Set the Controls for the Heart of the Sun

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
„Set the Controls for the Heart of the Sun“
სიმღერა, შემსრულებელი პინკ ფლოიდი
ალბომი A Saucerful of Secrets
გამოსვლის თარიღი 29 ივნისი 1968 (ბრიტანეთი)
27 ივლისი 1968 (აშშ)
ჩაიწერა 7-8 აგვისტო, ოქტომბერი 1967, იანვარი 1968
ები როუდის სტუდია, ლონდონი
ჟანრი ფსიქოდელიური როკი, სპეის როკი
ხანგრძლივობა 5:27
ავტორი როჯერ უოტერსი
პროდიუსერი ნორმან სმითი
A Saucerful of Secrets სიმღერების სია
Echoes: The Best of Pink Floyd სიმღერების სია

Set the Controls for the Heart of the Sun — მესამე სიმღერა ჯგუფ პინკ ფლოიდის მეორე სტუდიური ალბომიდან A Saucerful of Secrets (1968).[1] მისი ავტორია როჯერ უოტერსი. სიმღერაში გამოკვეთილ სოლოს დასარტყამ ინსტრუმენტებზე ასრულებს ნიკ მეისონი. კომპოზიცია ჯგუფის კონცერტებზე სრულდებოდა 1967-1973 წლებში. მისი ცოცხალი ვერსია შეტანილია პინკ ფლოიდის 1969 წლის ალბომში Ummagumma. ასევე, სიმღერა ჟღერს ფილმში Pink Floyd: Live at Pompeii (1972) და კრებულში Echoes: The Best of Pink Floyd (2001)

2006 წელს გადაღებული დოკუმენტური ფილმის Which One's Pink? მიხედვით, სიმღერაში გიტარაზე ასევე დევიდ გილმორი და სიდ ბარეტი უკრავენ. შედეგად, ეს არის პინკ ფლოიდის ერთადერთი კომპოზიცია, რომელშიც ჯგუფის ხუთი წევრი უკრავს.

სიმღერის ჩაწერა დაიწყო 1967 წლის აგვისტოში. იმავე წლის ოქტომბერში და 1967 წლის იანვარში იგი დასრულებული იქნა. ცნობილია, რომ როჯერ უოტერსმა მისი ტექსტი აიღო ჩინური პოეზიის კრებულიდან, რომელიც ანგუს გრეჰემმა თარგმნა. სტრიქონების ნაწილი აღებულია ლი ჰესგან (ორიგინალში - witness the man who raged at the wall as he wrote his question to heaven) და ლი სიან-ინისგან (watch little by little the night turn around, countless the twigs which tremble in dawn, და one inch of love is an inch of ashes).

ასევე, სიმღერა სრულდებოდა როჯერ უოტერსის მიერ, სოლო-ტურებზე. 1984-1985 წლებიდან იგი შესრულებულ იქნა რადიკალურად შეცვლილი ფორმით — დამატებითი ვოკალისტი ქალების ხმებით, საქსოფონისა და გიტარის სოლოებით. შემოკლებული ვერსია სრულდებოდა უოტერსის 1987 წლის ტურნეზე — მხოლოდ აკუსტიკური გიტარის თანხლებით. სიმღერა სრულდებოდა 2006-2008 წლების ტურის The Dark Side of the Moon Live და In the Flesh ტურების მსვლელობისას. სცენაზე მისი შესრულებისას მიმდინარეობდა სიმღერების Arnold Layne და Scarecrow პრომო-ფილმების კადრების პროეცირება. 2002 წელს ლონდონის უემბლის სტადიონზე ამ კომპოზიციის შესრულებისას მაყურებლებმა ორ კონცერტზე მოწვეულ სტუმრად იხილა ნიკ მეისონი. ნიკი ასევე შეუერთდა როჯერს 2006 წლის რამდენიმე კონცერტზე.

პერსონალი[რედაქტირება]

სქოლიო[რედაქტირება]

  1. Mabbett, Andy (1995). The Complete Guide to the Music of Pink Floyd. London: Omnibus,. ISBN 0-7119-4301-X.