ჰეროფილე

მასალა ვიკიპედიიდან — თავისუფალი ენციკლოპედია

ჰეროფილე (ძვ. ბერძნ. Ἡρόφιλος; დაახ. ძვ. წ. 335, ქალკედონი — დაახ. ძვ. წ. 280, ალექსანდრია) — ძველი ბერძენი ექიმი. ალექსანდრიის სამედიცინო სკოლის ერთ-ერთი ფუძემდებელი. იგი პირველი ექიმი იყო, რომელმა ანატომიის შესწავლის მიზნით გვამების სისტემატური გაკვეთა დაიწყო. დაიბადა ქალკედონში, ცხოვრების დიდი ნაწილი გაატარა ალექსანდრიაში. ჰეროფილეც და ერასისტრატიც თვლიდნენ, რომ ნერვული სისტემის ცენტრი თავის ტვინში მდებარეობდა, მათვე განასხვავეს მგრძნობიარე და მამოძრავებელი ნერვები.

ჰეროფილემ მრავალი ნაშრომი დატოვა მედიცინის ყველა მიმართულებაში, მათ შორის ანატომიაში, ქირურგიაში, ოფთალმოლოგიაში, კარდიოლოგიასა და მეანობაში. მისი ნაშრომები დაკარგულია, მაგრამ ჰეროფილეს ხშირად იმოწმებს გალენოსი თავის ნაშრომებში. მანვე კაცისა და ქალის სასქესო ორგანოების იმ დროისთვის არსებული ყველაზე ზუსტი აღწერა დატოვა. მისი ყველა ცნობილი ნაშრომი პულსის გამოკვლევაზეა; პირველმა განსაზღვრა მისი სიხშირე და ამ პარამეტრის დიაგნოსტიკური მნიშვნელობა.

ლიტერატურა[რედაქტირება | წყაროს რედაქტირება]

  • Гейберг И. Л., Естествознание и математика в классической древности, Москва-Ленинград: ОНТИ, 1936.
  • Russo L., The forgotten revolution: how science was born in 300 BC and why it had to be reborn, Berlin.: Springer, 2004.
  • von Staden H. (ed. trans.) Herophilus: The Art of Medicine in Early Alexandria. Cambridge University Press, 1989.