Panzer IV

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
SdKfz161-1-1.jpg
Panzer IV Ausf G — უდაბნოს კამუფლიაჟში.
Panzerkampfwagen IV
კლასიფიკაცია საშუალო ტანკი
საბრძოლო წონა, ტ 25
განლაგების სქემა კლასიკური
ეკიპაჟი, კაცი 5 ადამიანი
ისტორია
გამოშვების წელი(წლები) 1936-1945
ექსპლუატაციის წელი(წლები) 1936-1967
გამოშვების რაოდენობა 8,800
ძირითადი ოპერატორები ნაცისტური გერმანიის დროშა ნაცისტური გერმანია
ზომები
კორპუსის სიგრძე , მმ 5,92
კორპუსის სიგანე, მმ 2,88
სიმაღლე, მმ 2.68
ჯავშანი
ჯავშნის ტიპი 10-88მმ
შეიარაღება
ქვემეხის კალიბრი და მარკა 7.5 cm KwK 40 L/48
ტყვიამფრქვევები 2 × 7.92 მმ Maschinengewehr 34
მობილურობა
ძრავის ტიპი 12 ცილინდრიანი Maybach HL 120 TRM 300
ძრავის სიმძლავრე, ც.ძ. 296
გადაადგილების სიჩქარე ტრასაზე, კმ/სთ 42
ტრასაზე გადაადგილების მარაგი, კმ 200

Panzerkampfwagen IV (Pz.Kpfw. IV) — გერმანული საშუალო ტანკი, ცნობილია როგორც Panzer IV. ტანკი შექმნილია 1930-იანი წლებში და ინტენსიურად გამოიყენებოდა მეორე მსოფლიო ომში. ტანკი შექნილია ქვეითების დასახმარებლად და არ ევალებოდა ტანკების განადგურება. ტანკების გასანადგურებლად იყენებდნენ უფრო მსუბუქ Panzer III - ს, თუმცა T-34 - ის გამოჩენის თანავე მალევე შეიცვალა Panzer IV-ის მისია და მას უკვე ტანკების გასანადგურებლადაც იყენებდნენ.ტანკი წარმოადგენს ყველაზე ფართოდ გამოშვებულ გერმანულ ტანკს მეორე მსოფლიო ომში,ტანკის ბაზაზე შექმნილია Sturmgeschütz IV, Jagdpanzer IV ტიპის ანტი-ტანკი, Wirbelwind თვითმავალი საზენიტო დანადგარი და Brummbär-ის ტიპის თვითმავალი საარტილერიო დანადგარი.

1936 წლიდან 1945 წლამდე 8,800 რაოდენობით იქნა გამოსული, მისი მოდერნიზაცია და მოდიფიკაციები გამოდიოდა მოწინააღმდეგის ტანკებისდა მიხედვით. Panzer IV ყველაზე დიდი რაოდენობით გავიდა ექსპორტზე რაც კი ნაცისტურ გერმანიას უწარმოებია, 300 ტანკი მიყიდული იქნა ფინეთზე, ესპანეთზე, ბულგარეთზე და რუმინეთზე, გარდა ამისა ომის შემდეგ საფრანგეთმა და ესპანეთმა მიყიდა სირიას და გამოიყენებოდა ექვსდღიან ომში.

შექმნა[რედაქტირება]

Panzer IV - ის შექმნის იდეა პირველად გერმანელ სამხედრო თეორიტიკოსს და გენერალ ჰაინც გუდერიანს გაუჩნდა. ტანკი წარმოადგენდა ქვეითების დამხმარე მანქანას რომელიც ეფექტურად იბრძოდა ტანკ საწინააღმდეგო ქვემეხების და ფორტიფიკაციული ნაგებობების წინააღმდეგ.იდეალურ 'პანზერ' დივიზიაში უნდა ყოფილიყო ორი Panzer III - ების კომპანია და 1 მძიმე Panzer 4 - ების. 1934 წლის 11 იანვარს წარადგინეს მონაცემები რომელიც უნდა ჰქონოდა მომავალ ტანკს რომლის მიზანი Panzer III - ების დახმარება იქნებოდა,ტანკს შეიარაღებაში 75მმ - იანი ქვემეხი უნდა ჰქონოდა და 23 ტონამდე უნდა ყოფილიყო.ტანკის პროტოტიპები წარადგინა M.A.N - მა,კრუპმა და რეინმეტალმა,საბოლოოდ არჩევანი კრუპის ვერსიაზე შეჩერდა. ახალ შასს 6 ბორბალი ჰქონდა,ძრავა მდებარეობდა უკან,მძღოლი და რადიო მეკავშირე იჯდნენ წინ,მეთაური კოშკურაში ,ახლოსვე სადაც არის ამოსასვლელი.კოშკურა მუშაობდა ელექტრული ძალით ხოლო ტრანსმისია კი მძღოლის და რადიო ოპერატორის შორის იყო. ტანკის საწარმოო სახელი იყო Versuchskraftfahrzeug 622 (Vs.Kfz. 622),მისი წარმოება 1936 წელს დაიწყო კრუმ გრუსენვორქის ქარხანაში ქალაქ მაგდენბურგში.

Ausf. A to Ausf. F1[რედაქტირება]

Panzer IV Ausf A,ტანკის პირველი ვერსია

ტანკის პირველი წარმოება 1936 წელს დაიწყო Panzer IV - ის ვერსიით Ausführung A (ნიშნავს:ვარიანტი ),თავდაპირველ ვერსიას ჰქონდა მაიბახის 250 ცხძლ - იანი ძრავა და SGR 75 ტიპის ტრანსმისია,მისი მაქსიმალური სიჩქარე 31კმ/სთ იყო,ძირითადი შეიარაღება დაბალი სწრაფსროლის მქონდა 75მმ - იანი ქვემეხი იყო რომელიც ძირითადად ისროდა კუმულაციურ ჭურვებს,ამ ჭურვებით 400 კმ - დან შეეძლო 43 მმ-იანი ჯავშნის გახვრეტა,მეორადი შეიარაღება 2 MG 34 - ი იყო,ერთი ეყენა კოშკურაზე ხოლო მეორე კი კორპუსზე,ტანკის ჯავშანის სისქე იყო 14,5მმ-იანი კორპუსზე და 20მმ-იანი ჯავშანი კოშკურაზე,ეს კი უზრუნველყოფდა დაეცვა ეკიპაჟი მსუბუქი ტყვიამფრქვევებისგან,საარტილერიო ფრაგმენტებისგან და მსუბუქი ქვემეხის ჭურვებისგან.

Panzer IV Ausf B

1937 წელს დაიწყო მისი ახალი ვერსიის Ausf. B - ს წარმოება, მოდიფიკაციის წარმოება კი დასრულდა 35 მანქანით.ახალ ვერსიას ეყენა უფრო ძლიერი 300ცხძლ-იანი HL 120TR - ი,ასევე დაუყენდა ახალი ტრანსმისია SSG 75 6 წინ მამოძრავებელი და 1 უკან მამოძრავებელი გორგოლაჭით,ტანკის წინა 18 ტონამდე გაიზარდა ხოლო მაქსიმალური სიჩქარე კი 39კმ/სთ იყო.სულ 42 მსგავსი მოდიფიკაცია გამოვიდა.ამის მერე გამოვიდა კიდევ უფრო ახალი და გაუმჯობესებული Ausf. C - ე,კოშკურის ჯავშანი 30მმ-მდე გაიზარდა ხოლო წონამ კი უკვე 20 ტონას მიაღწია,გარდა ამისა გაუმჯობესდა ძრავა და დაუყენდა ახალი HL 120TRM.წარმოებული იქნა მხოლოდ 140 მანქანა,მათი წარმოება ჩანაცვლდა Ausf. D - ი,სულ გამოშვებული იქნა 250 მდე მსგავი მანქანა,ახალ ვერსიაზე გაუმჯობესდა შასი,ბორტებზე გაუძლიერდა ჯავშანი 20მმ-მდე.პოლონეთის კამპანიის დასასრულს გადაწყდა გაეზარდათ მათი წარმოება თუმცა საფრანგეთში ბრძოლებისას გერმანულ ტანკებს უჭირდათ ბრიტანული Matilda - ის და Matilda II - ს გახვრეტა,ამის შემდეგ გადაწყდა რომ დაეყენებინათ ახალი 50მმ-იანი ტანკ საწინააღმდეგო ქვემეხი 5 cm Pak 38 Panzer IV Ausf. D - ზე.1940 წელს Ausf. E გამოვიდა,გაძლიერებული ჯავშით 50მმ-მდე,კოშკურიდან ამოსასვლელმა გადაინცვლა უკნიდან წინ,ტანკი იწარმოებოდა 1939 წლის ზამთრიდან 1941 წლამდე,ამავე წელს Panzer IV Ausf. F - ს წარმოება დაიწყო რომელსაც შასზე და კოშკურაზე 50მმ-იანი ჯავშანი ჰქონდა და ასევე დაყენებული დამატებითი ჯავშანი, Ausf. E - ზე კი ბორტებზე 30მმ-მდე გაუზარდეს ჯავშანი,ტანკის წონა კი 24 ტონა გახდა.

Ausf. F2 to Ausf. J[რედაქტირება]

Ausf.F2

1941 წლის 26 მაისს ოპერაცია ბარაბაროსადან რამდენიმე კვირა იყო გასული როდესაც უკვე მოითხოვეს Panzer IV - ზე ქვემეხის გაძლიერება,კრუპმა ისევ 50მმ-იანი Pak 38 - ები დაუყენეს თუმცა მას შემდეგ რაც გამოჩნდნენ T-34 და KV ნათელი იყო რომ ბევრად ძლიერი შეიარაღება იყო საჭირო, ამიტომაც 1941 წლის დეკემბერში კრუპის 50მმ-იანი ქვემეხი მოუხსნენს და ახალი 75მმ-იანი რეინმეტალის 7.5 cm Pak 40 ტიპის ტანკ საწინააღმდეგო ქვემეხი დაუყენეს,ქვემეხს ძლიერი უკუცემა ჰქონდა რის გამოც მისი დამოკლება მოუწიათ და მიიღეს სატანკო ქვემეხი KwK 40,ჯავშანმხვრეტავი ჭურვის გასროლისას ჭურვი 430 - დან 900 - მეტრს გადიოდა წამში ხოლო 1,800 მეტრში შეეძლო 77მმ-იანი ჯავშნის გახვრეტა. Ausf. F - ს გაუკეთეს დაგრძელებული KwK 40 ტიპის ქვემეხი,წონა კი 23 ტონა გახდა.სულ 170 მსგავსი მოდიფიკაცია იქნა გამოსული.

Ausf.H დამატებითი ეკრანებით

1942 წელს დაიწყო Panzer IV Ausf. G - ის წარმოება 1943 წლამდე,ამ დროს კი ის მოდერნიზაციებს განიცდიდა,პირველ რიგში მთლიანად მოიხსნა ჯავშანი და ახლიდან შეჯავშნეს,წინიდან 80მმ-იანი ჯავშნით ხოლო ბორტებიდან 30მმ-იანით,ამავე წელს ადოლფ ჰიტლერმა გადაწყვიტა რომ 50% Panzer IV - ს უნდა გაძლიერებულიყო ჯავშანი 80მმ-მდე,ამის გამო ტანკის კორპუსის შეცვლა მოუხდათ რათა დაეწიათ მისი წონა,ასევე გაუმჯობესდა ძრავის გამაგრილებელი სისტემა,ასევე შეიცვალა გამაცხელებელი რათა ძრავა არ გაყინულიყო,1943 წელს პირველად გერმანულ ტანკებზე დაყენდა დამატებითი ეკრანები, Ausf. G - ზე დამატებით ჯავშანი გაიზარდა კოშკურაზე და უფრო დაუგრძელეს ქვემეხი და გააუმჯობესეს ქვემეხის პირი უკუცემის შესამცირებლად. შემდეგი იყო Ausf. H,ამ მოდიფიკაციას გაუუმჯობესდა 80მმ-იანი ჯავშანი,დაემატა ზიმერიტის ჯავშანი რომელიც საშუალებას არ აძლევდა მაგნიტურ ნაღმებს მიკრობისა,ამ ტიპის ნაღმებს ხშირად იყენებდნენ მოკავშირეები,გარდა ამისა კოშკურაზე 5 და 8 მმ-იანი ჯავშანი დაემატა,კოშკურაზე დაემატა საკვამლე ყუმბარები,გარდა ამისა შეიცვალა მამოძრავებელი გორგოლაჭები.ამ ყველაფრის შემდეგ ტანკის წონა 27 ტონამდე გაიზარდა და დაკარგა მანევრულობა,ტანკის მანევრულობის გასზრდელად Panzer III - ს ექვს სიჩქარიანი SSG 77 ტიპის ტრანსმისია დაუყენდა თუმცა მაინც ვერ უშველა.

Ausf.J

ბოლოს მოდიფიკაცია იყო Panzer IV Ausf. J,ტანკი მაქსიმალურად მარტივ დასამზადებლად გააკეთეს,მოეხსნა ელექტრული დეტალები რის გამოც კოშკურა ჩვეულებრივ მოძრაობდა,დაემატა 200 ლიტრიანი ავზები რის შემდეგადაც 320კმ-მდე გაუმჯობესდა რადიუსი,ასევე შეიცვალა მაყუჩი და ის ორად გაყვეს,ასევე მოუხსნენ ზიმერიტის ჯავშანი. გარდა ამისა შეთავაზეს დაეყენებინათ პანტერას ქვემეხი თუმცა კორპუსი უბრალოდ მას ვერ წაიღებდა ამიტომ პროექტი ჩავარდა.

წარმოება[რედაქტირება]

Panzer IV - ის წარმოება წლების მიხედვით
წელი რაოდენობა ვარიანტი (Ausführung ან Ausf.)
1937–1939 262 A – D
1940 278-386
1941 467-769 E, F1, F2, G, F
1942 დაახ. 880 G
1943 3,013 G, H
1944 3,125 J
1945 დაახ. 435 J
სულ 9,870 A - J

Panzer IV - ი თავდაპირველად მხოლოდ კრუპის ქარხანაში იწარმოებოდა,პოლონეთის ოკუპაციამდე სულ გამოსული იყო 262 ტანკ,მათ შორის 35 Ausf. A; 42 Ausf. B; 140 Ausf. C; და 45 Ausf. D.ოკუპაციის შემდეგ წარმოება გაგრძელდა ავსტრიაში სადაც 223 Ausf. E მოდიფიკაცია დამზადდა,მესამე ქარხანა მდებარეობდა ჩეხეთში,იქ 1941 წლისთვის ყოველ თვიურად 38 ტანკს აგებდნენ, 83 1942, 252 1943,ხოლო 1944 წელს კი 300.1943 წელს კრუპის ქარხანა Sturmgeschütz IV - ის გამოშვებაზე გადაერთო ხოლო ჩეხეთში კი 1944 წლიდან დაიწყო Jagdpanzer IV - ის წარმოება.1944 წელს ავსტრიის ქარხნის დაბომბვისას ძლიერ დაზიანდა და 1945 წელს ქარხანამ მხოლოდ 83 ტანკის წარმოება შეძლო.

ექსპორტი[რედაქტირება]

Panzer IV ექსპორტზე ყველაზე ფართოდ გავიდა გერმანიის მიერ, 1942 წელს 11 ტანკი მიიღო რუმინეთმა ხოლო უნგრეთმა კი 32, რომლის უმეტესობა 1942 წლის ბოლოს და 1943 წლის დასაწყისში განადგურდა აღმოსავლეთ ფრონტზე,რუმინეთმა ომის განმავლობაში 120მდე სხვადსხვა მოდიფიკაციის პანზერ 4 მიიღო,გარდა ამისა გერმანია ამარაგებდა ბულგარეთს (42 ან 91),ასევე 12 ცალი შესთავაზეც იტალიას,ესპანეთი კი თხოვდა მიეცათ 100-მდე Panzer IV მარტისთვის, თუმცა გერმანელებმა მხოლო 10 მისცეს 1943 წლის დეკემბრისთვის,ფინეთმაც 30 Panzer IV შეუკვეთა მაგრამ მხოლოდ 15 მიიღო 1944 წელს, ხოლო ამავე წელს უნგრეთმა დამატებით ტანკები მიიღო ბრძოლაში განადგურებული ტანკების ასანაზღაურებლად. სულ ექსპორტზე 297 Panzer IV - ს სხვადსხვა მოდიფიკაცია გავიდა.

საბრძოლო ისტორია[რედაქტირება]

Panzer IV ერთადერთი გერმანული ტანკია რომელიც მეორე მსოფლიო ომშიც იბრძოდა და თან ექსპორტზეც გადიოდა,ეს ტანკი ვერმახტის სატანკო ჯარების 30%-ს წარმოადგენდა მაშინ როდესაც მეორე მსოფლიო ომის დასაწყისამდე გერმანიის ჯარები უმეტესად მსუბუქი Panzer I და Panzer II-თ შედგებოდა, ესპანეთის სამოქალაქო ომში კი Panzer I ჩამოუვარდებოდა საბჭოთა T-26-ს.

დასავლეთ ფრონტი და ჩრდილოეთ აფრიკა[რედაქტირება]

1941 წელი ოპერაცია ჯვაროსანი, განადგურებული Panzer IV,მის გვერზე ბრიტანული კრუსაიდერი

პოლონეთის ოკუპაციის შემდეგ გერმანიის სატანკო დივიზიები შედგებოდნენ : 1,445 Panzer I, 1,223 Panzer II, 98 Panzer III და 211 Panzer IV-სგან,ეს იმას ნიშნავდა რომ თანამედროვე ტანკები მხოლოდ 10% იყო,ყველაზე დაბალანსებული იყო პირველი სატანკო დივიზიონი რომლის შეიარაღებაში შედიოდა : 17 Panzer I, 18 Panzer II, 28 Panzer III, და 14 Panzer IV, დანარჩენები კი დაახლოებით ესე იყვნენ : 34 Panzer I, 33 Panzer II, 5 Panzer III, and 6 Panzer IV,პოლონეთის ოკუპაციისას კი უკვე პრობლემები ნათლად გამოჩნდა,კერძოთ 200-მდე ტანკი დაზიანდა ტანკსაწინააღმდეგო ქვემეხებისგან.საფრანგეთის ოკუპაციისას კი უკვე გაზრდილი იყო თანამედროვე ტანკების რაოდენობა თუმცა ჯერ მაინც უფრო მეტი იყო მსუბუქი ტანკი,ჰაინც გუდერიანის თქმის ომში გამოიყენებოდა 523 Panzer I, 955 Panzer II, 349 Panzer III, 278 Panzer IV, 106 Panzer 35(t) და 228 Panzer 38(t), გერმანულ Panzer IV-ებს ძალიან გაუჭირდათ თავიანთი 75მმ-იანი ქვემეხებით ფრანგული Somua S35 და Char B1-ების განადგურება,სუმოას ჯავშანი 55მმ-იანი იყო,მაშინ როდესაც პანზერი 45 მმ-იან ჯავშანს ხვრიტავდა ხოლო Matilda Mk II - ს კი 70მმ-იანი ჯავშანი ჰქონდა ფრონტალურად ხოლო ბორტებზე კი 65მმ-იანი. გერმანულ ტანკებს ბრიტანულ Matilda Mk II-ებთან შეხვედრა აფრიკაშიც მოუწია და კვლავ ძალიან გაუჭირდათ მათთან ბრძოლა, ამიტომაც დაუყენეს L/43 ტიპის ახალი ქვემეხები და უკვე 1500 მეტრიდან შეეძლოთ ნებისმიერი ტანკის განადგურება, თუმცა ბრიტანულ Matilda Mk II-ებსაც გამოყავდათ მწყობრიდან გერმანული ანალოგები, გარდა ამისა Panzer IV ბევრად აღემატებოდა მანევრულობაში ბრიტანულ Matilda Mk II-ს რომელსაც ძალიან აკლდა ეს თვისება.

აღმოსავლეთ ფრონტი[რედაქტირება]

ნაალაფარი Panzer IV საბჭოთა არმიაში

ოპერაცია ბარბაროსას დაწყებისას საბჭოთა KV-ს და T-34-ის მოულოდნელმა გამოჩენამ, გერმანელებს აიძულა თავიანთი ტანკები გაეძლიერებინათ,ახალი 75მმ-იანი გრძელი ქვემეხით შეეძლოთ 1200 მეტრიდან გაენადგურებინა T-34 ნებისმიერ კუთხით მოხვედრისას,პირველად ახალი ქვემეხებით 1942 წლის გაზაფხულზე გამოჩნდნენ (Ausf. F2) და მონაწილეობა მიიღეს თავდაცვაში კერძოთ გეგმა:ბლუ-ში ხოლო ამავე წლიდან Panzer IV-ი ძირითად ტანკად გადაიქცა, იმ დროისთვის ჯერ კიდევ არ იყო ფართოდ გავრცელებული თაიგერი და თანაც ბევრი ტექნიკური პრობლემა ჰქონდა,1942 წელს Panzer IV ერთადერთი ტანკი იყო რომელსაც შეეძლო T-34 და KV-1-ის დამარცხება. 1942 წელს სულ დაკარგეს 502 Panzer IV.

კურსკის ბრძოლაში Panzer IV-ს დიდი წვრილი მიუძღვოდა რადგან ჯერ კიდევ არ იყო ფართოდ გავრცელებული პანტერა ან თუ იყო მასაც როგორც თაიგერ ბევრი ტექნიკური პრობლემა ჰქონდა, ამ ბრძოლაში განადგურდა 841 Panzer IV,1943 წელს დაკარგეს 2,352 ტანკი აღმოსავლეთ ფრონტზე,1944 წელს კი 2,643 რომლის აღდეგენა და წარმოება ძალიან რთული იყო.1945 წელს კი 287, საბჭოთა ცნობებით მთლიან ომში განადგურდა 6,152 Panzer IV ანუ დაახლოებით 70%.

დასავლეთ ფრონტი[რედაქტირება]

განადგურებული Panzer IV,ეტყობა რომ ეყენა დამატებითი ეკრანები ბორტებზე და ზიმერიტის ტიპის ჯავშანი

მეორე ფრონტის გახსნისას დასავლეთ ფრონტზე ტანკების ნახევარი სწორედ Panzer IV-ებისგან შედგებოდნენ,სულ 11 სატანკო დივიზია იყო, ეს დივიზიები უმეტესად დაკომპლეკტებულნი იყვნენ Panzer IV-ებით და ახალი პანტერებით,სულ 160 ტანკამდე,გარდა ამისა დასავლეთ ფრონტზე გარდა ვერმახტის ჯარისა იყო ვაფენ სს-ი რომელიც უკეთესად აღჭურვილნი და მომზადებულები იყვნენ, თუმცა მოკავშირეებმა ჰაერში კონტროლი მალევე დააწესეს და საშინელი ზარალი მიაყენეს გერმანიის სატანკო ჯარებს, მათ უბრალოდ შეტევაც კი არ შეეძლოთ რადგან მათ მალევე ანადგურებდნენ ტანკ საწინააღმდეგო შეიარაღებით ანდაც საერთოდ ბომბდამშენებით, გარდა ამისა მოწინააღმდეგეს დიდი რაოდენობით ჰქონდა ტანკსაწინააღმდეგო PIAT-ები რომლებითაც ბორტებზე მოხვედრისას ადვილად ხვრიტავდა მოწინააღმდეგის ტანკებს, სწორედ ამის გამო ტანკებს დაუმონტაჟეს დამატებითი ეკრანები მათგან თავ დასაცავად.

მოწინააღმდეგის მხარეს ყველაზე გავრცელებული იყო M4 Sherman, ტანკს ძალიან ცუდი ჯავშანი და არასაკმარისი შეიარაღება ჰქონდა, ტანკი ხვრიტავდა მხოლოდ Panzer IV-ის ძველ ვერსიებს მაგრამ ბოლო ვერსიებთან რომლებსაც 80მმ-იანი ფრონტალური ჯავშანი ჰქონდათ ფაქტიურად ამერიკული შერმანი მას ვერ ხვრიტავდა ახლოდანაც კი.

ბრიტანელებმა ტანკი გააძლიერეს ახალი ქვემეხით QF 17 pounder და მიიღეს ახალი ტანკი M4 ფაირფლაი,ეს ერთადერთი ტანკი იყო დასავლეთ ფრონტზე რომელსაც შეეძლო მისი გახვრეტა ფრონტალურად,გარდა ფაირფლაისა მსგავსი ქვემეხი ეყენა Cruiser Mk VIII Challenger - ს მაგრამ ტანკს ბრძოლებში მონაწილეობა არ მიუღია. Panzer IV დიდი რაოდენობით გამოიყენებოდა არდენის დაცვაში თუმცა ამ ბრძოლაშიც უამრავი Panzer IV განადგურდა. დასავლეთით გერმანიამ 2,200 Panzer IV დაკარგა.

სხვა[რედაქტირება]

Sturmgeschütz IV

1944 წელს ფინელებმა 15 ახალი Panzer IV Ausf J იყიდეს,თითოში 5,000,000 ფინური მარკა გადაიხადეს თუმცა ტანკებმა თითქმის ვერ მოასწრეს ბრძოლებში ჩართვა.ომის შემდგომ მას საწვრთნელი ფუნქცია ჰქონდა,გარდა ამისა მონაწილეობდა ფილმ უცნობი ჯარისკაცი-ში სადაც გადაკეთებული იყო საბჭოთა კვ -დ.

1945 წლის შემდეგ ბულგარეთმა თავიანთი პანზერები საცეცხლე პოზიციებად გადააქცია თურქეთთან საზღვარზე.

რუმინეთმა ომის შემდეგ წითელი არმიისგან მიიღო 50 Panzer IV,თუმცა ტანკები ცუდ მდგომარეობაში იყო, უმეტესობას ნაწილები აკლდა.ტანკები 1950 წლამდე დარჩა შეიარაღებაში ხოლო შემდეგ კი დაჭრეს და ჩაანაცვლეს საბჭოთა შეიარაღებით.

სირიამ ტანკები საფრანგეთისგან და ესპანეთისგან მიიღო,გამოიყენებოდა გოლანის მაღლობებზე და მდინარე იორდანიზე.

ვარიანტები[რედაქტირება]

  • Jagdpanzer IV - ანტიტანკი შექმნილი იყო Panzer IV - ს შასზე,შეიარაღებული იყო L/48 ტიპის ქვემეხით.
Sturmpanzer IV
  • 'Sturmgeschütz IV - ანტიტანკი ექმნილი პანზერ 4ის შასზე,შეიარაღებული იყო 75მმ-იანი 7.5 cm Pak 42 L/70 ტიპის ქვემეხით.
  • Sturmpanzer IV Brummbär - თვითმავალი საარტილერიო დანადგარი,შეიარაღებული 150მმ-იანი მოკლე ლულით.
  • Wirbelwind - თვითმავალი საზენიტო დანადგარი შეიარაღბული 2 cm Flakvierling 38 ქვემეხით.

რესურსები ინტერნეტში[რედაქტირება]

Commons-logo.svg
ვიკისაწყობში? არის გვერდი თემაზე:

მოძიებულია „http://ka.wikipedia.org/w/index.php?title=Panzer_IV&oldid=2624761“-დან