შალვა ქსნის ერისთავი

წმინდა ბიძინა, ელიზბარ და შალვა ერისთავები, მ. საბინინი

შალვა ქსნის ერისთავი (გ. 18 სექტემბერი, 1662) — ქსნის საერისთავოს ერისთავი, კახეთის აჯანყების (1659) ერთ-ერთი მეთაური. აჯანყების ჩაქრობის შემდეგ, ქვეყნისთვის მტრის ახალი შემოსევა რომ აეცილებინა, შალვა ქსნის ერისთავი ბიძინა ჩოლოყაშვილთან და ელიზბარ ერისთვისშვილთან ერთად სპარსეთის შაჰს ეახლა. შაჰმა ისინი განჯის ხანს გადასცა, ხოლო განჯის ხანმა კი იმ თურქმენულ ტომებს, რომლებიც კახეთის აჯანყების დროს ამოწყვიტეს. ქართველი გმირები წამებით დახოცეს. ქართულმა ეკლესიამ ისინი წმინდანებად შერაცხა. შალვა ქსნის ერისთავი დაკრძალულია ქსნის ერისთავთა საგვარეულო სამარხში — იკორთის მონასტერში.

ოჯახი

ცოლად ჰყავდა ზაალ არაგვის ერისთავის ასული ქეთევანი, შვილი — დათუნა.

ლიტერატურა

• გვასალია ჯ., ქართული საბჭოთა ენციკლოპედია, ტ. 10, თბ., 1986. — გვ. 677.