Appetite for Destruction

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
Appetite for Destruction
სტუდიური ალბომი - Guns N' Roses
გამოცემის თარიღი 21 ივლისი, 1987
ჩაწერის თარიღი სტუდია Rumbo; სტუდია Take One Studio, ბერბენკი; სტუდია Can Am, კალიფორნია, 1987
ჟანრი მძიმე როკი, მძიმე მეტალი
ხანგრძლივობა 53:48
ენა ინგლისური
ლეიბლი Geffen
პროდიუსერი მაიკლ კლინკი
გარეკანის ავტორი რობერტ უილიამსი
Guns N' Roses - ქრონოლოგია
Live ?!*@ Like a Suicide
(1986)
Appetite for Destruction
(1987)
G N' R Lies
(1988)
სინგლები ალბომიდან Appetite for Destruction
  1. It's So Easy
    გამოვიდა: ივნისი 15, 1987 (1987-06-15)
  2. Welcome to the Jungle
    გამოვიდა: ოქტომბერი 3, 1987 (1987-10-03)
  3. Sweet Child o' Mine
    გამოვიდა: აგვისტო 18, 1988 (1988-08-18)
  4. Paradise City
    გამოვიდა: ნოემბერი 30, 1988 (1988-11-30)
  5. Nightrain
    გამოვიდა: ივლისი 29, 1989 (1989-07-29)
 პროფესიონალური შეფასებები
ქულები
წყარო რეიტინგი
Allmusic 5/5 stars[1]
Sputnikmusic 4.5/5[2]
რობერტ კრისტგოუ B−[3]
Rolling Stone 5/5 stars[4]

Appetite for Destruction (ინგლ. განადგურების მადა) — ჯგუფ Guns N' Roses-ის სადებიუტო სტუდიური ალბომი, გამოცემული 1987 წლის ივლისში ლეიბლზე Geffen Records. კრიტიკოსებმა მას მაღალი შეფასება მისცეს. დისკი მოხვდა ამერიკული ’ბილბორდის’ 200-ეულში. 2008 წლის მონაცემებით მას RIAA-სგან 18-ჯერ აქვს მინიჭებული პლატინის სტატუსი[5], ხოლო მსოფლიო მასშტაბით ამავე წლის მონაცემებით, მისი გაყიდული ასლების რაოდენობა 28 მილიონს აჭარბებს.[6] იგი ითვლება ყველა დროის ყველა გაყიდვად სადებიუტო ალბომად, რითაც უსწრებს ჯგუფ „ბოსტონის“ სადებიუტო დისკს Boston, რომელსაც 17 გზის პლატინა აქვს მიღებული.[7]

შექმნა[რედაქტირება]

1988 წლის ინტერვიუში ექსლ როუზი ამბობდა, რომ ალბომის სიმღერების დიდი ნაწილი დაიწერა ლოს ანჯელესის საკლუბო ტურის პერიოდში. მოგვიანებით ჯგუფის ალბომებზე გამოჩნდა სიმღერები, რომლებიც ამ პერიოდში და ამ ალბომისთვის იქმნებოდა - Back Off Bitch, You Could Be Mine, November Rain და Don't Cry. ამბობდნენ, რომ November Rain არ შესულა ამ ალბომში, ვინაიდან უკვე დაიგეგმა სიმღერის Sweet Child 'O Mine შეტანა და ალბომზე უკვე იყო ერთი ბალადა (თუმცა, ეს პოლიტიკა შეიცვალა ალბომებზე Use Your Illusion I და Use Your Illusion II, სადაც ერთ ბალადაზე მეტი იყო შეტანილი.[8]

მიუხედავად იმისა, რომ სიმღერების ავტორებად ჯგუფის ხუთივე წევრია დასახელებული, მათი უმეტესობის ჩაწერა სოლო-კომპოზიციების სახით დაიწყო, თითოეული წევრის მიერ. ასეთებია It's So Easy (დაფ მაკ-კეგენი) და Think About You (იზი სტრედლინი). Rocket Queen იყო ადლერის/სლეშის დაუსრულებელი სიმღერა, რომელიც მათი წინა პროექტისათვის Road Crew დაიწერა. Anything Goes, რომლის ავტორიც ჰოლივუდი როუზი იყო (სიმღერა შეტანილი იქნა კრებულში The Roots of Guns N' Roses) ასევე Appetite-ისათვის გადამუშავდა.

სხვა სიმღერებში ასახულია ჯგუფის რეაქცია ლოს-ანჯელესის როკ-ენ-როლური ანდერგრაუნდის დებოშზე. ასეთია Welcome to the Jungle, დაწერილი ექსლის მიერ ნიუ-იორკში ერთ-ერთი ვიზიტის გავლენით.[9] სიმღერების ნაწილში გამახვილებულია ყურადღება ჯგუფის წევრთა ადრეულ წლებზე. ასეთი სიმღერაა Out ta Get Me, ექსლ როუზის პრობლემებზე სამართალდამცველებთან, რომლებიც ინდიანაში ცხოვრებისას ჰქონდა.[10] სიმღერების ნაწილი ეძღვნება ჯგუფის წევრთა მეგობარ გოგონებს - Sweet Child o' Mine, Think About You, My Michelle, You're Crazy და Rocket Queen.

ინფორმაცია სიმღერებზე[რედაქტირება]

Welcome to the Jungle[რედაქტირება]

გამოიცა ჯგუფის პირველი სინგლის სახით, 1987 წლის 3 ოქტომბერს და მოხვდა ბილბორდის 100-ეულის #7 პოზიციაზე. სინგლში შეტანილია AC/DC-ს სიმღერის Whole Lotta Rosie ქავერ-ვერსია. ბრიტანულ გამოცემაში მის მაგივრად წარმოდგენილი იყო Mr. Brownstone, სტუდიური ალბომიდან. 2009 წელს არხმა VH1 Welcome to the Jungle დაასახელა ყველა დროის საუკეთესო მძიმე როკ სიმღერად.

Out ta Get Me[რედაქტირება]

ტექსტში აქცენტია ექსლ როუზის პრობლემებზე სამართალდამცველებთან, რომლებიც მას ინდიანაში ცხოვრებისას ჰქონდა. გიტარისტ სლეშის თქმით, ეს სიმღერა უფრო სწრაფად დაიწერა, ვიდრე Welcome to the Jungle, ანუ სამ საათზე ნაკლებ პერიოდში.[10]

Paradise City[რედაქტირება]

თავის ავტობიოგრაფიაში სლეში საუბრობს, რომ ეს სიმღერა დაიწერა ნაქირავები ავტოფურგონის სალონში, როდესაც ჯგუფი ბრუნდებოდა სან ფრანცისკოდან, სხვა ჯგუფთან, Rock N Riders ერთად. იგი ამტკიცებს, რომ ჯგუფი ნამდვილად ამ ფურგონის უკანა ნაწილში იჯდა, სვამდა და უკრავდა აკუსტიკურ გიტარებზე და სწორედ მაშინ იქნა მოფიქრებული სიმღერის შესავალი. დაფ მაკ-კეგენმა და იზი სტრედლინმა მასთან ერთად დაიწყეს დაკვრა. სლეშმა წაიღიღინა მელოდია, ხოლო ექსლმა მხარი აუბა ტექსტით Take me down to the Paradise City. სლეშმა დაამატა Where the grass is green and the girls are pretty. ამის შემდეგ ექსლმა გაიმეორე პირველი სტრიქონი, ხოლო სლეშმა ჩასვა Where the girls are fat and they've got big titties. ექსლმა დაასრულა Take . . . me . . . home!. სლეშს მოეწონა თავისი მეორე სტრიქონი, თუმცა ჯგუფის დანარჩენი წევრების აზრი განსხვავდებოდა.

My Michelle[რედაქტირება]

სიმღერა ეძღვნება ჯგუფის მეგობარ მიშელ იანგს, რომელსაც მადლობას უხდიან ალბომის 'Appetite For Destruction' გარეკანზე. ექსლის თანახმად, იგი და იანგი იმყოფებოდნენ მანქანაში, როდესაც რადიოში ჟღერდა ელტონ ჯონის Your Song. იანგმა მაშინ ახსენა, რომ ყოველთვის სურდა, მის შესახებ ვინმეს სიმღერა შეექმნა. მოგვიანებით იგი კმაყოფილი დარჩა ამ კომპოზიციით,

Sweet Child O' Mine[რედაქტირება]

ალბომის მეცხრე სიმღერა და მესამე სინგლი. იგი გამოვიდა 1988 წლის 18 აგვისტოს და მოხვდა ბილბორდის 100-ეულის სათავეში, იქცა რა ჯგუფის ერთადერთ #1 აშშ სინგლად. ბრიტანეთში მან #6 პოზიციამდე მიაღწია.

სიმღერის ტექსტში საუბარია ექსლის იმ პერიოდის მეგობარ გოგონაზე ერი ევერლიზე. ნაწყვეტი, რომელიც ჟღერს დასაწყისში მხოლოდ ხუმრობაა - სლეში აწყობდა გიტარას და შემთხვევით დაუკრა ცირკის ტიპის მელოდია.

You're Crazy[რედაქტირება]

თავდაპირველად იგი დაიწერა, როგორც აკუსტიკური ნომერი, მაგრამ ალბომისთვის Appetite for Destruction გადამუშავებული იქნა.[11]. ეს ვერსია არის ჯგუფის ერთ-ერთი ყველაზე სწრაფი კომპოზიცია. უფრო ნელი, აკუსტიკური მოხვდა ალბომში G N' R Lies. მოცემული ვერსია ასევე სრულდებოდა ელექტრონულ გიტარებზე. მისი ერთ-ერთი ჩანაწერი შესულია ალბომში Live Era: '87–'93).

სიმღერის სამუშაო სახელწოდება იყო Fucking Crazy.[11]

Anything Goes[რედაქტირება]

ჯგუფის ერთ-ერთი პირველი სიმღერა, რომელიც 1981 წელს დაიწერა[12] მისი თავდაპირველი სახელწოდება იყო My Way, Your Way.[13]

გაფორმება[რედაქტირება]

გარეკანის თავდაპირველი ვერსია, რომელიც რობერტ უილიამსის ნახატს ეფუძნებოდა. რობოტის ტიპის მოძალადეს სჯის ლითონის შურისმაძიებელი.

ალბომის ორიგინალური ყდა ეფუძნებოდა რობერტ უილიამსის ნახატს Appetite for Destruction. მასზე გამოსახული იყო რობოტის ტიპის მოძალადი, რომელსაც ლითონის შურისმაძიებელი სჯიდა. მას შემდეგ, რაც ამის გამო რამდენიმე სარეალიზაციო ქსელმა უარი თქვა ალბომის გავრცელებაზე, მოხდა გარეკანის შეცვლა - ნახატით, რომელზეც გამოსახული იქნა ჯვარი ჯგუფის წევრების სახეებით თავის ქალების სტილში. ალბომის უკანა გარეკანზე გამოყენებულია რობერტ ჯონის, მარკ კენტერისა და ჯელ ლიუს ფოტოსურათები. 2008 წლის გრამფირფიტის გამოცემაზე დაგეგმილი იყო ორიგინალური გარეკანის აღდგენა, მაგრამ ლეიბლმა იგი შეცვალა თავის ქალების ვერსიით.[14] ვინილის ხელმეორე გამოცემაზე ჯგუფის შემოქმედებაში პირველად იქნა წარმოდგენილი გაფრთხილება Parental Advisory. მანამდე იგი იბეჭდებოდა კომპაქტ-დისკის პოლიეთილენის შეფუთვაზე (ასევე აუდიოკასეტაზე) და მოგვიანებით - თავად ყუთზე.

ისეთ გამოცემებზე, რომლებიც ორგვერდიან ფორმატს ითვალისწინებდა (გრამფირფიტები და აუდიოკასეტები), გვერდებს ეწოდებოდა არა A და B, არამედ G და R. სიმღერები 1-6 (ანუ G გვერდი) წარმოადგენდნენ სიმღერებს ნარკოტიკებსა და ქალაქის ცხოვრებაზე. მეორე გვერდი, რომელზეც წარმოდგენილი იყო სიმღერები სიყვარულზე, სექსსა და ურთიერთობებზე, იყო R გვერდი.

გავლენა და წარმატება[რედაქტირება]

  • 1989 წელს ჟურნალმა როლინგ სტოუნი Appetite for Destruction-ს უწოდა 1980-იანი წლების რიგით 20-ე საუკეთესო ალბომი.
  • იგივე ჟურნალმა მოგვიანებით ეს ალბომი შეიყვანა ყველა დროის 500 საუკეთესო ალბომის სიის #61 პოზიციაზე.[15]
  • 2001 წელს ჟურნალმა Q დაასახელა Appetite for Destruction ყველა დროის 50 ყველაზე მძიმე ალბომის რეიტინგში.[16]
  • 2004 წელს ჟურნალმა Q Appetite for Destruction ასევე დაასახელა კლასიკური როკის უდიდეს ალბომებს შორის[17]
  • 2003 წელს ტელეარხმა VH1 Appetite for Destruction დაასახელა ყველა დროის რიგით 42ე საუკეთესო ალბომად.[18]
  • 2002 წელს რესურმა Pitchfork Media დაასახელა Appetite for Destruction რიგით 59-ე პოზიციაზე სიაში 1980-იანი წლების 100 საუკეთესო ალბომი.[19]
  • ჟურნალში Spin ალბომი დასახელდა #18 პოზიციაზე, სიაში 100 საუკეთესო ალბომი, 1985-2005.[20]
  • ჟურნალმა Kerrang! ასევე შეადგინა ყველა დროის 100 საუკეთესო როკ-ალბომის სია, სადაც Appetite for Destruction #1 პოზიციას იკავებდა.[21]
  • როკ-მუსიკის დიდების დარბაზის 200 რჩეული ალბომის სიაში ეს დისკი #32 პოზიციას იკავებს. სია შეადგინა ჩანაწერთა გავრცელების ეროვნულმა ასოციაციამ.
  • 2006 წელს ჟურნალმა Q ეს ალბომი დაასახელა 1980-იანი წლების 40 საუკეთესო ალბომის სიის #10 პოზიციაზე .[22]
  • 2006 წელს ალბომი მოხვდა ჟურნალის Guitar World მიერ შედგენილია ყველა დროის 100 საუკეთესო საგიტარო ალბომის სიის #2 პოზიციაზე.[23]

სიმღერების სია[რედაქტირება]

ყველა სიმღერის ავტორია Guns N' Roses; It's So Easy-ს თანაავტორია უესტ ერკინი. სიმღერის Anything Goes თანაავტორია კრის უებერი.[24] სხვა ავტორები მითითებულია.

# სახელწოდება ტექსტის ავტორ(ებ)ი მუსიკის ავტორ(ებ)ი ხანგრძლივობა
1. Welcome to the Jungle   ექსლ როუზი სლეში 4:34
2. It's So Easy   მაკ-კეგენი, უესტ ერკინი მაკ-კეგენი, ერკინი 3:23
3. Nightrain   როუზი, მაკ-კეგენი იზი სტრედლინი, სლეში, მაკ-კეგენი 4:29
4. Out ta Get Me   როუზი სტრედლინი, სლეში 4:25
5. Mr. Brownstone   სტრედლინი, სლეში[25][26][27] სტრედლინი, სლეში 3:49
6. Paradise City   როუზი, მაკ-კეგენი, სლეში სლეში, სტრედლინი, მაკ-კეგენი 6:46
7. My Michelle   როუზი სტრედლინი 3:40
8. Think About You   სტრედლინი სტრედლინი 3:52
9. Sweet Child o' Mine   როუზი სლეში, სტრედლინი[28][29][30] 5:55
10. You're Crazy   როუზი სტრედლინი, სლეში 3:17
11. Anything Goes   როუზი, სტრედლინი სტრედლინი, როუზი, კრის უებერი 3:26
12. Rocket Queen   როუზი სლეში, მაკ-კეგენი 6:13

პერსონალი[რედაქტირება]

Guns N' Roses
დამატებითი პერსონალი
  • ენდი უდოფი - ხმის ინჟინერის თანაშემწე
  • ჯეფ პო –ხმის ინჟინერის თანაშემწე
  • რობერტ უილიამსი – ნახატები
  • მაიკლ ჰოჯსონი - დიზაინი
  • რობერტ ჯონი – ფოტოგრაფია
  • ჯეკ ლიუ - ფოტოგრაფია
  • გრეგ ფრიმენი - ფოტოგრაფია

ადგილები ჩარტში[რედაქტირება]

ალბომი[რედაქტირება]

წელი ჩარტი ადგილი
1988 ბილბორდის 200 1
1989

სინგლები[რედაქტირება]

წელი სიმღერა ჩარტი უმაღლესი პოზიცია[31]
1988 Sweet Child O' Mine ბილბორდის 100-ეული 1
მეინსტრიმ როკი 7
Welcome to the Jungle ბილბორდის 100-ეული 7
მეინსტრიმ როკი 37
Nightrain ბილბორდის 100-ეული 93
1989 მეინსტრიმ როკი 26
Paradise City ბილბორდის 100-ეული 5
მეინსტრიმ როკი 14

სქოლიო[რედაქტირება]

  1. Review. Allmusic. დაარქივებულია ორიგინალიდან 14 May 2011-ში. წაკითხვის თარიღი: 2011-04-02.
  2. Review. Sputnikmusic. წაკითხვის თარიღი: 2011-04-02.
  3. Review. Robert Christgau. წაკითხვის თარიღი: 2011-04-02.
  4. Review. Rolling Stone. წაკითხვის თარიღი: 2011-04-02.
  5. Search Results. Recording Industry Association of America (December 19, 2008). წაკითხვის თარიღი: December 19, 2008.
  6. Guns N' Roses To Release New Album - Axl Rose Is The Only Original Remaining Member“, Sky News, October 23, 2008. წაკითხვის თარიღი: December 19, 2008. 
  7. Wall, Mick (2008). W.A.R.: The Unauthorized Biography of William Axl Rose. St. Martin's Press, გვ. 368. ISBN 978-0312377670. 
  8. ''Axl/Slash Interview'', 1988. Hem.passagen.se. წაკითხვის თარიღი: November 11, 2010.
  9. Ellin, Doug. (July 27, 2007)Welcome to the Jungle. TV.com. წაკითხვის თარიღი: November 20, 2007.
  10. 10.0 10.1 Bozza, Anthony, & Slash (2007). Slash. Harper Entertainment: New York. pp. 109
  11. 11.0 11.1 Song info at GNRSource.com. Web.archive.org. წაკითხვის თარიღი: November 11, 2010.
  12. Song info at GNRSource.com. Web.archive.org. წაკითხვის თარიღი: November 11, 2010.
  13. #Davis 2008 pg 166, Crash into Anything Goes, originally titled My Way Your Way by Hollywood Rose, written by Izzy and Chris Webber.
  14. Album cover info at. Musicstack.com (February 9, 2009). წაკითხვის თარიღი: November 11, 2010.
  15. Appetite for Destruction - Rolling Stone's 500 Greatest Albums of All Time. Rolling Stone (November 3, 2003). წაკითხვის თარიღი: November 20, 2007.
  16. In our Lifetime #2. Q magazine (October 1, 2001). წაკითხვის თარიღი: November 20, 2007.
  17. Rocklist.net...Q & Mojo Magazine Special Editions Vol.1. Rocklistmusic.co.uk. წაკითხვის თარიღი: November 11, 2010.
  18. VH1 Ranks 100 Best Rock Albums“, January 4, 2001. წაკითხვის თარიღი: November 20, 2007. 
  19. Top 100 Albums of the 1980s. Pitchforkmedia.com (November 20, 2002). დაარქივებულია ორიგინალიდან February 28, 2007-ში. წაკითხვის თარიღი: November 11, 2010.
  20. Barger, Al. (July 3, 2005)Spin magazine's 100 Greatest Albums 1985-2005. Blog Critics magazine. წაკითხვის თარიღი: November 20, 2007.
  21. Guns N' Roses news:. Here Today Gone to Hell (March 4, 2004). წაკითხვის თარიღი: November 20, 2007.
  22. Q August 2006, Issue 241
  23. Guitar World's 100 Greatest Guitar Albums Of All Time. Rate Your Music. წაკითხვის თარიღი: November 11, 2010.
  24. Erlewine, Stephen Thomas. Appetite for Destrucion > Overview. allmusic. წაკითხვის თარიღი: December 19, 2008.
  25. Slash’s Autobiography
  26. Reckless Roads by Mark Canter
  27. The W. Axel Rose Biography by Mick Wall
  28. Steven Adler: 'I'm Finally Starting To Get The Recognition That I Deserve' | Interviews @. Ultimate-guitar.com. წაკითხვის თარიღი: November 11, 2010.
  29. Kovac, Adam. (August 4, 2010)Former Guns N' როუზიs Drummer Steven Adler's Learned From His Mistakes. CHARTattack. წაკითხვის თარიღი: November 11, 2010.
  30. Steven Adler: 'Axl Is A$$hole' | News @. Ultimate-guitar.com. წაკითხვის თარიღი: November 11, 2010.
  31. Artist Chart History - Guns N' Roses - Singles. Billboard 200. დაარქივებულია ორიგინალიდან December 24, 2007-ში. წაკითხვის თარიღი: November 20, 2007.