Thievery Corporation

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება

Thievery Corporationელექტრონული მუსიკის შემსრულებელთა დუეტი ვაშინგტონიდან, კოლუმბიის ოლქი. მისი წევრები არიან რობ გარზა და ერიკ ჰილდონი. მათი მუსიკის სტილი მერყეობს დაბს, ასიდ-ჯაზს, ინდურ კლასიკურ და ბრაზილიურს შორის ლანჟის ესთეტიკით. 2002 წელს ჯგუფმა მეორე ალბომი გამოსცა სახელწოდებით "The Richest Man in Babylon" საკუთარი ESL ლეიბლით. ეს ალბომი მსგავსია ხმოვანებით და ტემბრით მათ 2000 წელს გამოშვებული პირველი ალბომის "The Mirror Conspiracy" და მათში გამოყენებულია ემილიანი ტორინის, პამ ბრიკერისა და ლუ-ლუს ვოკალი.

2005 წელს ჯგუფმა გამოუშვა "The Cosmic Game", რომელიც უფრო მუქი, ფსიქოდელიური ხმოვანებისაა, ვიდრე მათი ორი წინა ალბომი. ამ ალბომში მოწვეულ მომღერალთა შორის იყვნენ პერი ფარელი, დევიდ ბირნი და უეინ კოინი ფლემინგ ლიპსიდან.

2006 წელს ჯგუფმა გამოსცა "Visions", რემიქსების კრებული, რომელიც მათ სხვა მუსიკოსებისთვის შეასრულეს.

ჯგუფის ნაწარმოებებში გამოყენებული ლირიკის ენა მრავალფეროვანია და ინგლისურს, ესპანურს, ფრანგულს, სპარსულს, პორტუგალიურს, რუმინულსა და ჰინდის მოიცავს. მათში ჯგუფის გლობალური აქცენტი და თანამშრომლობაზე დამყარებული სტრუქტურა ისახება.