Crash Test Dummies

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
Crash Test Dummies
Crashtestdummies2010.jpg
ბიოგრაფია
წარმოშობა ვინიპეგი , მანიტობა, კანადა
ჟანრ(ებ)ი როკ-მუსიკა
ალტერნატიული როკი
ფოლკ როკი
აქტიური 1989 – დღემდე
ლეიბლ(ებ)ი BMG/Arista/ViK. Recordings (1991-2000)
Cha-Ching/Deep Fried Records (2000 - დღემდე)
საიტი ოფიციალური საიტი
წევრები
ბრედ რობერტსი
ელენ რიდი
ყოფილი წევრები
დენ რობერტსი
მიტჩ დორჯი
ბენჯამინ დერვილი
CrashTest.jpg

Crash Test Dummiesკანადური ფოლკ როკი ჯგუფი, რომელიც უფრო მეტად პოპულარული იყო 1990-იან წლებში.

ისტორია[რედაქტირება]

საფუძველი[რედაქტირება]

ჯგუფის დაარსების იდეა მომდინარეობს ორი ღამის ბარიდან, რომელიც განლაგებულია ვინიპეგში. ესენია Spectrum Cabaret და Blue Note Cafe, რომელიც კერტის რიდელს ეკუთვნის.

1980-იან წლებში რიდელმა და ბრედ რობერტსმა დააარსეს არც თუ სერიოზული ბარების ბენდი, სახელწოდებით Bad Brad Roberts and the St. James Rhythm Pigs. თუმცა, მოგვიანებით, მათ დაირქვეს Crash Test Dummies. მოგვიანებით ჯგუფის შეუერთდნენ ელენ რიდი და ბენჯამინ დერვილი. ჯორჯ უესტმა, ჯგუფის თავდაპირველმა ბას გიტარისტმა დატოვა კოლექტივი და მის ადგილას აღმოჩნდა დენ რობერტსი, ბრედის ძმა. რიდელს ჩაენაცვლა ვინს ლემბერტი, რომელმაც ასევე დატოვა ჯგუფი და საბოლოოდ, ადგილი დაუთმო მიტჩ დორჯს. ეს მოხდა დაახლოებით იმ პერიოდში, როდესაც გამოიცა ჯგუფის პირველი ალბომი The Ghosts that Haunt Me

ალბომები და წარმატება[რედაქტირება]

Crash Test Dummies-ის წარმატება მშობლიური კანადის ფარგლებში მალევე მოვიდა, პირველი სტუდიური ალბომის The Ghosts that Haunt Me გამოცემასთან ერთად 1991. ალბომი 400.000 ასლის რაოდენობით გაიყიდა მხოლოდ კანადაში, თუმცა, ეს უფრო წარმატებული სინგლის "Superman's Song" გამო იყო, რომელმაც 1991 წელს ჯგუფს ჯუნოს პრემია მოუტანა (კატეგორიაში ”წლის ჯგუფი”).

თუმცა, ალბომამდე God Shuffled His Feet ხუთეულს მსოფლიო მასშტაბით ცოტა თუ იცნობდა. ამერიკულ რადიოსადგურებზე აქტუალური იყო ახალი რადიოფორმატი, რომელიც გულისხმობდა ახალგაზრდობაზე გათვლილი ალტერნატიული როკის როტაციას. სადგურებმა ერთხმად აიტაცეს ახალი სინგლი "Mmm Mmm Mmm Mmm". ამის შედეგად, 1994 წლისათვის მხოლოდ აშშ ფარგლებით ახალი ალბომის 1 მილიონზე მეტი დისკი გაიყიდა, ჯგუფმა სამი გრემი დაიმსახურა და კიდევ სამი ჯუნო. დღემდე God Shuffled His Feet ხუთნახევარი მილიონი ასლის რაოდენობით არის გაყიდული.

1994 წელს გამოიცა ჯგუფის სინგლი "The Ballad of Peter Pumpkinhead", რომელიც ბრიტანული ალტერნატიული კოლექტივის XTC ამავე სახელწოდების 1992 წლის სინგლის ახალი ვერსია იყო. სიმღერა მოხვდა ფილმში სულელი და უფრო სულელი (ჯიმ ქერი, ჯეფ დენიელსი). ეს სიმღერა, რომელშიც უფრო გამოკვეთილია ელენ რიდის ვოკალი, მოხვდა ბრიტანული რეიტინგების #30 ადგილზე, ხოლო კანადაში სიმღერას მოუტანა #1 ჰიტის სტატუსი.[1]

1996 წელს გამოვიდა ჯგუფის მესამე სტუდიური დისკი A Worm's Life. კრიტიკოსების უკმაყოფილების მიუხედავად, მასაც დიდი წარმატება ხვდა წილად. კანადაში მან ერთი თვის განმავლობაში პლატინის სტატუსი მიიღო.

Give Yourself A Hand, მათი მეოთხე ალბომი, გამოიცა 1999 წლის 23 მარტს. ეს ჯგუფისათვის ახალი ჟღერადობის და მუსიკალური სტილის ძიების პერიოდი იყო. ელენ რიდი აქ მხოლოდ სამ სიმღერაში მღეროდა, ხოლო ბრედ რობერტსი ფალცეტით მღეროდა რამდენიმე სხვა ნომერში. ალბომი უფრო მეტად იყო ორიენტირებული ელექტრონულ მუსიკაზე, ვიდრე ყველა წინა ნამუშევარი.

შემოქმედებითი პაუზის დროს ბენჯამინ დერვილმა პირველმა გამოსცა სოლო ალბომი. ეს იყო პროექტი Son Of Dave, რომელმაც ორი ალბომი ჩაწერა, 01 და B. Darvill's Wild West Show. იგი გამოიცა ბენჯამინის საკუთარ ლეიბლზე Husky Records და ბევრი დადებითი შეფასება მიიღო.

2000-იანი წლები[რედაქტირება]

2000 წელს ჯგუფის კონტრაქტი კომპანიასთან BMG ამოიწურა. ლეიბლის წინაშე ვალდებულობების უქონლობის ფონზე მათ მშვიდად დაიწყეს მეხუთე სტუდიურ ალბომზე მუშაობა. იმავე წელს ბრედი ავტოავარიაში მოჰყვა, მაგრამ, მძიმე ტრავმის მიუხედავად გადარჩა. ჰოსპიტალში მან გაიცნო კენტ გრინი, დეივ მორტონი და დენი მაკკენზი. სწორედ მათთან ერთად მან ჩაწერა ალბომის I Don't Care That You Don't Mind რამდენიმე სიმღერა. მოგვიანებით პროექტით დაინტერესდნენ Crash Test Dummies-ის წევრებიც და სწორედ ასე, ბრედის სოლო ალბომი ჯგუფის მორიგ სტუდიურ დისკად იქცა. ამ ალბომში ისინი დაუბრუნდნენ აკუსტიკურ მუსიკას. ბრედმა იგი პირველ დისკსაც კი შეადარა, თუმცა მისივე თქმით, I Don't Care That You Don't Mind უფრო მეტად ატმოსფერული იყო.

2001 წლის ბოლოს ელენ რიდმა გამოსცა საკუთარი სოლო ალბომი Cinderellen. ოდნავ მოგვიანებით გამოვიდა ბრედ რობერტსის ორმაგი ალბომი და დოკუმენტური ფილმი Crash Test Dude (ლეიბლი MapleMusic).

2002 წელს მოულოდნელად სოლო ალბომი მიტჩ დორჯმაც გამოსცა. ეს იყო As Trees Walking. ამ ალბომზე დორჯმა თავად დაუკრა ყველა ინსტრუმენტზე, ყდისათვის რამდენიმე ფოტოც გადაიღო და Prairie Music-ის პრემიაც მიიღო, საუკეთესო ინსტრუმენტული დისკის კატეგორიაში.

ბრედმა, დენმა და ელენმა ჯგუფის ახალი ალბომი Jingle All The Way 2002 წლის ბოლოს გამოსცეს. ეს არის დისკი საშობაო სიმღერებით, რომელზეც ფანები დიდი ხნის განმავლობაში ბჭობდნენ და იცოდნენ, რომ ჯგუფი არაორდინალურ პროექტს ამზადებს.

2003 წელს გამოვიდა ალბომი Puss 'n' Boots (ჩექმებიანი კატა). ისევე, როგორც I Don't Care, ალბომი ჩაფიქრებული იყო, როგორც ბრედის სოლო დისკი. სტიუარტ კემერონთან ერთად დაწერილი 30 სიმღერიდან შეარჩიეს მხოლოდ 13. ელენმა შეასრულა დამატებითი ვოკალური პარტიები, დენმა კი ბას გიტარაზე დაუკრა, თუმცა, სხვა ინსტრუმენტებზე დამატებითი მუსიკოსები უკრავდნენ.

ჯგუფის შემდეგი ალბომი Songs of the Unforgiven (რიგით მერვე მათ დისკოგრაფიაში) გამოვიდა 2004 წელს.

ჯგუფის აწმყო[რედაქტირება]

2006 წლის 6 აგვისტოს ჯგუფის ოფიციალურ ვებ გვერდზე ბრედ რობერტსმა გამოაქვეყნა განცხადება, რომ ჯგუფმა ასე თუ ისე, დაასრულა საკონცერტო ტური და იგი ამჟამად მუშაობს ახალ ალბომზე. ბრედის თქმით, ახალი ჩანაწერები აგრეთვე გავრცელდებოდა ინტერნეტის მეშვეობითაც.

2007 წლის 10 მაისს ინტერნეტში გამოჩნდა სინგლი "It's a Small Town", რომელიც საქველმოქმედო მიზნით დაიწერა.

2007 სექტემბერში ჯგუფის ვებ გვერდს დაემატა სპეციალური პოდკასტი, რომელიც მიზნად ისახავს ჯგუფის საუკეთესო სიმღერების კრებულის რეკლამას.

წევრები[რედაქტირება]

ჯგუფი ამჟამად შედგება შემდეგი მუსიკოსებისგან:

(შენიშვნა: მიუხედავად იმისა, რომ ბენჯამინმა და მიტჩმა ოფიციალურად ჯგუფი ჯერ არ დატოვეს, სავარაუდოდ, ისინი აღარ დაუკრავენ მასში, რადგანაც სოლო პროექტებზე მუშაობენ და ბრედ რობერტსისგან საკმაოდ შორს ცხოვრობენ.[2])

დისკოგრაფია[რედაქტირება]

Searchtool-80%.png მთავარი სტატია : Crash Test Dummies-ის დისკოგრაფია.
სტუდიური ალბომები

სინგლები[რედაქტირება]

წელი სიმღერა ბილბორდის ცხელი 100-ეული თანამედროვე როკ სიმღერები მეინსტრიმული როკის სიმღერები აშშ სინგლების რეიტინგები ალბომი
1991 Superman's Song #56 - - - The Ghosts That Haunt Me
1991 Androgynous - - - - The Ghosts That Haunt Me
1991 The Ghosts That Haunt Me - - - - The Ghosts That Haunt Me
1991 The First Noel - - - - A Lump of Coal
1993 Mmm Mmm Mmm Mmm #4 #1 #25 #2 God Shuffled His Feet
1993 Swimming in Your Ocean - - - - God Shuffled His Feet
1994 Afternoons & Coffeespoons #66 - - #23 God Shuffled His Feet
1994 God Shuffled His Feet - - - - God Shuffled His Feet
1995 The Ballad of Peter Pumpkinhead - - - #30 Dumb and Dumber
1996 He Liked to Feel It - - - - A Worm's Life
1997 My Own Sunrise - - - - A Worm's Life
1999 Keep a Lid on Things - - - - Give Yourself a Hand
1999 Get You in the Morning - - - - Give Yourself a Hand
2001 Every Morning - - - - I Don't Care That You Don't Mind
2001 The Day We Never Met - - - - I Don't Care That You Don't Mind

რესურსები ინტერნეტში[რედაქტირება]