წინ წარმატებისკენ

წინ წარმატებისკენ
ჟანრი	მოქმედებითი მიუზიკლი
ავტორი	სკოტ ფელოუსი
მონაწილეობენ	კენდელ შმიდტი ჯეიმზ მასლოუ ლოგან ჰენდერსონი კარლოს პენა კიარა ბრავო სტივენ კრამერ გლიკმენი ტანია ჩისჰოლმი
ქვეყანა	აშშ
სეზონი	4
ეპიზოდი	74 (ეპიზოდების სია)
წარმოება
ხანგრძლივობა	23 წთ (ჩვეულებრივი ეპიზოდი) 46 წთ (სპეციალური ეპიზოდი)
ეთერი
ორიგინალური არხი	Nickelodeon
ეთერში	28 ნოემბერი, 2009 (2009-11-28) — 25 ივლისი, 2013 (2013-07-25)
რესურსები ინტერნეტში
საიტი

წინ წარმატებისკენ (ინგლ. Big Time Rush) — ამერიკული სატელევიზიო შოუ, რომელიც პირველად Nickelodeon-ის ეთერში 2009 წლის 28 ნოემბერს გავიდა. სერიალმა პირველივე სერიის შემდეგ დიდი პოპულარობა მოიპოვა.

შინაარსი

სერიალი მოგვითხრობს ოთხ 16 წლის განუყრელ მეგობარზე. ცნობილი პროდიუსერი გუსტავო როკი შტატ მინესოტაში ჩადის, რათა იპოვოს ახალი ვარსკვლავი, რომელიც, როგორც თავად ამბობს, „მის ცეცხლს დაანთებს“ და პოპულარობის მწვერვალზე დააბრუნებს. გუსტავო ძალიან აგრესიული ადამიანია, მას არ აინტერესებს ხალხის გრძნობები და ყველას პირში ეუბნება, რომ ნიჭი არ გააჩნია. ერთ-ერთ კონკურსანტს ის „ბაზუკასაც“ კი დაუმიზნებს. როდესაც განუყრელი მეგობრები კასტინგის შესახებ შეიტყობენ, კენდელი, ჯეიმზი, კარლოსი და ლოგანი მაშინვე კასტინგზე გაიქცევიან, რათა ჯეიმზს პოპულარული მოუპოვონ, თუმცა გუსტავოს კენდელი მოეწონება და ჰპირდება, რომ ლოს-ანჯელესში წაიყვანს და მისგან ვარსკვლავს შექმნის. კენდელი მას პირობას უყენებს — თუ მისი წაყვანა სურთ, მაშინ მისი მეგობრებიც წაიყვანონ და ისინი მომღერალი ჯგუფი გახდებიან. გუსტავო თავდაპირველად სასტიკ უარზეა, თუმცა იმ წამსვე მიხვდება, რომ სხვა გზა არ აქვს. კარლოსს, ჯეიმზს, კენდელსა და ლოგანს წინ უამრავი სახალისო თავგადასავალი ელით.

მთავარი გმირები

• კენდელ ნაითი - (კენდელ შმიდტი)

  

  კენდელ შმიდტი (ნაითი)

• ჯეიმზ დაიმონდი - (ჯეიმზ მასლოუ)

  

  ჯეიმზ მასლოუ (დაიმონდი)

• კარლოს გარსია - (კარლოს პენა)

  

  კარლოს პენა (გარსია)

• ლოგან მიჩელი - (ლოგან ჰენდერსონი)

  

  ლოგან ჰენდერსონი (მიჩელი)

პერსონაჟები

კენდელ ნაითი (კენდელ შმიდტი)

ნიჭიერი მუსიკოსი და მოცეკვავე. ხშირად ის არჩენს ჯგუფს დაღუპვისგან. კენდელი ყველა პრობლემის და ჩხუბის მოგვარებას დემოკრატიული გზით ცდილობს. ის ერთგული მეგობარია, რომელიც მეგობრებს ყველაფერში ამოუდგება გვერდში და მის გამო ჯოჯოხეთშიც წავა. ის ცხოვრებას ფილოსოფიურად უყურებს და ამიტომ მას არ ეშინია სირთულეების. კენდელი არ ოცნებობს გახდეს პოპ-ვარსკვლავი, მაგრამ ამ გზას მისი მეგობრის - ჯეიმზის გამო დაადგება.

ჯეიმზ დაიმონდი (ჯეიმზ მასლოუ)

საკუთარ თავზე შეყვარებული და თვითდაჯერებული ახალგაზრდა, რომლის ოცნებაა გახდეს პოპულარული. კამათის მოგვარებას მხოლოდ ერთი გზით ცდილობს - ყველას არწმუნებს, ისე მოიქცნენ, როგორც მას სურს. ჯგუფის 4 მონაწილისგან ჯეიმზს ყველაზე ამბიციური გეგმები და ოცნებები აქვს. მას სჯერა, რომ წარმატებას მიაღწევს, მაგრამ ასრულდება თუ არა მისი ცხოვრების ოცნება?

ლოგან მიჩელი (ლოგან ჰენდერსონი)

”ბიგ თაიმ რაშის” ყველაზე ჭკვიანი მონაწილე. ყველა კამათის მოგვარებას ლოგანი ლოგიკით და არგუმენტაციით ცდილობს. ამასთან ერთად ის არც მომაბეზრებელი გენიოსია და არც ”ბოტანიკოსი”. უბრალოდ სასაცილო, მხიარული ბიჭია, რომელსაც შეუძლია ცხოვრება სერიოზულად აღიქვას. ყოველ შემთხვევაში ჯგუფის დანარჩენ მონაწილეებზე სერიოზულად. მოსწონს, კამილა და როგორც ჩანს ეს გრძნობა ცალმხრივი არ არის.

კარლოს გარსია (კარლოს პენა)

კეთილი და გახსნილი ბიჭი. მოსწონს როცა სულელობს და გიჟობს. ის ცხოვრებას ისე უყურებს, როგორც დიდ სათამაშო მოედანს. კამათის მოგვარებას მუშტებით ცდილობს, მაგრამ რამდენიმე წუთში ავიწყდება, რატომ იწყებდა ჩხუბს. მეგობრების წრეში ის კლოუნის, მომხიბვლელი სულელის როლს ასრულებს. გიჟდება, როდესაც ჩაფხუტი უკეთია და დარწმუნებულია, რომ ეს ჩაფხუტი მას ნებისმიერი დარტყმისგან დაიცავს.

კეიტი ნაითი (კიარა ბრავო)

კენდელის უმცროსი და. ამჯობინებს სიმართლე ადამიანს პირში უთხრას და ადამიანების გაკრიტიკებას არ ერიდება. უყვარს მბრძანებლობა და ასაკთან შედარებით ძალიან ჭკვიანია. კეიტი ხშირად ეხმარება ბიჭებს სიძნელეების დაძლევაში.

გუსტავო როკი (სტივენ კრამერ გლიკმენი)

”ბიგ თაიმ რაშის” პროდიუსერი. ძალიან ეგოისტი კაცი. მან ერთხელ თქვა: ”პოპ-ვარსკვლავს ძაღლისგანაც შევქმნი!” და ამის გამო ბიჭებს ხშირად უწოდებს ”ლეკვებს” ან ”ძაღლებს”. ის ბიჭების ზურგს უკან აღიარებს, რომ ისინი მართლაც მოსწონს, მაგრამ მათ ძაღლებს იმიტომ უწოდებს, რომ მათ უნდა იცოდნენ ვინ არის მათი ”მწვრთნელი”.

კარლოსი, ჯეიმზი, კენდელი და ლოგანი მას ხშირად უშლიან ნერვებს და მის ჭკუაზე არ დადიან, რაც გუსტავოს საშინლად ამწარებს, მაგრამ ამავდროულად ეს მოსწონს, რადგან ბიჭები სხვებს არ ჰგვანან. ის ცდილობს ”ბიგ თაიმ რაშის” საშუალებით წარმატების მწვერვალზე ავიდეს.

მონაწილეობენ

მსახიობი	პერსონაჟი
კიარა ბრავო	კეტი ნაითი
ტანია ჩისჰოლმი	კელი უენვრაიგი
სტივენ კრამერ გლიკმენი	გუსტავო როკი
ჩალენ კეიტსი	ჯენივერ ”ჯენ” ნაითი
ერინ სანდერსი	კამილა რობერტსი
კეტლინ ტარვერი	ჯო ტეილორი
მეტ რიედი	არტურ გრიფინი

ჯილდოები და ნომინაციები

წელი	ჯილდო	კატეგორია	მიმღები	შედეგი
2010	Australian Kids Choice Awards	ფავორიტი ვარსკვლავი	Big Time Rush	ნომინირებული
2011	Kids Choice Awards	ფავორიტი სატელევიზიო შოუ	Big Time Rush	ნომინირებული
2011	Nickelodeon UK Kids Choice Awards 2011	ფავორიტი სატელევიზიო შოუ	Big Time Rush	ნომინირებული
2011	Kids Choice Awards	ფავორიტი მუსიკალური ჯგუფი	Big Time Rush	ნომინირებული
2011	Nickelodeon UK Kids Choice Awards 2011	ფავორიტი სატელევიზიო შოუ	Big Time Rush	ნომინირებული
2011	Nickelodeon Mexico Big Nick House 2011	ფავორიტი სატელევიზიო შოუ	Big Time Rush	მოგებული
2011	Kids Choice Awards Mexico 2011	ფავორიტი სატელევიზიო შოუ	Big Time Rush	მოგებული
2011	Youth Rocks Awards	საუკეთესო ჯგუფი	Big Time Rush	ნომინირებული
2012	Teen tv Awards	საუკეთესო მუსიკალური ჯგუფი	Big Time Rush	მოგებული
2012	2012 Kids' Choice Awards	საუკეთესო მუსიკალური ჯგუფი	Big Time Rush	მოგებული
2012	Nickelodeon Latinoamérica aNICKversario	ფავორიტი სატელევიზიო შოუ	Big Time Rush	მოგებული

რესურსები ინტერნეტში

• Big Time Rush - სერიალის ოფიციალური საიტი დაარქივებული 2011-07-17 საიტზე Wayback Machine.
• Big Time Rush - ჯგუფის ოფიციალური საიტი დაარქივებული 2011-02-08 საიტზე Archive.isCategory:Webarchive template archiveis links