Pablo Honey

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
Pablo Honey
სტუდიური ალბომი - Radiohead
გამოცემის თარიღი 22 თებერვალი, 1993
ჩაწერის თარიღი სექტემბერი ნოემბერი 1992
ჟანრი ალტერნატიული როკი
ხანგრძლივობა 42:11
ლეიბლი Parlophone, Capitol
პროდიუსერი Sean Slade, Paul Q. Kolderie
Radiohead - ქრონოლოგია
Pablo Honey (1993) The Bends (1995)
სინგლები ალბომიდან Pablo Honey
  1. Creep
    გამოვიდა: სექტემბერი, 1992
  2. Anyone Can Play Guitar
    გამოვიდა: თებერვალი, 1993
  3. Stop Whispering
    გამოვიდა: ოქტომბერი, 1993
 პროფესიონალური შეფასებები
ქულები
წყარო რეიტინგი
Allmusic 3/5 stars[1]
Entertainment Weekly (B)[2]
IGN (8.6/10)[3]
NME 7/10 stars
Pitchfork Media (5.4/10)[4]
Q 3/5 stars
Record Collector 3/5 stars[5]
რობერტ კრისტგოუ (მხოლოდ ერთი ღირებული სიმღერა)[6]
Rolling Stone 3/5 stars
Sputnikmusic 3.5/5 stars[7]

Pablo Honey — ჯგუფ Radiohead-ის პირველი ალბომი, რომელიც Courtyard Studios მიერ იქნა გამოცემული (1992 წლის მარტში). ჯგუფის სადებიუტო ნამუშევარს ბრიტანული მუსიკალური საზოგადოება ერთგვარი ირონიით მოეკიდა. ყველასთვის ცნობადი და ათასჯერ გადამღერებული “Creep” საკმარისი არ იყო სერიოზული მუსიკოსის სახელის დასამკვიდრებლად, რაც ალბომის რეიტინგშიც კარგად გამოიხატა (#32 პოზიცია ბრიტანულ ჩარტში). ის საერთაშორისო წარმატებაც, რომელიც Pablo Honey-მ დაიმსახურა ისევდაისევ “Creep”-ით იყო განპირობებული. სინგლი მოწინავე პოზიციებზე გამყარდა ევროპულ ჩარტებში (#2 თანამედროვე როკის ბილბორდ-ჩარტში, #7 ბრიტანეთში). მუსიკალურმა ჟურნალმა NME-მ კი Radiohead-ს შემდეგი შეფასება მისცა: “მხდალი მიზეზი როკ-ჯგუფის სახელის გასამართლებლად”.

ალბომი Pablo Honey ძირითადად იმ დემოებს მოიცავს რაც On a Friday-ს პერიოდში იქნა დამუშავებული, შესაბამისად ჩაწერის პროცესი მოკლე დროში დასრულდა. მარტივი ლირიკა და ორი გიტარის მიერ შექმნილი აღმავალი რიფები (ბასთან ერთად) გარკვეულ ხიბლს ანიჭებს მუსიკას, თუმცა ასევე მარტივად აღსაქმელია. მუსიკალური სტილიდან გამომდინარე ტრეკები “Prove Yourself”, “You”, და “Thinking about You” ალბომის დანარჩენი სიმღერებისგან განსხვავდება – მელოდიურობამ და იორკის მჭახე, ოდნავ ხრინწიანმა ვოკალმა თავისი ელფერი შესძინა მათ და რამდენიმე წლის შემდეგ უფრო დაფასდა მსმენელთა შორის, რომელთა ნაწილიც მიიჩნევს რომ ერთხაზოვანი სტრუქტურის მიუხედავად ტრეკები სასიამოვნო მოსასმენია. სინგლზე “Anyone Can Play Guitar” ჯგუფის Sonic Youth გავლენა იგრძნობა, სადაც იორკმა ის “მითიური” იარლიყი დაგმო, რომელიც, ჩვეულებრივ, ცნობად როკ-მუსიკოსთა სახელებს ახლავს ხოლმე თან. Radiohead არც აპირებდა დებიუტზე შეჩერებას, და იმ ნეგატიურ გარემოსაც, რომელიც ერთი მხრივ მცირედი პოპულარობით ხოლო მეორე მხრივ ულმობელი კრიტიკით იყო გამოწვეული, დადებით ასპექტში ხედავდა მომავალი წარმტებისთვის.

Radiohead-ის ამ პერიოდის მუსიკას ჯგუფებს Pixies, R.E.M. და The Smiths უკავშირებენ, კრიტიკოსთა ნაწილმა კი Palo Honey-ში გრანჟიც ადვილად შეამჩნია, რის შემდეგადაც იორკი მალევე მონათლეს “ბრიტანელ ნირვანად”. უცხოურ ჩარტებში მიღწეულმა მოულოდნელმა წარმატებამ და იმ ზეწოლამ რაც გახანგრძლივებულ ტურს მოსდევდა, კინაღამ დამღუპველად იმოქმედა Radiohead-ზე. მოგვიანებით ჯგუფის წევრებმა განაცხადეს რომ ტური მხოლოდ საცოდავი გამოცდილება აღმოჩნდა მათთვის, იმის გათვალიწინებით რომ მხოლოდ იმ სიმღერებს ასრულებდნენ, რაც ორი წლის წინ ჰქონდათ ჩაწერილი, “ეს უფრო დამახინჯებულ დროში ცხოვრებას ჰგავდა.” სიმღერით “Creep” გამოწვეულმა ისტერიამ დათრგუნა ჯგუფის წევრები. კონცერტებისას “Creep”-ის შესრულების შემდეგ აუდიტორია ადგილს ტოვებდა. სწორედ ამან განაპირობა ის რომ 1997 წელს გამოსულ ვიდეო დისკში 7 Television Commercials შეგნებულად არ შევიდა “Creep”. ერთი პერიოდი კი Radiohead-მა საერთოდ უარი თქვა ამ სიმღერის შესრულებაზე. ეს 2001 წლამდე გაგრძელდა, როდესაც განუწყვეტელი თხოვნის შემდეგ ტრეკი ისევ გაჟღერდა ცალკეულ კონცერტებზე.

სიმღერების სია[რედაქტირება]

ყველა სიმღერის ავტორი — Radiohead

# სახელწოდება ხანგრძლივობა
1. You   3:29
2. Creep   3:56
3. How Do You?   2:12
4. Stop Whispering   5:26
5. Thinking About You   2:41
6. Anyone Can Play Guitar   3:38
7. Ripcord   3:10
8. Vegetable   3:13
9. Prove Yourself   2:25
10. I Can't   4:13
11. Lurgee   3:08
12. Blow Out   4:40

შემადგენლობა[რედაქტირება]

გამოცემის ისტორია[რედაქტირება]

ქვეყანა თარიღი ლეიბლი ფორმატი კატალოგის ნომერი
დიდი ბრიტანეთი 22 თებერვალი 1993 Parlophone კომპაქტ დისკი CDP 7 81409 2
გრამფირფიტა PCS 7360
აშშ 20 აპრილი 1993 Capitol კომპაქტ დისკი CDP 0777 7 81409 2 4

სქოლიო[რედაქტირება]

  1. Thomas, Stephen. (1993-04-20)Pablo Honey - Radiohead. AllMusic. წაკითხვის თარიღი: 2012-03-07.
  2. Marisa Fox. (1993-05-14)Pablo Honey Review. Entertainment Weekly. წაკითხვის თარიღი: 2012-05-22.
  3. Finn White. Radiohead - Pablo Honey (Collector's Edition) Review - Music Review at IGN. Uk.music.ign.com. წაკითხვის თარიღი: 2012-03-07.
  4. Scott Plagenhoef (16 April 2009).Radiohead: Pablo Honey: Collector's Edition / The Bends: Collector's Edition / OK Computer: Collector's Edition Pitchfork Media. Retrieved 10 December 2011.
  5. Radiohead - Pablo Honey CD Album. Cduniverse.com (2009-03-24). წაკითხვის თარიღი: 2012-03-07.
  6. რობერტ კრისტგოუ. CG: Radiohead. RobertChristgau.com. წაკითხვის თარიღი: 2012-05-22.
  7. Radiohead - Pablo Honey (staff review). Sputnikmusic. წაკითხვის თარიღი: 2012-03-07.
მოძიებულია „http://ka.wikipedia.org/w/index.php?title=Pablo_Honey&oldid=2696292“-დან