Kayleigh

„Kayleigh“
სინგლი — Marillion
ალბომიდან Misplaced Childhood
B-მხარე	Lady Nina
გამოსვლის თარიღი	7 მაისი, 1985 (ბრიტანეთი)
ჩაიწერა	სტუდია Hansa Ton, ბერლინი, მარტი - მაისი 1985
ჟანრი	პროგრესული როკი
ხანგრძლივობა	3:33 (7" ვერსია)
ხმისჩამწერი ლეიბლი	EMI
პროდიუსერი	კრის კიმსი, ვანდერნობი
Marillion — სინგლების ქრონოლოგია
„Assassing“ (1984) „Kayleigh“ (1985) „Lavender“ (1985)

„Kayleigh“ — ბრიტანული ნეო-პროგრესული როკ-ჯგუფ Marillion-ის სინგლი ალბომიდან Misplaced Childhood (1985).

ისტორია

Kayleigh არის ჯგუფის ყველაზე წარმატებული სინგლი. მიუხედავად იმისა, რომ ფიში ამტკიცებდა, თითქოს ეს სიმღერა ეძღვნება გოგონას სახელად კეი ლი, კომპოზიცია გვიყვება რამდენიმე ქალის ისტორიას. ფიშის თქმით, სიმღერა უბრალოდ იმისათვის დაიწერა, რათა მას ყველა ქალისთვის ბოდიში მოეხადა წარსულის შეცდომებისათვის.

სიმღერის მუსიკალური ვიდეო გადაღებული იქნა დასავლეთ ბერლინში, სტუდიაში ჰანსა (სადაც ჯგუფი ალბომზე მუშაობდა) და ბერლინის კედელთან. გარდა მუსიკოსებისა, კლიპში მონაწილეობს რობერტ მიდი, ბიჭუნა, რომელიც მხატვარ მარკ უილკინსონის მეზობელი იყო და შემდგომში გამოჩნდა ჯგუფის რამდენიმე სინგლის და ალბომის Return to Childhood გარეკანზე. გარდა ამისა, კლიპში ჩნდება ვინმე ტამარა ნოვი, ბერლინის ერთ-ერთი ბარის ოფიციანტი-გოგონა, რომელიც ფიშმა ერთი დღით ადრე გაიცნო (მოგვიანებით ის მისი მეუღლე გახდა და გადაღებული იქნა Marillion-ის კიდევ ერთ და ფიშის ორ კლიპში). სინამდვილეში, როგორც ცნობილია, ვიდეორგოლში ის შემთხვევით მოხვდა. მოდელი, რომელიც გადაღების დღეს უნდა მოსულიყო, მოულოდნელად ავად გახდა და ფიშს გაახსენდა ტამარა. ამ უკანასკნელს თავდაპირველად გადაღება არ სურდა, მაგრამ, ფიშის დაჟინებით მაინც დათანხმდა.

სიმღერების სია

7" ვერსია

1. Kayleigh (შემოკლებული ვერსია) - 3:38
2. Lady Nina (შემოკლებული ვერსია) -3:44

12" ვერსია

1. Kayleigh (ალტერნატიული მიქსი) - 4:08
2. Kayleigh (ვრცელი მიქსი) - 4:04
3. Lady Nina (ვრცელი მიქსი) - 5:47

კომპაქტ-დისკი

1. Kayleigh (შემოკლებული ვერსია) - 3:38
2. Lady Nina (შემოკლებული ვერსია) - 3:44
3. Kayleigh (ალტერნატიული მიქსი) - 4:08
4. Kayleigh (ვრცელი მიქსი) - 4:04
5. Lady Nina (ვრცელი მიქსი) - 5:47