შინდისის წმინდა ნიკოლოზის ეკლესია
შინდისის წმინდა ნიკოლოზის ეკლესია — ეკლესია გორის მუნიციპალიტეტის სოფელ შინდისის დასავლეთით, სოფლიდან ორი კოლომეტრის მოშორებით, ნასოფლარ თვალადუბანში. თარიღდება გვიანდელი ფეოდალური ხანით.
ეკლესია დარბაზულია (8 X 5,4 მ), ნაგებია რიყის ქვით, კუთხეებში გამოყენებულია თლილი ქვის ბლოკები. შესასვლელი სამხრეთითაა. ნახევარწრიულ აფსიდში სარკმელია. თითო სარკმელია სამხრეთ და დასავლეთ კედლებში. დარბაზის გრძივ კედლებზე თითო პილასტრია, რომლებსაც ეყრდნობა ცილინდრული კამარის საბჯენი თაღი. აღმოსავლეთ ფასადის სარკმლის თავზე, მოწითალო ქვაზე გამოსახულია რელიეფური ჯვარი. სახურავი ორფერდაა.
ლიტერატურა[რედაქტირება | წყაროს რედაქტირება]
- საქართველოს ისტორიისა და კულტურის ძეგლთა აღწერილობა, ტ. 5, თბ., 1990. — გვ. 120.