Hail to the Thief

Hail to the Thief
სტუდიური ალბომი — Radiohead
გამოცემის თარიღი	9 ივნისი, 2003
ჩაიწერა	2002 – 2003
სტუდია	Ocean Way Recording (ჰოლივუდი, კალიფორნია) Canned Applause (ოქსფორდშირი, ინგლისი)
ჟანრი	ალტერნატიული როკი არტ-როკი ექსპერიმენტული როკი ელექტრონული როკი
ხანგრძლივობა	56:35
ლეიბლი	Parlophone Capitol
პროდიუსერი	ნაიჯელ გოდრიჩი Radiohead
Radiohead — ქრონოლოგია
I Might Be Wrong: Live Recordings (2001) Hail to the Thief (2003) COM LAG (2plus2isfive) (2004)
სინგლები ალბომიდან Hail to the Thief
„There There“ გამოცემის თარიღი: 26 მაისი 2003 „Go to Sleep“ გამოცემის თარიღი: 18 აგვისტო 2003 „2 + 2 = 5“ გამოცემის თარიღი: 17 ნოემბერი 2003 „A Punch Up at a Wedding“ გამოცემის თარიღი: 5 იანვარი 2004 (რადიო)

პროფესიონალური რეიტინგები

საერთო ქულები
წყარო	რეიტინგი
Metacritic	(85/100)
მიმოხილვების ქულები
წყარო	რეიტინგი
AllMusic
Alternative Press
Drowned in Sound
Entertainment Weekly	A-
The Guardian	3/5
NME	7/10
Pitchfork Media	9.3/10
PopMatters	9/10
რობერტ კრისტგოუ
Rolling Stone
Spin	9/10
Stylus Magazine	B+
Uncut	9/10

Hail to the Thief — ბრიტანული ალტერნატიული როკ-ჯგუფ Radiohead-ის მეექვსე სტუდიური ალბომი, რომელიც გამოვიდა 2003 წლის 9 ივნისს, ლეიბლზე Parlophone Records. ალბომების Kid A (2000) და Amnesiac (2001) ჯაზური, კლასიკური და ელექტრონული მუსიკით გაჯერების შემდეგ, Hail to the Thief-ში გაერთიანებულია ალტერნატიული როკი, დრამ-მანქანები, სინთეზატორები და ციფრული მანიპულირება.

Hail to the Thief-ის პროდიუსერია ნაიჯელ გოდრიჩი, რომელიც მასზე ლოს-ანჯელესში მუშაობდა. წინა ალბომებზე ხანგრძლივად მუშაობისგან განსხვავებით, Radiohead Hail to the Thief-ს სწრაფად იწერდა, მრავალი დამატებითი დუბლის და არანჟირების გარეშე. ტომ იორკის მიერ სიმღერების ნაწილი დაიწერა ტერორიზმთან ომის შთაგონებით და მათ ტექსტებში აირეკლა დასავლეთში მემარჯვენე პოლიტიკის აღზევება.

მიუხედავად იმისა, რომ ალბომი გამოცემამდე ათი კვირით ადრე ინტერნეტში მოხვდა, იგი ბრიტანეთის ალბომების ჩარტში გამოსვლისთანავე #1 გახდა, ხოლო „ბილბორდის“ 200-ეულში #3 იყო. სამშობლოსა და კანადაში ჯგუფს ალბომისთვის სამმაგი პლატინა მიენიჭა. დისკიდან ჩარტებში სამი სინგლი მოხვდა - „There There“, „Go to Sleep“ და „2 + 2 = 5“. დადებითი შეფასებების გარდა, Hail to the Thief-ს წილად ხვდა ნომინაცია გრემის ჯილდოზე წლის ალტერნატიული ჟანრის ალბომის კატეგორიაში. ამასთან, ეს იყო უკანასკნელი დისკი, რომელიც Radiohead-მა EMI-სთან გაფორმებული კონტრაქტის ფარგლებში გამოსცა.

ისტორია

Amnesiac-ს ტურნეს დასრულების შემდეგ Radiohead-მა გასტროლები ესპანეთსა და პორტუგალიაში განაგრძო, რითაც ჯგუფის წევრებმა შესაძლებლობა გამოიყენეს ახალი სიმღერები წარედგინათ საკუთარი მსმენელის წინაშე. შედეგად, ლოს-ანჟელესის სტუდიაში მალევე ჩაწერეს ახალი ალბომი, რომელსაც ოქსფორდში ჩაწერილი სიმღერებიც მიამატეს. სტუდიურმა მუშაობამ და კეთილგანწყობილი ჟღერდაობის მისაღწევად გაღებულმა ძალისხმევამ გადაღალა Radiohead. ამჯერად მრავალფეროვნებისთვის კონცერტებსა და ტურნეებზე გადაერთო ჯგუფი, სადაც შესატყვისი გარემო იყო შექმნილი ახალი ალბომის ელეტრონული, სტერეო ხმების გადმოსაცემად. რიგით მეექვსე ალბომი Hail to the Thief (2003 წლის ივნისი) ყველა იმ ასპექტს მოიცავს რაც Radiohead-ის ადრეულ ნამუშევრებში იქნა წარმოდგენილი – გიტარის, ელექტრონიკისა და თემატური ტექსტების ერთობლიობა საინტერესო ილუზიურ განწყობას ქმნის. ლირიკის მხრივ ყველაზე საინტერესოა ალბომის პირველი ტრეკი “2+2=5” . მისი შექმნის ისტორია ბრიტანელი მწერლის ჯორჯ ორუელის (1903-1950) ნაწარმოებს “Nineteen Eighty-Four” უკავშირდება. რომანის მთავარი გმირი ცხოვრობს ქალაქში, სადაც ხელისუფლების გავლენით ხალხის აზროვნება რადიკალურად იცვლება – ისინი პოლიტიკოსების მიერ თავსმოხვეული აზრებით იწყებენ ცხოვრებას. გმირიც კარგავს თავის ინდივიდუალიზმს, ჩაერთვება ამ დიდ სიყალბეში და აღიარებს, რომ 2+2=5. იორკს ამ წიგნმა უბიძგა სიმღერის დაწერისკენ, რითაც კიდევ ერთხელ გამოთქვა პროტესტი არსებული სიყალბისა და დემაგოგიის მოყვარული პოლიტიკოსების წინააღმდეგ.

მიუხედავად იმისა რომ ალბომს საკმაოდ პოზიტიური შეფასება მისცეს, კრიტიკოსთა ნაწილი მიიჩნევს რომ ეს მიღწეულის შენარჩუნებას უფრო ჰგავს ვიდრე იმ “ჟანრობრივ ცვლილებას” რომელიც მათი მესამე ალბომიდან დიწყო. თუმცა ამას ხელი არ შეუშლია Radiohead-ისთვის მეოთხედ მოეპოვებინა #1 ადგილი ბრიტანეთში. კომერციული მოგების მხრივ, საშუალო წარმატება მოიპოვა აშშ-ში, სადაც ალბომის გამოშვებიდან პირველი კვირის განმავლობაში საოცარი ტემპით იზრდებოდა გაყიდვების რაოდენობა, შემდეგ კი დაეცა. მთავარი სინგლი There There #4 გახდა ბრიტანულ ჩარტში ხოლო შემდგომი სინგლები “Go to Sleep” და “2+2=5” შესაბამისად #12 და #15 ადგილებზე განთავსდნენ. Hail to the Thief ნომინირებული იყო გრემიზე როგორც “საუკეთესო ალტერნატიული ალბომი” (უკვე მეხუთედ ჯგუფის ისტორიაში). პროდიუსერმა ნაიჯელ გოდრიჩმა კი მიიღო გრემი “ალბომის საუკეთესო არანჟირებისათვის”.

მართალია სახელწოდება Hail to the Thief მიჩნეული იყო, როგორც 2000 წლის ამერიკის საპრეზიდენტო არჩევნებისადმი მიმართულ პროტესტად (კონკრეტულად კი იმ “ქურდის” მიმართ ვინც არჩევნები “მოიპარა”), მაგრამ იორკმა ეს ყოველივე უარყო. მისი თქმით მასზე 2001-2002 წლებში განვითარებულმა მოვლენებმა თავისი გავლენა ჰპოვეს და სათაურიც აქედან დაიბადა. ალბომის გარეკანზე გამოსახულია ლოს-ანჟელესის ხედი ლონდონის, გროზნოსა და ბაღდადის ქუჩების რუკებით. Hail to the Thief-ის გამოშვების შემდეგ Radiohead-მა მორიგი საერთაშორისო ტურნე წამოიწყო, რომელიც 2003 წლის გლასტონბერის ფესტივალში მონაწილეობით დაიწყო და 2004 წლის კოაჩელას ფესტივალზე გამოსვლით დასრულდა. დროის მომდევნო მონაკვეთი ოქსფორდის სტუდიაში ჩაწერებით გაგრძელდა, მაგრამ მალევე შეფერხდა, რადგან ედ ო'ბრაიენი და კოლინ გრინვუდი შვილებს ელოდებოდნენ და საკუთარ ოჯახებთან ყოფნა ესაჭიროებოდათ. საკონტრაქტო ვალდებულებებისგან გათავისუფლებულმა ჯგუფის წევრებმა 2004 წლის დარჩენილი თვეები დასვენებასა და სოლო-პროექტებზე მუშაობას მიუძღვნეს. ამავე წლის დეკემბერში გამოუშვეს სატელევიზიო შოუ “The Most Gigantic Lying Mouth of All Time”.

სიმღერების სია

ყველა სიმღერას აქვს მეორე სახელწოდება, რომელიც აღნიშნულია ალბომის ბუკლეტზე

ყველა სიმღერის ავტორი — Radiohead.

#	სახელწოდება	ხანგრძლივობა
1.	„2 + 2 = 5 (The Lukewarm.)“	3:19
2.	„Sit down. Stand up. (Snakes & Ladders.)“	4:19
3.	„Sail to the Moon. (Brush the Cobwebs out of the Sky.)“	4:18
4.	„Backdrifts. (Honeymoon is Over.)“	5:22
5.	„Go to Sleep. (Little Man being Erased.)“	3:21
6.	„Where I End and You Begin. (The Sky is Falling in.)“	4:29
7.	„We suck Young Blood. (Your Time is up.)“	4:56
8.	„The Gloaming. (Softly Open our Mouths in the Cold.)“	3:32
9.	„There There. (The Boney King of Nowhere.)“	5:23
10.	„I will. (No man's Land.)“	1:59
11.	„A Punchup at a Wedding. (No no no no no no no no.)“	4:57
12.	„Myxomatosis. (Judge, Jury & Executioner.)“	3:52
13.	„Scatterbrain. (As Dead as Leaves.)“	3:21
14.	„A Wolf at the Door. (It Girl. Rag Doll.)“	3:21

საკოლექციო გამოცემა, დისკი 2
#	სახელწოდება	ხანგრძლივობა
1.	„Paperbag Writer“	3:58
2.	„Where Bluebirds Fly“	4:31
3.	„I Am Citizen Insane“	3:33
4.	„Fog (Again)“ (Live)	2:18
5.	„Gagging Order“	3:36
6.	„I Am a Wicked Child“	3:06
7.	„Remyxomatosis“ (კრისტიან ფოგელის რემიქსი)	5:10
8.	„There There“ (პირველი დემო)	7:45
9.	„Skttrbrain“ (Four Tet-ის რემიქსი)	4:25
10.	„I Will (ლოს-ანჯელესის ვერსია)“ ()	2:23
11.	„Sail to the Moon“ (BBC Radio 1, Jo Whiley's Live Lounge – 28 მაისი 2003)	4:11
12.	„2 + 2 = 5“ (ჩაწერილია ერლს კორტში)	3:35
13.	„Go to Sleep“ (ზეინ ლოუ – 08/12/03)	3:32

საკოლექციო გამოცემა, DVD
#	სახელწოდება	ხანგრძლივობა
1.	„There There“
2.	„Go to Sleep“
3.	„2 + 2 = 5“
4.	„Sit Down. Stand Up“
5.	„2 + 2 = 5“ (ჩაწერილია ბელფორტის ფესტივალზე)
6.	„There There“ (Later With Jools Holland – 27 მაისი 2003)
7.	„Go to Sleep“ (Later With Jools Holland – 27 მაისი 2003)
8.	„2 + 2 = 5“ (Later With Jools Holland – 27 მაისი 2003)
9.	„Where I End And You Begin“ (Later With Jools Holland – 27 მაისი 2003)

წყაროები

შენიშვნები

სქოლიო