ჯუმლა

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
ჯუმლა
Joomla
Joomla logo.png
JoomlaAdministrator.jpg
ჯუმლას სამართავი პანელი
მწარმოებელი ჯუმლას გუნდი
ბოლო გამოშვება 3.0.2 / 8 ნოემბერი 2012 (2012-11-08)[1]
დაპროგრამების ენა PHP
ოს სხვადასხვა
პლატფორმა სხვადასხვა
ენა სხვადასხვა
ჟანრი შინაარსის სამართავი სისტემა
ლიცენზია GPL
საიტი joomla.org

ჯუმლა (Joomla) — უფასო და ღია პროგრამული უზრუნველყოფის საშუალება ინტერნეტ-სივრცისათვის. მისი დახმარებით შესაძლებელია თითქმის ნებისმიერ ტიპის საიტის შექმნა (როგორც სოციალური ქსელის, ასევე უბრალო საინფორმაციო პორტალის), შიგთავსის რეგულარული განახლება (სპეციალური სამართავი პანელიდან) და სხვა. სისტემა შექმნილია ჯუმლას გუნდის მიერ.

ისტორია[რედაქტირება]

ჯუმლა პირველად აგებული იქნა 'მამბოს' სამართავი სისტემის მაგალითზე. ის გამოვიდა 2005 წლის 17 აგვისტოს. ამ დროისათვის 'მამბოს' ფლობდა Miro International Pvt Ltd, რომელმაც შექმნა კომერციული სექტორი, რომლის მიზანიც იყო 'მამბოს' დაფინანსება და მისი დაცვა სხვადასხვა სარჩელისგან. სამართავი სისტემის შემქმნელი გუნდი გაიყო, რადგან მასში სუფევდა უთანხმოება ეკონომიკური პოლიტიკის საკითხებში. 2005 წლის 16 სექტემბერს გამოჩნდა ჯუმლა, რომელიც აგებული იყო 'მამბოზე', მაგრამ შეიცავდა ბევრ შესწორებას.

ჯუმლა, ისევე როგორც მისი წინამორბედი, კვლავ დარჩა ღია ტიპის კოდის მქონე პროგრამულ უზრუნველყოფად, ისევე როგორც მისი ბევრი დამატებითი მოდული თუ კომპონენტი, თუმცა სხვადასხვა კომპონენტი და მოდული, რომელიც დღეს ჯუმლასთვის იქმნება, ფასიანიც არის.

გარდა ჯუმლას პოპულარული 1.0 ვერსიისა, რომელიც უფრო მეტად 'მამბოს' ეყრდნობა, ასევე არსებობს მისი მეორე განშტოება - ჯუმლას 1.5 ვერსია. პირველი ასეთი სერიიდან გამოვიდა 2008 წლის 22 იანვარს. მისი უკანასკნელი ვერსია (2009 წლის 22 ივლისი) არის 1.5.14. 2009 წლის ივნისი დასასრულს გამოჩნდა ჯუმლას 1.6 ვერსია, რომელიც დღესდღეობით ალფა-ტესტირების სტადიაში იმყოფება.

ჯუმლას შესაძლებლობები[რედაქტირება]

გაფართოებები[რედაქტირება]

ძირითადად, ჯუმლაში არსებობს გაფართოებების სამი ტიპი. ესენია:

კომპონენტები (Components[რედაქტირება]

კომპონენტი ჯუმლაში უფრო ხშირად აღნიშნავს გაფართოების ისეთ ტიპს, რომელიც ჯუმლაზე აგებულ საიტს ამატებს ახალ თემატურ განყოფილებას. ძირითადად, ასეთებია: ფოტო და ვიდეო გალერეები, ფორუმები, ჩეტები, წიგნების ბიბლიოთეკის აღრიცხვის სისტემები, ონლაინ მაღაზიები და ა.შ. თუმცა, ხშირად, კომპონენტი ჯუმლაში შეიძლება იყოს ფარული, მაგრამ ამავე დროს, ასრულებდეს თავის ფუნქციებს. ასეთია, მაგალითად, კომენტარების სისტემა, რომელიც ავტომატურად უერთდება სტატიების ამა თუ იმ სექციას თუ კატეგორიას. არსებობს ადმინისტრატორის პანელის შიდა კომპონენტები - როგორიც, მაგალითად, არის სტატისტიკა საიტზე შემოსული მომხმარებლების შესახებ.

მოდულები (Modules)[რედაქტირება]

მოდული ჯუმლაში არ არის იგივე, რაც სხვა სამართავ სისტემებში. ჯუმლაში მოდული ნიშნავს საიტის ამა თუ იმ არეშე (გარდა სტატიის სხეულის) განთავსებულ ბლოკს, რომელიც პასუხისმგებელია ამა თუ იმ ფუნქციაზე (და ხშირად დაკავშირებულია ადმინისტრატორის სამართავი პანელის კომპონენტთან). ასეთებია, მაგალითად, სიახლეების მაჩვენებელი, საიტზე საკუთარი მომხმარებლის სახელით შესვლის ფორმის, მუსიკალური ფაილების მოსმენის მოდულები. მოდულების სახით ხშირად წარმოდგენილია სანავიგაციო მენიუების სისტემებიც.

დამატებები (Plugins)[რედაქტირება]

დამატებები ჯუმლაში აფართოებენ სისტემის მუშაობას. დამატება ამატებს მცირე ან დიდი მნიშვნელობის მქონე ფუნქციებს. განსხვავებით მოდულისგან, დამატება არ განთავსდება საიტის კონკრეტულ ადგილზე. უფრო ხშირად იგი გავლენას ახდენს სტატიებზე. მაგალითად, შესაძლო ხდება სტატიაში განთავსებული სურათის განსაკუთრებული ჩარჩოს ან სხვა ეფექტის თანხლებით ჩვენება.

სქოლიო[რედაქტირება]

რესურსები ინტერნეტში[რედაქტირება]

მოძიებულია „http://ka.wikipedia.org/w/index.php?title=ჯუმლა&oldid=2535764“-დან