ქუჩულა

ქუჩულა (ლათ. Strychnos nux-vomica) — ტანდაბალი (15 მეტრამდე სიმაღლის) ხე ლოგანიასებრთა ოჯახისა. იზრდება აზიასა და ჩრდილოეთ ავსტრალიის ტროპიკულ ტყეებში. თესლი (ძირითადად), მერქანი და ქერქი შეიცავს შხამიან ალკალოიდებს — სტრიქნინს, რომელსაც მედიცინასა და ვეტერინარიაში იყენებენ, ბრუცინს და სხვ. მისი და ბევრი მასთან ახლომდგომი სახეობის ფესვები და ნორჩი ყლორტები შეიცავს ალკალოიდს კურარინს, რომლისგანაც იღებენ ძლიერ მცენარეულ შხამს — კურარეს (სამხრეთ ამერიკის ინდიელები მრავალი საუკუნის მანძილზე ხმარობდნენ ისრების მოსაშხამად).

ლიტერატურა

• ქართული საბჭოთა ენციკლოპედია, ტ. 10, გვ. 578, თბ., 1986 წელი.