კაიმანისმაგვარი კუსებრნი (ლათ.Chelydridae), ქვეწარმავლების ოჯახი ფარულკისრიან კუთა ქვერიგისა. აქვთ მასიური და ოდნავ ამობურცული ბაკანი, წვერმოკაუჭებული მძლავრი ყბები. თითებს შორის საცურავი აპკი. ცნობილია 2 სახეობა: კაიმანისებრი კუ (Chelydra serpentina), რომელიც გვხვდება სამხრეთ კანადიდან ეკვადორამდე და ცხოვრობს მტკნარ წყალში; სვავისებრი კუ (Macroclemys temminckii), რომელიც ბინადრობს აშშ-ის სამხრეთ რაიონებში. ორივე სახეობას სარეწაო მნიშვნელობა აქვს — იყენებენ ხორცს.