შავი ამური (ლათ.Mylopharyngodon piceus) — თევზი კობრისებრთა ოჯახისა. Mylopharyngodon-ს გვარის ერთადერთი წარმომადგენელი. აქვს წაგრძელებული სხეული. აქვს სქელი ქერცლი. ზურგი თითქმის შავია, მუცელი შედარებით ღია. გავრცელებულია ამურის აუზში. სხეულის სიგრძე 120 სმ-მდე აღწევს, წონა — 30 კგ-მდე. ტოფობს ივნის-ივლისში. იკვებება მოლუსკებით. ძვირფასი თევზია, მცირერიცხოვანია, რის გამოც არ აქვს სარეწაო მნიშვნელობა.