„Beautiful Day“ — ირლანდიურიროკ-ჯგუფU2-ს სიმღერა და პირველი სინგლი ალბომიდან All That You Can't Leave Behind. იგი გამოვიდა 2000 წლის 9 ოქტომბერს. სინგლს უდიდესი კომერციული წარმატება ხვდა წილად, რამაც ალბომის მრავალპლატინიანი გაყიდვები უზრუნველყო. იგი დღემდე ჯგუფის ერთ-ერთი ჰიტია. ისევე, როგორც ალბომის ბევრი სიმღერა, ისიც ჯგუფის ნაცნობ ჟღერადობას ატარებს. The Edge-ის გიტარის ტონალობა განიხილებოდა ჯგუფის წევრთა მიერ, რადგან მათ არ იცოდნენ, გამოეყენებინათ თუ არა ჩვეული სტილისტიკა. ბონო ხსნიდა, რომ სიმღერაში საუბარია ყველაფრის დაკარგვაზე, მაგრამ კვლავ პოზიტიურად აზროვნებაზე.
სიმღერას დადებითი შეფასებები ჰქონდა. იგი იქცა ჯგუფის ბრიტანეთში რიგით მეოთხე #1 სინგლად და პირველად მოიპოვა პირველი პოზიცია ნიდერლანდების ჩარტში. აშშ-ში იგი მხოლოდ 21-ე ადგილამდე მივიდა. გრემის 43-ე დაჯილდოებაზე მან მიიღო სამი ჯილდო, კატეგორიებში „წლის სიმღერა“, „წლის ჩანაწერი“ და „წლის როკ-შესრულება დუეტის ან ვოკალიანი ჯგუფის მიერ“. „Beautiful Day“ სრულდებოდა მის ყველა კონცერტზე, ტურნეს Elevation Tour ფარგლებში პირველად შესრულების დღიდან.