | კონსულტანტი |
| 2009 | ფ | დედობა | Motherhood | შეილა |
| 2010 | ფ | დაჯერება | Conviction | ებრა |
| 2010 | ფ | ბარნის ვერსია | Barney's Version | მისის პი |
| 2012 | ფ | საუკეთესო | Hunky Dory | ვივიენი |
| 2012 | ფ | თხები | Goats | ჯოანა |
რესურსები ინტერნეტში[რედაქტირება | წყაროს რედაქტირება]
- მინი დრაივერი კინოფილმების ინტერნეტ-მონაცემთა ბაზაში
- 2004 წლის ინტერვიუ (ინგლისური)
- მინი დრაივერი დაარქივებული 2009-02-02 საიტზე Wayback Machine. (ინგლისური)
სქოლიო[რედაქტირება | წყაროს რედაქტირება]
- ↑ „Minnie Driver“. Celebrity Ethnicity – EthniCelebs.com. ციტირების თარიღი: 27 ივლისი, 2011. შეამოწმეთ თარიღის პარამეტრი
|accessdate=-ში (დახმარება) - ↑ 2.0 2.1 Clare Hutchinson. (20 August 2010) Hollywood star calls for Wales’ only lido to be opened. WalesOnline. ციტირების თარიღი: 7 November 2010.
- ↑ Minnie Driver Biography(1970?. Filmreference.com. ციტირების თარიღი: 2 March 2010.
- ↑ Winters, Laura (2 August 1998). „FILM; When the Character Calls, Minnie Driver Listens“. New York Times. ციტირების თარიღი: 2 March 2010.
- ↑ Cranky Critic StarTalk: Minnie Driver. Crankycritic.com. დაარქივებულია ორიგინალიდან — 31 იანვარი 2010. ციტირების თარიღი: 2 March 2010.
