Toon Boom Animation

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
Toon Boom Animation
[[ფაილი:Toonboomlogo.png|200პქ]]
ტიპი: კერძო კომპანია
დაფუძნდა: 1994
მდებარეობა: მონრეალი, კვებეკი, კანადა
დარგი: პროგრამული უზრუნველყოფა
პროდუქცია: ანიმაციისა და კადრირების მოსამზადებელი პროგრამები

Toon Boom Animation Inc.კანადური კომპანია, ორიენტირებული ანიმაციის შესაქმნელი პროგრამული უზრუნველყოფის წარმოებაზე. დაარსდა 1994 წელს და მდებარეობს მონრეალში. აწარმოებს პროდუქციას, რომელიც განკუთვნილია კინოფილმებისათვის, ტელევიზიისათვის, ვებ-ანიმაციისათვის, თამაშებისათვის, მობილური მოწყობილობებისათვის და სავარჯიშოდ. 2005 წელს Toon Boom-ს მიენიჭა ჯილდო Emmy ინჟინერული ტექნოლოგიების სფეროში.

მიმოხილვა[რედაქტირება]

კომპანიის პროდუქციას იყენებს უამრავი ადამიანი, ცალკეული ანიმატორებიდან სასწავლო დაწესებულებებამდე. ზოგიერთი ცნობილი მომხმარებელია: უოლტ დისნეის ანიმაციური სტუდია და Walt Disney Television Animation, Nelvana, Warner Bros. Animation, Walking the Dog, Mercury Filmworks, China Central Television, Toonz India Ltd, eMation, Rough Draft Korea, Alphanim, 2d3D Animations, Cromosoma და Enarmonia.

2006 წელს კვებეკის საინფორმაციო ტექნოლოგიების ფედერაციამ (FIQ) კომპანიას მიანიჭა ჯილდო OCTAS მულტიმედიური ტექნოლოგიების სფეროში. 2007 წელს პროგრამას Toon Boom Storyboard Pro მიენიჭა საუკეთესო ტექნოლოგიური სიახლის წოდება. 2008 წელს პროგრამას Flip Boom მიენიჭა მშობელთა არჩევანის ოქროს ჯილდო. 2009 წელს იგივე პროგრამას გამოცემის ’საბავშვო ტექნოლოგიათა მიმოხილვა’ მიერ მიმომხილველთა არჩევანის სტატუსი მიენიჭა. 2010 წელს Flip Boom-ს მიენიჭა მშობელთა არჩევანის ვერცხლის ჯილდო.

პროდუქცია[რედაქტირება]

  • Toon Boom Studio - ძირითადი პროგრამა, გათვლილი ანიმაციის შესაქმნელად.
  • Toon Boom Animate - გათვლილია პროფესიონალ ანიმატორებზე.
  • Toon Boom Animate Pro (ყოფილი Toon Boom Digital Pro და Toon Boom Solo) - სრულყოფილი ანიმაციური პაკეტი პროფესიონალებისათვის.
  • Toon Boom Opus (ყოფილი USAnimation) [1] - ძირითადად გამოიყენება კინო/სატელევიზიო ინდუსტრიაში. 2008 წელს მისი წარმოება შეწყდა.
  • Toon Boom Harmony (ყოფილი Toon Boom Symphony) - ეფუძნება მონაცემთა ბაზის სისტემას. შეიცავს სხვადასხვა ეფექტს.
  • Toon Boom Pencil Check Pro - ხაზების შესამოწმებელი პროგრამა.
  • Toon Boom Storyboard - კადრირების შექმნა.
  • Toon Boom Storyboard Pro - ინტერაქტიული კადრირების შექმნა.
  • Flip Boom Classic - ანიმაციის პრინციპების შესწავლა
  • Flip Boom All-Star - ანიმაციის პრინციპების სწავლა და ინტერაქტივი (მაგალითად, ინტეგრირებულია YouTube-ზე ატვირთვის სისტემასთან)
  • Flipboom LiteE - პირველი პროგრამა, შექმნილი iPad-ისათვის.

სქოლიო[რედაქტირება]

  1. (Aug. 6, 1996). "Toon Boom Technologies enters merger transaction with USAnimation Inc" [Business Wire]. Retrieved March 17, 2008.

რესურსები ინტერნეტში[რედაქტირება]