ჯეირედ პადალეკი

ჯეირედ პადალეკი Jared Padalecki
ჯეირედ პადალეკი, 2008 წელს
დაბადების სახელი	ჯეირედ ტრისტან პადალეკი Jared Tristan Padalecki
დაბადების ადგილი	სან-ანტონიო, ტეხასი, აშშ
დაიბადა	19 ივლისი, 1982
შემოქმედების წლები	1999-დღემდე

ჯეირედ ტრისტან პადალეკი (Jared Tristan Padalecki, დ. 19 ივლისი, 1982) არის ამერიკელი მსახიობი. გაიზარდა ტეხასში, პოპულარული ადრეულ 2000 წლებში გახდა ცნობილი სატელევიზიო სერიალით გილმორის გოგოები, ასევე ჰოლივუდის რამდენიმე მაღალბიუჯეტიანი ფილმით, როგორებიცაა ნიუ-იორკის წამი და ცვილის ფიგურების სახლი. ბოლო წლებში კი პადალეკიმ სახელი გაითქვა CW-ს ცნობილი სერიალით ზებუნებრივი, სადაც იგი სემ ვინჩესტერს განასახიერებს და ჯენსენ ეკლსთან ერთად თამაშობს.

ბიოგრაფია

ადრეული წლები

ჯეირედი დაიბადა სან-ანტონიოში, ტეხასში. დედა, შერონ (შერი) კამერი — მასწავლებელი იყო, მამა, ჟერალდ (ჯერი) პადალეკი კი ბუჰღალტერი. ჯეირედი ნახევრად პოლონელია. ჰყავს უფროსი ძმა ჯეფი და უმცროსი და — მეგანი. 12 წლის ასაკში ჯეირედი შეუდგა სამსახიობო გაკვეთილებზე სიარულს. დაამთავრა ჯეიმს მედისონის სკოლა სან-ანტონიოში. 1999 წელს პადალეკიმ გაიმარჯვა კონკურსში «Claim To Fame», რის შედეგადაც შესაძლებლობა მიეცა Teen Choice Awards-ზე საპატიო პრემიის გადაცემისა. სწორედ ამ ცერემონიალზე შეხვდა მის ამჟამინდელ მენეჯერს. 2000 წელს, სკოლის დამთავრების შემდეგ, ჯეირედი გადავიდა ლოს ანჯელესში, რათა გაეგრძელებინა სამსახიობო კარიერა. თუმცა თავდაპირველად იგი ტეხასის უნივერსიტეტში ჩაბარებას გეგმავდა.

კარიერა

პადალეკის რიგით პირველი როლი იყო მეორეხარისხოვანი როლი 1999 წლის ფილმში A Little Inside. 2000-2005 წლამდე მან განასახიერა დინ ფორესტერი პოპულარულ სერიალში გილმორის გოგოები. 2000-2003 წლამდე ჯეირედი გამოჩნდა რამდენიმე ფილმში, როგორებიცაა ჩუმი მოწმე (Silent Witness 2000), სახლთან ახლოს (Close to Home 2001), სამარადისო სინათლის ბეჭედი (A Ring of Endless Light 2002) და ახალგაზრდა მაკგაივერი (2003).

2003 წელს პადალეკიმ ითამაშა უმნიშვნელო როლი კომედიაში Cheaper by the Dozen („ბევრი იაფად“) მას შემდგომ, რაც ახალგაზრდა მსახიობმა და მეგობარმა ტომ უელინგმა სთხოვა ეს, თუმცა ჯეირედის გვარი ფილმის ტიტრებში არაა მითითებული. 2004 წელს იგი გამოჩნდა დები ოლსენების (მერი-კეიტი და ეშლი) კომედიაში ნიუ-იორკის წამი და ტრილერში ფენიქსის გაფრენა, 2005 წელს კი საშინელებათა ფილმებში: ცვილის ფიგურების სახლი და მგელი-მარტოხელა. იმავე წელს პადალეკიმ განასახიერა სემ ვინჩესტერი WB-ს პოპულარულ სერიალში ზებუნებრივი, რომლის მეორე სეზონი 2006 წლის 28 სექტემბრიდან CW-ს ეთერში გავიდა. მესამე სეზონის პრემიერა 2007 წლის 4 ოქტომბერს შედგა, მეოთხე კი 2008 წლის 18 სექტემბრიდან დაიწყო. სერიალის შემქმნელმა, ერიკ კრიპკმა განაცხადა, რომ ზებუნებრივი მაქსიმუმ კიდევ ერთ, მეხუთე სეზონს გასტანს. გადაღებები მიმდინარეობს ვანკუვერიში, კანადა.

პადალეკი ასევე მიიწვიეს როლზე MTV-ს საშინელებათა რეალითი-შოუში ოთახი 401. ჯეირედი ამ შოუს წამყვანია, შემქმნელი კი ეშტონ კატჩერია.

2008 წელს ჯეირედმა მონაწილეობა მიიღო ფილმში ტომას კინკეიდის საშობაო კოტეჯი , სადაც განასახიერა ამერიკელი მხატვარი ტომას კინკეიდი.

2009 წელს ჯეირედმა მიიღო მთავარი როლი საშინელებათა ფილმში პარასკევი, 13. ფილმის გახსნა 13 თებერვალს მოხდა. პადალეკი განასახიერებს კლეი მილლერს, პერსონაჟს, რომელიც იდუმალი ტბისკენ დაკარგული დის საძიებლად მიდის.

ფილმოგრაფია

წელი	სახელი	როლი	შენიშვნები
1999	A Little Inside	მეტტ ნელსონი
2000	ჩუმი მოწმე	სემი	სატელევიზიო ფილმი
	გილმორის გოგოები	დინ ფორესტერი	მუდმივი პერსონაჟი, 2000-2005
2001	სასწრაფო	პოლ ჰარრისი	ერთ ეპიზოდში
	სახლთან ახლოს
2002	სამარადისო სინათლის ბეჭედი	ზაკერი გრეი	სატელევიზიო ფილმი
2003	ახალგაზრდა მაკგაივერი	კლეი მაკგაივერი	პილოტი
	Cheaper by the Dozen ბევრი იაფად	ხულიგანი (ტიტრებში მითითებული არაა)
	ამერიკის შემდეგი ტოპ-მოდელი	თავად
2004	ფენიქსის გაფრენა	დევისი
	ნიუ-იორკის წამი	ტრეი ლიპტონი
2005	მგელი-მარტოხელა	ტომი	მეორეხარისხოვანი როლი
	ცვილის ფიგურების სახლი	უეიდი	მეორეხარისხოვანი როლი
	ზებუნებრივი	სემ ვინჩესტერი	მთავარი როლი, 2005-დღემდე
2007	ოთახი 401	თავად	წამყვანი
2008	ტომას კინკეიდის საშობაო კოტეჯი	ტომას კინკეიდი	მთავარი როლი
2009	პარასკევი, 13	კლეი მილლერი	მთავარი როლი

რესურსები ინტერნეტში

ვიკისაწყობში^? არის გვერდი თემაზე:

ჯეირედ პადალეკი

• (ინგლისური) Jared Padalecki — კინოფილმების ინტერნეტ მონაცემთა ბაზაში
• TV.com ჯეირედ პადალეკი
• ჯეირედ პადალეკი საუბრობს ”პარასკევი, 13”-ის შესახებ ”შაბათი ღამის ჟურნალი” (2009 წლის თებ.)
• SuicideGirls.com ინტერვიუ ჯეირედ პადალეკისთან