The Man and the Journey

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება

The Man and the Journey (ქართ. ადამიანი და მოგზაურობა) იყო ჯგუფ პინკ ფლოიდის 1969 წლის კონცეპტუალური შოუების სერიის სახელწოდება.[1] საგულისხმოა, რომ ეს იყო ჯგუფის პირველი კონცეპტუალური შოუები და ასეთი წარმოდგენების ტრადიცია შემდგომ წლებში უფრო გამყარდა. უშუალოდ კონცერტებზე სრულდებოდა მასალა ალბომებიდან More და Ummagumma, რომლებიც ჯერ არ იყო გამოცემული.[1] პირობითად, ყოველი კონცერტი იყოფოდა ორ ნაწილად - ადამიანი და მოგზაურობა. კონცერტების დროს სცენაზე, გარდა სიმღერების შესრულებისა, აჭედებდნენ მაგიდას, მიირთმევდნენ ჩაის და სხვა იმპროვიზირებულ ქმედებებს ეწეოდნენ.[1]

პირველად პროგრამა შესრულდა 1969 წლის 14 აპრილს, ფესტივალების სამეფო დარბაზში, შოუზე The Massed Gadgets of Auximenes - More Furious Madness from Pink Floyd.[1] შემოკლებული ვერსია ჩაწერილი იქნა 1969 წლის 12 მაისს, რადიო გადაცემისათვის Top Gear.[1] 17 სექტემბრის ჩანაწერი ამსტერდამიდან ერთ-ერთი პოპულარული ბუტლეგია, რომლის ხარისხიც საკმაოდ დაბალია, თუმცა არსებობს სხვა ჩანაწერიც, რომელიც ხმის ინჟინრის პულტიდან არის გაკეთებული.[1] დაგეგმილი იყო ოფიციალური ცოცხალი ალბომის გამოცემა, მაგრამ Ummagumma-ზე მუშაობის გამო გეგმები შეიცვალა.

მოყვარულებისათვის ეს არის სასტარტო წერტილი, საიდანაც მომდინარეობდა კონცეპტუალური შოუების ტრადიცია და ერთი თემით გაერთიანებული მთელი რიგი წარმოდგენებისა. შოები ასევე უნიკალური იყო კვადროფონული ჟღერადობის გამო.

სიმღერების სია[რედაქტირება]

The Man (ადამიანი)[2]

  1. განთიადი, ნაწილი I (Grantchester Meadows, ალბომიდან Ummagumma) – 8:09
  2. სამუშაო (პერკუსია და ქსილოფონი, ჭედვასთან და ხერხვასთან ერთად) – 3:50
  3. ჩაის დრო (პინკ ფლოიდს ამ მომენტში სცენაზე ართმევდნენ ჩაის)
  4. შუადღე (Biding My Time, ალბომიდან Relics) – 5:15
  5. ვაკეთებთ! (The Grand Vizier's Garden Party (Entertainment), ალბომიდან Ummagumma) – 3:49
  6. ძილი (Quicksilver, ალბომიდან More) - 4:40
  7. ღამის კოშმარი (Cymbaline, ალბომიდან More) – 8:57
  8. განთიადი, ნაწილი II (Grantchester Meadows - ინსტრუმენტული რეპრიზა) – 1:13

The Journey (მოგზაურობა)

  1. დასაწყისი (Green Is the Colour, ალბომიდან More) – 4:49
  2. ქვესკნელის მხეცებით მოცული (Careful with That Axe, Eugene) – 6:18
  3. ვიწრო ბილიკი (The Narrow Way Pt. 3, ალბომიდან Ummagumma) – 5:09
  4. ვარდისფერი ჯუნგლები (Pow R. Toc H., ალბომიდან The Piper at the Gates of Dawn) – 4:49
  5. ოქსიმენის ლაბირინთი (Part of Interstellar Overdrive, ალბომიდან The Piper at the Gates of Dawn) – 6:34
  6. შეხედეთ ნათების ტაძარს – 5:28
  7. დასაწყისის დასასრული (A Saucerful of Secrets, ნაწ. IV - Celestial Voices, ალბომიდან A Saucerful of Secrets) – 6:14

საგულისხმოა, რომ ეს არის შესრულებული სიმღერების ტიპიური სია. ხშირად, Doing It ცნობილია როგორც Up the Khyber, Syncopated Pandemoneum - Party Sequence, The End of the Beginning - როგორც Storm Signal.

რესურსები ინტერნეტში[რედაქტირება]

სქოლიო[რედაქტირება]

  1. 1.0 1.1 1.2 1.3 1.4 1.5 Mabbett, Andy (1995). The Complete Guide to the Music of Pink Floyd. London: Omnibus,. ISBN 0-7119-4301-X. 
  2. შენიშვნა: ქართულენოვანი სათაურები მითითებულია, ვინაიდან პროგრამა წარმოდგენილი იყო თეატრალიზებული სანახაობის სახით