შკოდა 15 T

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
Škoda 15T–ს პროექტი
პრაღის #9200 ვაგონის ინტერიერი
Škoda 15T-ს პროტოტიპი
Škoda 15T, #9201 პრაღაში

შკოდა 15 T (სავაჭრო დასახელება For City) შეიქმნა ქ. პლზენის შკოდას ქარხანაში, პრაღის სატრანსპორტო გაერთიანების დაკვეთით 2005–2008 წლებში. ვაგონის კონსტრუქცია შემუშავებულ იქნა შკოდა 14 T-ს ნაკლოვანებათა გათვალისწინებით. ხუთსექციურმა მყარურიკებიანმა შემადგენლობამ პრაღის ქსელში სხვადასხვა შედეგი აჩვენა, პირველ რიგში შემადგენლობის მარჯვენა მხარეზე მაღალი და არათანაბარი დატვირთვა და ამავდროულად მოხვევის რადიუსების უკმარისობა. ამის გამო პრაღის ქსელიდან მიღებულ იქნა დაკვეთა ახალი ტიპის ტრამვაიზე, რომლის „ურიკები“ („ტელეჟკები“) უფრო მეტად მბრუნავი იქნებოდა. ტრამვაი შკოდა 15 T არის სამწევრიანი (სამსექციური) და ეყრდნობა ოთხ მბრუნავ ურიკას, რომელთაგან ორი შემადგენლობის ბოლოებშია განლაგებული, ხოლო ორი–სექციებს შორის, „გარმოშკა“ სახსრების ქვეშ. ასეთი შესახსრული შემადგენლობა ძალიან ჰგავს ტატრა KT8D5, დუვაგ GT8 და ვარიო LF3, თუმცა მისი კონსტრუქცია სრულიად განსხვავებულია. განაპირა სექციების კარნიზის შემოკლებამ და ურიკების ბოლოებში გადანაცვლებამ შესაძლებელი გახადა იატაკის 100% დადაბლება.

შკოდა 15 T პრაღაში[რედაქტირება]

პრაღის ტრამვაის ქსელმა 2005 წელს შეარჩია შკოდა 15 T-ს და ამავე წელს პლზენის შკოდას ქარხანას შეუკვეთა 250 მაღალი ხარისხის შემადგენლობა, რომელთა ჯამური ღირებულება 17 მილიარდი კრონაა. ამ ვაგონის გამოცდა პლზენსა და პრაღაში 2009 წელს მოხდა და ამავე წელს პრაღამ შკოდა 15 T ტიპის ორი შემადგენლობა მიიღო. ასეთი ვაგონებით პრაღის მომარაგება 2018 წლამდე გასტანს.

შკოდა 15 T რიგაში[რედაქტირება]

2008 წლის 23 მაისს რიგას ტრანსპორტის სამმართველომ შკოდასთან გააფორმა კონტრაქტი 20 შკოდა 15 T-ს 1,3 მილიარდ კრონად შესყიდვისა და დამატებით 32 ვაგონის შეკვეთაზე. სამსექციური ვაგონები, რომლებიც რიგასთვის დამზადდება ადაპტირებული იქნება ადგილობრივ კლიმატზე და 1524 მმ. სიგანის ლიანდაგზე. პირველი ვაგონი რიგაში ჩავიდა 2010 წლის 29 მარტს. ოცივე ვაგონს რიგა 2011 წლის მარტამდე მიიღებს.

ტექნიკური მახასიათებლები[რედაქტირება]

  • სიგრძე: 31,4 მ (რიგასთვის 31,6 მ)
  • სიგანე: 2,46 მ (რიგასთვის 2,5 მ)
  • სიმაღლე (přes sběrač) nad TK: 3 600 mm
  • ლიანდაგის სიგანე: 1435 მმ, 1524 მმ
  • ძაბვა: 600 V
  • ცარიელი ვაგონის წონა: 42 ტ
  • საერთო ტევადობა: 210 (5 კაცი m²–ზე)/300 (8 კაცი m²–ზე) / (რიგასთვის 318)
    • დასაჯდომი ადგილები: 61
    • დასადგომი ადგილები: 149/239
  • მოტორების სიმძლავრე: 16 x 45 kW (რიგასთვის 12 x 46,6 kW)
  • მაქს. რეკომენდებული სიჩქარე: 60 კმ/სთ / (რიგასთვის 70 კმ/სთ)
  • მაქსიმალური სიჩქარე: 80 – 100 კმ/სთ
  • მოტორების ჯამური სიმძლავრე: 720 kW (რიგასთვის 559 kW)
  • იატაკის სიმაღლე ლიანდაგიდან: 350/450 მმ
  • მოსახვევის მინიმალური რადიუსი: 18 მ

რესურსები ინტერნეტში[რედაქტირება]

Commons-logo.svg
ვიკისაწყობში? არის გვერდი თემაზე: