Nothing Else Matters

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
„Nothing Else Matters“
სინგლი  - მეტალიკა
ალბომიდან MetallicaMetallica
B-მხარე Enter Sandman (ცოცხალი)/
Harvester of Sorrow (ცოცხალი)/
Nothing Else Matters (დემო)
გამოსვლის თარიღი 1992
ფორმატი CD სინგლი
ჩაიწერა ოქტომბერი, 1990 - ივნისი, 1991
One on One Recording
ლოს ანჯელესი კალიფორნია
ჟანრი მძიმე მეტალი, სასიყვარულო ბალადა
ხანგრძლივობა 6:28
ლეიბლი Elektra
სიმღერის ავტორი ჰეტფილდი, ულრიხი
პროდიუსერი ჯეიმზ ჰეტფილდი
ლარს ულრიხი
ბობ როკი
მეტალიკა სინგლების ქრონოლოგია
The Unforgiven
(1991)
Nothing Else Matters
(1992)
Wherever I May Roam
(1992)
აუდიო ნაწყვეტი
ინფორმაცია ფაილზე

Nothing Else Mattersამერიკული მძიმე მეტალ ჯგუფ მეტალიკის სინგლი ალბომიდან Metallica, რომელმაც 1992 წელს მეთერთმეტე ადგილს მიაღწია ბილბორდის ჩარტში ცხელი მეინსტრიმული როკ ტრეკები და მრავალ ქვეყანაში საუკეთესო ათეულებში მოხვდა.

ისტორია[რედაქტირება]

ჯეიმზმა Nothing Else Matters შესავალი მის მეგობარ გოგონასთან ტელეფონზე საუბრისას დაწერა. სიმღერის ტექსტიც მას ეძღვნება. სანამ ცალი ხელით ყურმილი ეჭირა, მეორეთი გიტარას უკრავდა. საუბრის დასრულების შემდეგ დაუმატა კიდევ გარკვეული შტრიხები.

ჯეიმზი ამბობს:

ვიკიციტატა
„მე არც კი ვაპირებდი მექცია Nothing Else Matters მეტალიკის სიმღერად, ეს იყო ჩემი სიმღერა, საკუთარ გრძნობებზე, ძალიან პირადული ჯგუფისთვის. ვფიქრობდი, პირველ რიგში, არ მოეწონებოდათ, მეორეც - ეს მეტალიკის სტილი არ არის, უბრალოდ ჩემი სიმღერაა. როგორც ჩანს, ლარსმა მოისმინა და თქვა: ცუდი არაა... მე გავიფიქრე: ჯანდაბა, ახლა რაღა ვქნა...“

სიმღერა გახდა ჰიტი და განსაკუთრებული დამახასიათებელი შტრიხი მეტალიკას კონცერტებისათვის. ესაა მეტალიკის იმ მცირერიცხოვანი სიმღერებიდან ერთ-ერთი, სადაც გიტარის სოლოს ჰემეტის მაგივრად ჰეტფილდი ასრულებს.

მუსიკალური ვიდეო[რედაქტირება]

მუსიკალური ვიდეოს პრემიერა 1992 წლის 26 თებერვალს MTV-ზე შედგა. კლიპის რეჟისორი იყო ადამ დუბინი. მოიცავს ნაწყვეტებს დოკუმენტური ფილმიდან A year and a half..., რომელიც გადაღებულია „შავ ალბომზე“ მუშაობისას. ერთ ეპიზოდში ნაჩვენებია როგორ უკრავს ჰეტფილდი თორმეტ სიმიან გიტარაზე. MTV აღარ უშვებს ამ ვიდეოს დღის საათებში, რადგან მასში ჩანს სტუდიაში დაკიდული პოსტერები, რომლებზედაც შიშველი ადამიანები არიან გამოსახულნი. ასევე ჩანს კიფ უინგერის ფოტო, რომელსაც ლარსი, როგორი შთაბეჭდილებაც იქმნება, მოკლე ხელით სატყორცნ ისრებს ესროდა.

ალტერნატიული ვერსიები[რედაქტირება]

„Nothing Else Matters“
სინგლი  - მეტალიკა
ალბომიდან S&MS&M
B-მხარე For Whom the Bell Tolls(S&M ვერსია)/
-Human
გამოსვლის თარიღი 2000
ფორმატი CD სინგლი
ჩაიწერა 21-22 აპრილი, 1999 წელი, ბერკლის საზოგადოებრივი თეატრი, კალიფორნია
ჟანრი მძიმე მეტალი, აკუსტიკური როკი
ხანგრძლივობა 6:47
ლეიბლი Elektra
სიმღერის ავტორი ჰეტფილდი, ულრიხი
პროდიუსერი ჯეიმზ ჰეტფილდი
ლარს ულრიხი
ბობ როკი
მაიკლ კემენი
მეტალიკა სინგლების ქრონოლოგია
Die, Die My Darling
(1999)
Nothing Else Matters '99
(2000)
No Leaf Clover
(2000)

S&M და ლიფტის ვერსია[რედაქტირება]

„შავი ალბომის“ გამოსვლიდან მცირე ხანში ჯგუფის პროდუსერმა ბობ როკმა შესთავაზა მეტალიკას Nothing Else Matters-თვის დაემატებინათ ორკესტრი. დაუკავშირდნენ სან-ფრანცისკოს სიმფონიური ორკესტრის დირიჟორს, მაიკლ კემენს, და სთხოვეს დაეწერა მათთვის საორკესტრო პარტია და გაუგზავნეს მას სიმღერის ჩანაწერი. მაიკლმა დაწერა და გამოუგზავნა აღნიშნული პარტია, მაგრამ მას აღარავინ დაკავშირებია.

მალე მაიკლ კემენი 1992 წელს გრემის დაჯილდოების ცერემონიაზე შეხვდა ჯგუფს კულისებში. მათ მოასმენინეს სიმღერის ე.წ. „ლიფტის ვერსია“(Elevator Version, განთავსებულია სინგლის Sad But True B-გვერდზე). ესაა ჩანაწერი, სადაც ელექტრული გიტარები ჩანაცვლებულია აკუსტიკურით (სოლოს შესრულების დროსაც კი), ისმის მხოლოდ ჯეიმზის ხმა, გიტარა და ორკესტრი. მაიკლს მოეწონა იგი და შესთავაზა ჯგუფს კონცერტის ჩატარება ორკესტრთან ერთად. ამ მომენტისთვის ჯგუფი მხოლოდ დაპირდა, რომ იფიქრებდნენ ამაზე. შედეგად 1999 წლის 21-22 აპრილს ჩაატარეს კონცერტი ორკესტრთან ერთად და გამოუშვეს ამ კონცერტის ჩანაწერი ალბომად, სახელწოდებით S&M, რომელშიც შედის Nothing Else Matters „გაორკესტრებული“ ვერსიაც.

Nothing Else Matters '99[რედაქტირება]

მეტალიკამ 2000 წლის 4 იანვარს გამოუშვა სინგლი Nothing Else Matters '99, რომელშიც შესულია სიმღერის S&M ვერსია, ხოლო B-გვერდზე - For Whom The Bell Tolls (S&M ვერსია) და Human. ამ ვერსიაში ჯეიმზი მთლიან სიმღერას უკრავს აკუსტიკურ გიტარაზე, სოლოს დროსაც კი.

ქავერები[რედაქტირება]

სიმღერის პოპულარობამ და იმ ფაქტმა, რომ შედარებით მეტალიკის სხვა სიმღერებთან ადვილი დასაკვრელია, გამოიწვია ქავერების სიმრავლე. დღეისათვის ცნობილია Nothing Else Matters-ის ორმოცზე მეტი ქავერი, რომლებსაც ასრულებენ: Apocalyptica, String Quartet, Scott D. Davis, Gregorian, Marco Masini და სხვები.

პერსონალი[რედაქტირება]

რესურსები ინტერნეტში[რედაქტირება]