ჭრელტყავა

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
ჭრელტყავა
ჭრელტყავა
ჭრელტყავა
მეცნიერული კლასიფიკაცია
სამეფო: ცხოველები
ტიპი: ქორდიანები
კლასი: ძუძუმწოვრები
რიგი: მტაცებლები
ოჯახი: კვერნისებრნი
სახეობა: ჭრელტყავა
ლათინური სახელი
Vormela peregusna
დაცვის სტატუსი
არეალი
Marbled Polecat area.png

ჭრელტყავა (ლათ: Vormela peragusna) — მტაცებელი ძუძუმწოვარი კვერნისებრთა ოჯახის. მისი სხეულის სიგრძეა 27-35 სმ, მასა 280-580 გრამი. შეფერილია შავ-თთრ-ყვითლად, ხალებიანია. გავრცელებულია სამხრეთ-აღმოსავლეთ ევროპაში, წინა, შუა და ნაწილობრივ ცენტრალურ აზიაში, კავკასიაში, შუა აზიაში, ყაზახეთში. ბინადრობს სტეპებში, ნახევრად უდაბნოებსა და უდაბნოებში. იკვებება მღრღნელებით, ფრინველებით, ხვლიკებით, კენკრით და სხვა. შობს 3-8 ნაშიერს. მისი ბეწვი დაბალი ხარისხისაა. ქვესახეობებიდან საქართველოში გვხვდება დასავლური ჭრელტყავა (V. p. peregusna). საქართველოში გავრცელებულია ასპინძის, ახალქალაქის, გორის, მცხეთის, თელავის რაიონებში. იგი სიმშრალის მოყვარული ცხოველია.

გავრცელებულია 2100 მეტრამდე ზღვის დონიდან. ჭრელტყავა ძირითადად სოროში ბინადრობს. ზოგჯერ სოროს თვითონ თხრის, უმეტეს შემთხვევაში კი სხვის მიერ გამოთხრილ და მიტოვებულ ბუდეში სახლდება. დღეს ჭრელტყავა საქართველოს წითელ წიგნშია შეტანილი, მაგრამ მის დასაცავად არავითარი ზომები არ არის მიღებული.

ლიტერატურა[რედაქტირება]