Yes

Yes
ჯგუფის გამოსვლა კონცერტზე, 1977 წელი. მარცხნიდან მარჯვნივ - სტივ ჰაუ, ალან უაიტი, ჯონ ანდერსონი, კრის სკუაირი, რიკ უეიკმენი
ბიოგრაფია
წარმოშობის ადგილი	ლონდონი, ინგლისი
ჟანრ(ებ)ი	პროგრესული როკი სიმფონიური როკი პოპ როკი
აქტიური	1968-1981 1983-დღემდე 2008-დღემდე
ლეიბლ(ებ)ი	Atlantic, Atco, Arista, Victory Records, Sanctuary, Eagle
საიტი	ოფიციალური ვებ-საიტი
წევრები
ჯონ დევისონი სტივ ჰაუ კრის სკუაირი ჯეფ დაუნზი ალან უაიტი
ყოფილი წევრები
იხილეთ შემადგენლობები

Yes — ინგლისური როკ-ჯგუფი, რომელმაც წარმატებას მიაღიწა პროგრესული, არტ და სიმფონიური სტილის მუსიკით. ჯგუფი გამოირჩევა მისტიური და კოსმოსთან დაკავშირებული ტექსტებით, სცენის დიზაინებით და ხანგრძლივი კომპოზიციებით, ხშირად - რთული ინსტრუმენტული და ვოკალური არანჟირებებით. ჯგუფის მიმდინარე შემადგენლობაში 2012 წლის თებერვლიდან არიან: ჯონ დევისონი (წამყვანი ვოკალი), სტივ ჰაუ (გიტარა),კრის სკუაირი (ბას-გიტარა), ჯეფ დაუნზი (კლავიშიანი ინსტრუმენტები) და ალან უაიტი (დასარტყმელი საკრავები).

სკუაირმა ჯგუფი 1968 წელს, ჯონ ანდერსონთან ერთად ჩამოაყალიბა. სკუაირი და გიტარისტი პიტერ ბენქსი ერთად ჯგუფში The Syn გამოდიოდნენ, შემდეგ - Mabel Greer's Toyshop-ში. ანდერსონი და ბილ ბრუფორდი, Yes-ის მომავალი დრამერი, შეუერთდნენ Mabel Greer's Toyshop-ს, რომელიც Yes-ად გარდაიქმნა. პირველი შემადგენლობა შედგა ტონი კეის დამატებით. ჯგუფი ადრეული გამოსვლები მოიცავდნენ ორიგინალურ მასალას და სხვა შემსრულებელთა სიმღერების ქავერ-ვერსიებს. 1970-იანი წლების ბოლოს ჯგუფმა მიაღწია შემოქმედებით პიკს პროგრესულ ჟანრში, როდესაც ჯგუფში შედიოდნენ ანდერსონი, სკუაირი, ჰაუ, ბრუფორდი, უაიტი და კლავიშისტი რიკ უეიკმენი. ამ შემადგენლობით გამოვიდა მათი ყველაზე დახვეწილი ნამუშევრები - The Yes Album, Fragile (ორივე 1971 წელს), Close to the Edge (1972), Tales from Topographic Oceans (1973), Relayer (1974) დ Going for the One (1977). პანკ-როკის პოპულარობის ფონზე ჯგუფმა აქტიურობა შეწყვიტა. 1980 წელს ანდერსონმა და უეიკმენმა დატოვეს კოლექტივი და შეცვლილმა შემადგენლობამ, დაუნზისა და ტრევორ ჰორნის მონაწილეობით ახალი ალბომი, Drama ჩაწერა. 1981 წლის დასაწყისში ჯგუფი დაიშალა, ხოლო ჰაუსა და დაუნზის მიერ ჩამოყალიბდა Asia.

ჯგუფი აღდგა 1982 წელს, ანდერსონის, სკუაირის, უაიტის, კეისა და გიტარისტ ტრევორ რებინის მონაწილეობით და შეიძინა უფრო პოპ-როკის ჟღერადობა. ჯგუფი უფრო მეტად გაყიდვადი გახდა ალბომით 90125 (1983). ამ დისკიდან გამოცემულმა სინგლმა „Owner of a Lonely Heart“ და შემდეგმა ალბომმა, Big Generator (1987) დიდ წარმატებას მიაღწიეს. ალბომის Union (1991), რომელიც ჩაიწერა Yes-ისა და Anderson Bruford Wakeman Howe-ს ერთობლივი შემადგენლობების, 8 მუსიკოსის მიერ, დიდ კომერციულ წარმატებას მიაღწია. შემდგომი ალბომები და სინგლები კომერციულად წარუმატებელი იყო. ჯგუფმა 1997-2004 წლებში მსოფლიოს გარშემო იმოგზაურა, მათ შორის - 30 და 35 წლიანი იუბილეების აღსანიშნავად. ანდერსონისა და უეიკმენის ჯანმრთელობის გამო ოთხწლიანი პაუზის შემდეგ Yes აღდგა, ბენუა დევიდისა და ოლივერ უეიკმენის მონაწილეობით. 2011 წელს ჯგუფმა გამოსცა Fly from Here დაუნზის მონაწილეობით, რომელიც კლავიშისტის სახით 30 წლიანი პაუზის შემდეგ დაბრუნდა, შემდეგ წელს კი დევიდმა ჯგუფი ავადმყოფის გამო დატოვა. მას ჩაენაცვლა ჯონ დევისონი, ჯგუფიდან Glass Hammer.

Yes არის ერთ-ერთი ყველაზე პოპულარული, გავლენიანი და კრიტიკოსების მიერ აღიარებული ჯგუფი პროგრესული როკის ჟანრში, რომელმაც გავლენა იქონია მრავალ შემსრულებელზე, მაგალითად Dream Theater-ზე. ჯგუფის 20 ალბომიდან 9 მოხვედრილა ბრიტანეთისა თუ აშშ-ის ჩარტებში, აქედან ორმა მიაღწია ბრიტანეთის ჩარტების #1 პოზიციამდე. ჯგუფს აშშ-ში გაყიდული აქვს 13.5 მილიონი დისკი.

პირველი წლები

ჯგუფი შექმნილი იქნა 1968 წელს, ვოკალისტ ჯონ ანდერსონისა და ბას-გიტარისტ კრის სკუაირის მიერ. ანდერსონს იმ დროისათვის უკვე ჰქონდა თავისი ძმის, ტონის ჯგუფის The Warriors ვოკალისტად მუშაობის გამოცდილება, ასევე იგი იწერდა სოლო-კომპოზიციებს ჰანს ქრისტიანის სახელით. სკუაირი მანამდე გამოდიოდა ჯგუფში The Syn. მისი დაშლის შემდეგ იგი მთელი წელი მუშაობდა გიტარაზე დაკვრის საკუთარი სტილის ჩამოყალიბებაზე. ანდერსონი და სკუაირი პირველად შეხვდნენ 1968 წლის მაისში, კლუბში 'სოჰო', სადაც ჯონი იმ პერიოდში მუშაობდა. მუსიკოსმა ბევრი საერთო ინტერესი აღმოაჩინეს, განსაკუთრებით ვოკალური ჰარმონიების შექმნაში და შემოქმედებითი ძალების გაერთიანებაც გადაწყვიტეს.

სკუაირი ამ დროისათვის უკრავდა ჯგუფში Mabel Greer's Toyshop. ანდერსონი დაემატა მის შემადგენლობას, ისევე როგორც ბილ ბრუფორდი (დასარტყამები), პიტერ ბენკსი (გიტარა) და ტონი კეი (კლავიშები).

შედგენილი ჯგუფის პირველი კონცერტი გაიმართა 1968 წლის 4 აგვისტოს. სასცენო დებიუტს მოჰყვა ჯგუფის Cream დასამშვიდობებელ კონცერტზე მოწვეული სტუმრების სახით გამოსვლა. იმ პერიოდში Yes უფრო სხვა მუსიკოსების მასალას უკრავდა, თუმცა ძალიან ორიგინალური ინტერპრეტაციებით. კარგი რეპუტაციის მქონე კოლექტივი მიწვეული იქნა პრესტიჟულ კლუბში 'მარკი', ამას მოჰყვა ჯონ პილის რადიოგადაცემაში გამოსვლა. გამოცემის Melody Maker მიმომხილველმა ტონი უილსონმა Yes-ს, ლედ ზეპელინთან ერთად მიანიჭა ყველაზე პერსპექტიული ახალგაზრდა ბენდის სტატუსი.

შემადგენლობები

წლების მიხედვით

წელი	წამყვანი ვოკალი	გიტარა	კლავიშები	ბასი	დასარტყამები
1968–1970	ჯონ ანდერსონი	პიტერ ბენკსი	ტონი კეი	კრის სკუაირი	ბილ ბრუფორდი
1970–1971		სტივ ჰაუ
1971–1972			რიკ უეიკმენი
1972–1974					ალან უაიტი
1974–1976			პატრიკ მორაზი
1976–1980			რიკ უეიკმენი
1980–1981	ტრევორ ჰორნი		ჯეფ დაუნზი
1981–1983	ჯგუფი დაშლილია
1983–1989	ჯონ ანდერსონი	ტრევორ რებინი	ტონი კეი	კრის სკუაირი	ალან უაიტი
1990–1992		ტრევორ რებინი სტივ ჰაუ	ტონი კეი რიკ უეიკმენი		ალან უაიტი ბილ ბრუფორდი
1993–1994		ტრევორ რებინი	ტონი კეი		ალან უაიტი
1995–1997		სტივ ჰაუ	რიკ უეიკმენი
1997		სტივ ჰაუ ბილი შერვუდი	ბილი შერვუდი (მხოლოდ სტუდია)
1997–2000			იგორ ხოროშევი
2000		სტივ ჰაუ
2001–2002			ტომ ბრისლინი (მხოლოდ ტურებზე)
2002–2004			რიკ უეიკმენი
2004–2008	ჯგუფი ისვენებს
2008–დღემდე	ბენუა დევიდი	სტივ ჰაუ	ოლივერ უიეკმენი	კრის სკუაირი	ალან უაიტი

ქრონოლოგია

• ვ - ვოკალი
• გ - გიტარ
• ბ - ბასი
• კ - კლავიშიანი ინსტრუმენტები
• დ - დასარტყმელი საკრავები
• ც - ცოცხალი
• ს - სტუდიური ალბომები

დისკოგრაფია

მთავარი სტატია : Yes-ის დისკოგრაფია.

სტუდიური ალბომები

• Yes (1969)
• Time and a Word (1970)
• The Yes Album (1971)
• Fragile (1971)
• Close to the Edge (1972)
• Tales from Topographic Oceans (1973)
• Relayer (1974)
• Going for the One (1977)
• Tormato (1978)
• Drama (1980)
• 90125 (1983)
• Big Generator (1987)
• Anderson Bruford Wakeman Howe (1989)
• Union (1991)
• Talk (1994)
• Keys to Ascension (სტუდიური და ცოცხალი) (1996)
• Keys to Ascension 2 (სტუდიური და ცოცხალი) (1997)
• Open Your Eyes (1997)
• The Ladder (1999)
• Magnification (2001)
• Fly from Here (2011)

რესურსები ინტერნეტში

ვიკისაწყობში^? არის გვერდი თემაზე:

Yes

• Yesworld: ოფიციალური გვერდი
• YESFANS: ფანების ოფიციალური ფორუმი
• Yes-ის საკონცერტო გალერეა