Animals (ალბომი)

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
Animals
სტუდიური ალბომი - პინკ ფლოიდი
გამოცემის თარიღი 23 იანვარი 1977 (ბრიტანეთი)
ჩაწერის თარიღი აპრილი 1976 – დეკემბერი 1976, სტუდია Britannia Row
ჟანრი პროგრესული როკი
ხანგრძლივობა 41:41
ლეიბლი Harvest/EMI
პროდიუსერი პინკ ფლოიდი
პინკ ფლოიდი - ქრონოლოგია
Wish You Were Here
(1975)
Animals
(1977)
The Wall
(1979)
 პროფესიონალური შეფასებები
ქულები
წყარო რეიტინგი
Allmusic 4/5 stars [1]
რობერტ კრისტგოუ B+ [2]
Pitchfork Media 10.0/10 [3]
Rolling Stone უარყოფითი [4]

Animals (ქართ. ცხოველები) — ჯგუფ პინკ ფლოიდის კონცეპტუალური ალბომი, რომელიც გამოვიდა 1977 წელს. ეს არის პირველი სტუდიური დისკი, რომელიც ჩაიწერა ჯგუფის პირად სტუდიაში ბრიტანია როუ.

ალბომის სიმღერები აგებულია ჯორჯ ორუელის იგავის „ცხოველთა ფერმა“ იდეოლოგიაზე. ალბომის სამ მთავარ სიმღერაში როჯერ უოტერსი იყენებს სამ ცხოველს, რომელთა მეშვეობით იგი ალეგორიულ პარალელებს ავლებს თანამედროვე საზოგადოების ტიპიურ წარმომადგენლებთან.

ისტორია[რედაქტირება]

დევიდ გილმორი მხოლოდ ამ ალბომის ერთი სიმღერის ავტორად არის ნახსენები, თუმცა Dogs მთლიანი ჯგუფის მიერ შექმნილი სიმღერა იყო, რომლის ტექსტიც უოტერსმა დაწერა. ცნობილია, რომ რიჩარდ რაიტს ამ ალბომისთვის არაფერი დაუწერია, თუმცა მუშაობდა Dogs-ის პირველი ვერსიაზე, You Gotta Be Crazy. აგრეთვე ალბომში გამოიყენეს Raving and Drooling, რომელსაც Sheep უწოდეს. ზემოთნახსენები ორივე სიმღერა ჯერ კიდევ 1974 წელს დაიწერა და დაგეგმილი იყო მისი შეტანა ალბომში Wish You Were Here. გაუგებრობა საავტორო უფლებებთან დაკავშირებით პირდაპირ მიუთითებს ჯგუფში არსებულ კონფლიქტებზე.

ალბომის სიმღერებში ნაჩვენებია უოტერსის სოციალისტურ ხედვები, მისი მოსაზრებები კლასობრივ სისტემაზე, რომელიც კაპიტალისტურ საზოგადოებაში არსებობს. ალბომში ჩნდება ძაღლების, ღორებისა და ცხვრების ანტროპომორფული სახეები. უცნაურია, რომ მათ არ აქვთ გამოკვეთილი როლი. მაგალითად, ძაღლი, რომელიც ჯორჯ ორუელის მიხედვით სასტიკი ჯალათი (ან პოლიციელია), ხან პირქუში ბიზნესმენია, ხან კი — ცხვრების დამშინებელი. თუმცა, უოტერსი მსმენელს მაინც უტოვებს დამოუკიდებელი არჩევანის უფლებას და ნებისმიერს თავისუფლად შეუძლია ტექსტის ინტერპრეტაცია.

პროლოგისა და ეპილოგის სახით ალბომს ახლავს სიმღერა, რომელიც ეძღვნება უოტერსის მეუღლეს, კეროლაინს: Pigs on the Wing, ნაწილი 1 და Pigs on the Wing, ნაწილი 2. ორივე მათგანი მძლავრ კონტრასტშია ცენტრალურ სამ სიმღერასთან. შესაძლებელია, ისინი აღნიშნავენ, რომ შეთანხმება და ჰარმონია მაინც დასძლევს აგრესიას — მიუხედავად იმისა, რომ უკანასკნელ სტრიქონებში ჩანს, თითქოს ავტორი თავად არის ძაღლი და ემალება მფრინავ გოჭებს. სპეციალური კასეტისათვის, რომელიც, ფირის დასრულებისთანავე, ავტომატურად რთავდა ალბომს დასაწყისიდან, გიტარისტ სნოუი უაიტის დახმარებით ჩაიწერა Pigs on the Wing-ის ორივე ნაწილის გადაბმული ვერსია. იგივე ვერსიის მოსმენა შეიძლება უაიტის 1996 წლის ალბომზე Goldtop: Groups & Sessions.

ყდა[რედაქტირება]

ალბომის ყდა ცალკე კურიოზის თანხლებით შეიქმნა. გიგანტური, ჰელიუმით გაბერილი ღორი გაშვებული იქნა ლონდონში განლაგებული ბეტერსის ელექტროსადგურის თავზე. ფოტოგადაღება სტორმ ტორგერსონის მოწყობილი იყო.

გადაღების პირველ დღეს სადგურთან იჯდა სნაიპერი, რადგანაც შესაძლებელი იყო, რომ ღორი ნებისმიერ წამს გაფრინდება. მიუხედავად ამისა, მეორე დღეს გადამღებმა ჯგუფმა აღარ დაიზღვია თავი და არ დაიქირავა იგი. სასაცილოა, მაგრამ სწორედ იმ დღეს, 1976 წლის 3 დეკემბერს, ქარმა ღორი სადგურისგან შორს, ჰიტროუს აეროპორტისაკენ წაიღო, რამაც დააეჭვა აეროპორტის თანამშრომლები და ყველა რეისი გადაიდო. ღორს პოლიციის ვერტმფრენი დაადევნეს, მაგრამ ღორი 5000 ფუტზე აფრინდა და პოლიციელები დაბრუნდნენ. ყველა პილოტს შეატყობინეს, რომ ცაში დაფრინავს გიგანტური ღორი. პოლიციის რადარმა დაკარგა ღორი კენტის მიდამოებში, 18.000 ფუტის სიმაღლეზე - იგი აღმოსავლეთის მიმართულებით მიფრინავდა. საბოლოოდ, ღორი დაეშვა ერთ-ერთი ფერმერის მინდორზე, ყოველგვარი დაზიანების გარეშე. ღორს მცირე შეკეთება დასჭირდა, ამის შემდეგ კი იგი მესამედ გაუშვეს სადგურის თავზე. საბოლოოდ, ტორგერსონმა დაამონტაჟა ღორისა და სადგურის ფოტოსურათი, რადგანაც არც ერთი ვარიანტი არ მოსწონა.

მთავარი კონვერტის გაშლაზე დაწერილი კომენტარები ნიკ მეისონს ეკუთვნის. მის მიერ ასევე დაწერილია ფირფიტის კონვერტზე გამოტანილი სიმღერების ტექსტები. ფირფიტის ერთ მხარეს გამოსახული იყო ძაღლი, მეორე მხარეს - ღორი და ცხვარი.

სპეციალური გამოცემა აუდიოკასეტაზე[რედაქტირება]

1977 წელს ასევე გამოიცა ალბომის სპეციალური ვერსია აუდიოკასეტაზე. ეს იყო 8 ბილიკიანი კასეტა, რომელიც ავტომატურად რთავდა ალბომის პირველ სიმღერას, როგორც კი მთავრდებოდა უკანასკნელი. შესაბამისად, Pigs on the Wing, ნაწილი 1 და Pigs on the Wing, ნაწილი 2 ერთმანეთთან იყო შეერთებული. ამასთან, სიმღერას ახლდა სნოუი უაიტის მიერ ჩაწერილი სოლო გიტარაზე.

სიმღერების სია[რედაქტირება]

ყველა ტექსტის ავტორი — როჯერ უოტერსი. 

მხარე 1
# სახელწოდება მუსიკის ავტორ(ებ)ი ვოკალი ხანგრძლივობა
1. Pigs on the Wing 1   უოტერსი უოტერსი 1:25
2. Dogs   გილმორი, უოტერსი გილმორი, უოტერსი 17:03
სრული ხანგრძლივობა:
18:28
მხარე 2
# სახელწოდება მუსიკის ავტორ(ებ)ი ვოკალი ხანგრძლივობა
1. Pigs (Three Different Ones)   უოტერსი უოტერსი 11:25
2. Sheep   უოტერსი უოტერსი 10:25
3. Pigs on the Wing 2   უოტერსი უოტერსი 1:23
სრული ხანგრძლივობა:
23:13

პერსონალი[რედაქტირება]

პინკ ფლოიდი
  • როჯერ უოტერსი – ვოკალი, ბას გიტარა, აკუსტიკური გიტარა, რითმ გიტარა, ვოკოდერი, ხმის ეფექტები, დიზაინი
  • დევიდ გილმორი – გიტარა, ბას გიტარა, ვოკალი, თოქბოქსი, სინთეზატორი
  • რიჩარდ რაიტი – ორგანი, ფენდერ როუდსის ფორტეპიანო, სინთეზატორი, დამატებითი ვოკალი
  • ნიკ მეისონი – დასარტყამები, პერკუსია, ხმის ეფექტები, გარეკანის გრაფიკა
პერსონალი
  • პინკ ფლოიდი
  • ბრაიან ჰემფრიზი — ხმის ინჟინერი
  • ჯეიმზ გათრი — რემასტერინგის პროდიუსერი
  • როჯერ უოტერსი — გარეკანის დიზაინი
  • სტორმ თორგერსონი — გარეკანის დიზაინი (ორგანიზატორი)
  • ობრი პაუელი — გარეკანის დიზაინერი (ორგანიზატორი), ფოტოგრაფი
  • ნიკ მეისონი — გრაფიკა
  • პიტერ კრისტოფერსონი —ფოტოგრაფია
  • ჰოვარდ ბერტროპი — ფოტოგრაფია
  • ნიკ ტაკერი — ფოტოგრაფია
  • ბობ ელისი —ფოტოგრაფია
  • რობ ბრიმსონი — ფოტოგრაფია
  • კოლინ ჯონსი — ფოტოგრაფია
  • E.R.G. Amsterdam — გასაბერი ღორის დიზაინი
  • დაგ საქსი — ფოტოგრაფია
  • სნოუი უაიტი – გიტარა სიმღერაში Pigs on the Wing (სპეციალური 8 ფირიანი კარტრიჯი)

იხილეთ აგრეთვე[რედაქტირება]

სქოლიო[რედაქტირება]

  1. Erlewine, Stephen Thomas. Album review საიტზე Allmusic. წაკითხვის თარიღი: 4 July 2011
  2. Album review. Robert Christgau. წაკითხვის თარიღი: 4 July 2011.
  3. Album review. Pitchfork Media. წაკითხვის თარიღი: 4 July 2011.
  4. Album review. Rolling Stone (via web.archive.org). წაკითხვის თარიღი: 4 July 2011.