ძმრის ხე

მასალა ვიკიპედიიდან — თავისუფალი ენციკლოპედია
ძმრის ხე
ძმრის ხე
მეცნიერული კლასიფიკაცია
სამეფო:  მცენარეები
განყოფილება:  ფარულთესლოვნები
ოჯახი:  თუთუბოსებრნი
გვარი:  ძმრის ხე
ლათინური სახელი
Rhus typhina
დაცვის სტატუსი
საჭიროებს ზრუნვას
ყველაზე ნაკლები საფრთხის ქვეშ
IUCN 3.1 Least Concern : 61984086

ძმრის ხე (ლათ. Rhus typhina) — მცენარე თუთუბოსებრთა ოჯახისა. მაღალი ბუჩქი ან პატარა ხეა. სიმაღლე 3-10 მ. კენტფრთისებრი ფოთოლი აქვს, რომელიც შემოდგომაზე წითლდება. ფოთლების სიგრძეა 25-55 სმ. ყვავილი ერთსქესიანია, მომწვანო ყვითელი, თავმოყრილია საგველა ყვავილედში. ყვავილობს აგვისტოში. ნაყოფი წითელი ბუსუსითაა დაფარული.

სამშობლოა ჩრდილოეთი ამერიკის აღმოსავლეთი ნაწილი, უპირველეს ყოვლისა, კანადის სამხრეთი-აღმოსავლეთი და აშშ-ის ჩრდილოეთ-აღმოსავლეთი რეგიონები. დეკორატიული მცენარეა. კულტივირებულია ბაღებსა და პარკებში. ფოთოლი და ქერქი შეიცავს მთრიმლავ ნივთიერებას — ტანინს. ნაყოფი მომჟავოა (სახელიც აქედანაა), მისგან სასმელს აყენებენ.

ლიტერატურა[რედაქტირება | წყაროს რედაქტირება]