On the Run — მესამე კომპოზიცია ჯგუფ პინკ ფლოიდის ალბომიდან The Dark Side of the Moon.[1][2] ეს არის ინსტრუმენტული კომპოზიცია, აგებული EMS სინთეზატორის რამდენიმე ნოტზე, რომელიც აჩქარებული ტემპით ჟღერს. ნომერი პირდაპირ კავშირშია მოგზაურობის, ფრენის შიშთან, რასაც ხაზს უსვამს მასში გაჟღერებული ხმის ეფექტები - აეროპორტის ხმები, თვითმფრინავის ხმაური, სირბილი, აფეთქება და ა.შ.
კომპოზიციის ერთ-ერთი ცენტრალური მომენტია ები როუდის სტუდიის თანამშრომლის, ’ქუდიანი როჯერის’ (Roget the Hat) ფრაზა - ’დღეს ვცოცხლობ, ხვალ - მოვკვდები, ასეთი ვარ’ (Live for today, gone tomorrow. That's me) და მისივე შეშლილი სიცილი.
კომპოზიციის საკონცერტო შესრულებების დროს, სცენისკენ მიფრინავდა თვითმფრინავის მოდელი, რომელიც ეშვებოდა სცენის უკანა მხარეს და ფეთქდებოდა. იგივე ვიზუალური ეფექტი გამოიყენებოდა 1987-1989 და 1994 წლების ტურების დროს. ერთგვარი პაროდირების სახით, მსგავსი თვითმფრინავი სცენას ეჯახებოდა 1980-1981 წლების ტურის დროს, თუმცა ეს ასევე გათვალისწინებული იყო ალბომის The Wall სიუჟეტით.
რესურსები ინტერნეტში [რედაქტირება]
