Nokia
 | |
 | |
| ტიპი | საერთაშორისო კომპანია |
|---|---|
| დაფუძნდა | 1865 |
| სათავო ოფისი | ესპოო, ფინეთი |
| პროდუქცია | მობილური ტელეფონები, სმარტფონები, სხვადასხვა პროდუქცია GSM ქსელისთვის |
| შემოსავალი |
 €7,2 მილიარდი (2007) |
| თანამშრომელი | 68 321 კაცი (2007) |
| საიტი |
nokia.საერთაშორისო nokia.საქართველო |
ნოკია — კომუნიკაციებისა და საინფორმაციო ტექნოლოგიების ფინური ტრანსნაციონალური კორპორაცია, რომლის სათავო ოფისი ფინეთის დედაქალაქ ჰელსინკისთან ახლოს, ქალაქ ესპოოში მდებარეობს.[1] მისი კუთვნილი კომპანია Nokia Solutions and Networks აწარმოებს სატელეკომუნიკაციო ქსელების აღჭურვილობასა და სერვისს.ინტერნეტ-მომსახურება, მათ შორის აპლიკაციები, თამაშები, მუსიკა, მედია, შეტყობინენები და უფასო ციფრული რუკები და სანავიგაციო მომსახურება კი მთლიანად მის მფლობელობაში მყოფი ქვედანაყოფის — Navteq-ის ხელშია.
2012 წლის მონაცემებით, მსოფლიოს 120 ქვეყანაში ნოკიას დასაქმებული ჰყავდა 101 982 ადამიანი, პროდუქტს ყიდიდა 150-ზე მეტ ქვეყანაში და წლიური შემოსავლის სახით დაახლოებით 30 მილიარდ ევროს იღებდა.[2] 2012 წლის ბოლო მეოთხედში, ნოკია მობილური ტელეფონების მეორე უმსხვილესი მწარმოებელი იყო მსოფლიოში გაყიდვების თვალსაზრისით (სამსუნგის შემდეგ) და მსოფლიო ბაზრის 18.0%-ს იკავებდა.[3] ამჟამად კი ნოკია სმარტფონების ბაზრის მხოლოდ 3,2%-ს იკავებს.[4] 2013 წლის ბოლო მეოთხედში კომპანიამ მობილური ტელეფონებიდან შემოსავლების 40% დაკარგა. კომპანია ნოკია შეზღუდული პასუხისმგებლობის ღია საზოგადოებაა, შეტანილია ჰელსინკისა და ნიუ-იორკის საფონდო ბირჟებზე.[5] Fortune Global 500-ის თანახმად, 2013 წლის მონაცემებით, ნოკია შემოსავლების თვალსაზრისით მსოფლიოში 274-ე უმსხვილესი კომპანიაა.[6]
1998-2012 წლებში ნოკია მობილური ტელეფონების უმსხვილესი გამყიდველი იყო მსოფლიოში.[3] თუმცა, 2007 წლიდან კომპანიის საბაზრო წილმა თანდათან კლება იწყო, რისი მიზეზიც სხვა მწარმოებლების სენსორულ სმარტფონებზე მოთხოვნის ზრდა გახდა. ასეთი მწარმოებლები ძირითადად იყო Apple და მისი iPhone, ასევე კომპანია Google-ის ოპერაციულ სისტემა Android-ზე მომუშავე სხვა მოწყობილობები. 2007 წლის ბოლოს კორპორაციის ფასი 40 მილიარდი აშშ დოლარი იყო, 2012 წლის შუაში კი მხოლოდ 2 მლრდ.[7][8] დაკარგულის ანაზღაურების მიზნით, 2011 წლის თებერვალში ნოკიამ მაიკროსოფტთან სტრატეგიული პარტნიორობის დაწყების შესახებ განაცხადა. შედეგად, ნოკიას ყველა სმარტფონში ოპერაციული სისტემა Symbian-ი Microsoft-ის Windows Phone-მა შეცვალა.[9] ამის შემდეგ, ნოკიას სმარტფონების გაყიდვები, რაც მანამდე იზრდებოდა, დრამატულად დაეცა.[10] 2011 წლის დასაწყისიდან 2013 წლამდე ნოკიამ დაკარგა მსოფლიოში სმარტფონების უმსხვილესი გამყიდველის პოზიცია და ამ სეგმენტში რიგით მეათემდე დაეშვა.[11]
2013 წლის 2 სექტემბერს კომპანია Microsoft-მა გაასაჯაროვა თავისი განზრახვა ნოკიას მობილური ტელეფონების ბიზნესის შეძენის შესახებ, რაშიც ის 5,44 მილიარდ ევროს (7,17 მლრდ აშშ დოლარი) იხდიდა. შეთანხმებისას, Microsoft-ის მხარეს შეუერთდნენ ნოკიას ყოფილი აღმასრულებელი დიორექტორი სტივენ ელოპი და Microsoft-ის სხვა აღმასრულებელი პირები.[12][13]
მრავალი მედიასაშუალების ცნობით, 2014 წლის 24 თებერვალს გასამართი Mobile World Congress-ის წინ, ნოკია გეგმავს თავისი პირველი ანდროიდ-სმარტფონის, Nokia X-ის გამოშვებას.[14][15]
ისტორია[რედაქტირება | წყაროს რედაქტირება]
1865-1967[რედაქტირება | წყაროს რედაქტირება]
თანამედროვე ნოკიას წინაპრები იყვნენ Nokia Company (Nokia Aktiebolag), Finnish Rubber Works Ltd (ფეხსაცმელების მწარმოებელი) და Finnish Cable Works Ltd (Suomen Kaapelitehdas Oy).
რესურსები ინტერნეტში[რედაქტირება | წყაროს რედაქტირება]
- ოფიციალური საიტი
- ნოკიას ძველი ტელეფონების გალერეა დაარქივებული 2008-04-04 საიტზე Wayback Machine.
- ნოკიას მუზეუმი დაარქივებული 2019-06-04 საიტზე Wayback Machine.
- nokia.com.ge დაარქივებული 2012-01-11 საიტზე Wayback Machine. — ნოკიას ოფიციალური დისტრიბუტორი საქართველოში „სავაჭრო სახლი გოლეთიანი“
სქოლიო[რედაქტირება | წყაროს რედაქტირება]
- ↑ Nokia Oyj Finnish. YTJ.fi. დაარქივებულია ორიგინალიდან — 10 მაისი 2013. ციტირების თარიღი: 2 March 2013.
- ↑ Annual Results 2012 (PDF). Nokia Corporation (24 January 2013). ციტირების თარიღი: 24 January 2013.
- ↑ 3.0 3.1 „Samsung overtakes Nokia in mobile phone shipments“. BBC News. 27 April 2012. ციტირების თარიღი: 27 May 2012.
- ↑ Reuters in Helsinki. (2013-09-04) Nokia chief becomes a front runner for top job at Microsoft. South China Morning Post. ციტირების თარიღი: 2013-09-08.
- ↑ Nokia – FAQ. Nokia Corporation. დაარქივებულია ორიგინალიდან — 8 თებერვალი 2009. ციტირების თარიღი: 16 March 2009.
- ↑ „Global 500 2013“. Fortune. 2013. ციტირების თარიღი: 16 August 2013.
- ↑ Nokia Corporation (ADR). Google Finance. Google (7 September 2012). ციტირების თარიღი: 9 September 2012.
- ↑ Jon C. Ogg. (14 May 2012) Almost Nothing Can Save Nokia, Except Maybe Widespread Poverty Read more: Almost Nothing Can Save Nokia, Except Maybe Widespread Poverty – 24/7 Wall St.. 24/7 Wall St. 24/7 Wall St. ციტირების თარიღი: 9 September 2012.
- ↑ გარდა Asha Platform-ისა Asha სერიის ტელეფონებზე
- ↑ Lumia: Is the light visible?. Asymco. Horace Dediu (18 April 2013). დაარქივებულია ორიგინალიდან — 11 ნოემბერი 2020. ციტირების თარიღი: 21 July 2013.
- ↑ Gartner Says Asia/Pacific Led Worldwide Mobile Phone Sales to Growth in First Quarter of 2013 (Press release). Gartner. Gartner, Inc (14 May 2013). ციტირების თარიღი: 21 July 2013.
- ↑ Microsoft buys Nokia's Devices and Services Unit, unites Windows Phone 8 and its hardware maker. The Verge. Vox Media. ციტირების თარიღი: 3 September 2013.
- ↑ Ovide, Shira. Microsoft in $7.17 Billion Deal for Nokia Cellphone Business. Wall Street Journal. ციტირების თარიღი: 3 September 2013.
- ↑ Nokia Is Going To Embarrass Microsoft By Releasing An Android Phone On The Cusp Of Its $7 Billion Acquisition - Business Insider
- ↑ Nokia Releasing First Android Phone - WSJ
| |||||||||||||||||||||||||||||||||||