გვარა (ქობულეთის მუნიციპალიტეტი)

გვარა
სოფელი
	გვარა;
ქვეყანა	საქართველო
ავტონომიური რესპუბლიკა	აჭარის ავტონომიური რესპუბლიკა
მუნიციპალიტეტი	ქობულეთის მუნიციპალიტეტი
თემი	გვარა
კოორდინატები	41°49′12″ ჩ. გ. 41°50′42″ ა. გ. / 41.82000° ჩ. გ. 41.84500° ა. გ.
ცენტრის სიმაღლე	20 მ
ოფიციალური ენა	ქართული ენა
მოსახლეობა	1089 კაცი (2014)
ეროვნული შემადგენლობა	ქართველები 100 %
სასაათო სარტყელი	UTC+4
სატელეფონო კოდი	+995
	გვარა ვიკისაწყობში

სხვა მნიშვნელობებისთვის იხილეთ გვარა.

გვარა — სოფელი საქართველოში, აჭარის ავტონომიური რესპუბლიკის ქობულეთის მუნიციპალიტეტში, თემის ცენტრი (სოფლები: გვარა, ქვედა კონდიდი)^[2]. მდებარეობს ქობულეთის დაბლობზე, ზღვის დონიდან 20 მ, ქობულეთიდან 9 კმ. საბჭოთა პერიოდში განვითარებული იყო მეჩაიეობა, შედიოდა ხუცუბნის სასოფლო საბჭოში. 2014 წლის აღწერის მონაცემებით სოფელში ცხოვრობს 1089 კაცი^[1].

დემოგრაფია[რედაქტირება | წყაროს რედაქტირება]

აღწერის წელი	მოსახლეობა
2002	1216^[3]^[4]
2014	1089^[1]

თეთროსნის მონასტერი[რედაქტირება | წყაროს რედაქტირება]

მთავარი სტატია: თეთროსანი.

სოფელში დგას „თეთროსნის მონასტერი“. ტაძარი ცნობილი იყო მთელ გურიაში და განსაკუთრებით ქვემო გურიაში. XVI საუკუნეში აქ გადაწერეს დავითნი, რომელიც „თეთროსნის დავითნის“ სახელით არის ცნობილი. მისი გადამწერი იყო გერმანოზ კალიგრაფი. ტაძარი წაართვეს გურიას სავარაუდოდ 1728 წელს. მისი ღვთისმშობლის მდიდრული ხატი ინახებოდა აკეთის მაცხოვრის სახელობის ეკლესიაში.^[5]