შავი ზღვის კამბალა (ლათ.Psetta maeotica) — თევზი კამბალასნაირთა რიგისა. მისი სხეულის სიგრძე 1 მ აღწევს, წონა 15 კგ-ს. გვხვდება 90-100 მ სიღრმეზე. გავრცელებულია ხმელთაშუა, შავ და აზოვის ზღვებში; შედის მდინარეების დნეპრისა და დნესტრის შესართავებში. სქესობრივ სიმწიფეს მამალი აღწევს 5-8 წლისა, ხოლო დედალი — 6-11 წლისა. ტიპური ფსკერული მტაცებელია და მის დამახასიათებელ სანადირო ადგილს ქვიშიანი ფსკერი წარმოადგენს, სადაც ის ეფლობა ქვიშაში და მიახლოებულ მსხვერპლს უეცრად ესხმის თავს. იკვებება მოლუსკებით, კიბოსნაირებით, თევზებით. ძვირფასი სარეწაო თევზია.
.jpg)
