ქრისტესბეჭედა

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
ქრისტესბეჭედა

ქრისტესბეჭედა (ლათ. Sanicula) — ბალახოვან მცენარეთა გვარი ქოლგოსანთა ოჯახისა. აერთიანებს 50-მდე სახეობას, რომლებიც გავრცელებულია ყველგან, გარდა არქტიკისა და ავსტრალიისა. ყოფილ საბჭოეთის ტერიტორიაზე მხოლოდ 3 სახეობა იზრდება, აქედან 1 კავკასიასა და საქართველოში (Sanicula europaea). ქრისტებეჭედას ყველა სახეობა ფართო ფოთლოვანი ტყეების კომპონენტია, უფრო ხშირად წიფლნარში გვხვდება. ქრისტესბეჭედას პოლიგამური, მარტივ ქოლგებად შეკრებილი ყვავილები აქვს; ქოლგის პერიფერიაზე მოკლეყუნწიანი, მტვრიანიანი ყვავილებია, ცენტრში — ორსქესიანი და მჯდომარე. სფეროსებრი ნაყოფი სქლადმოფენილია კაუჭისებრი ჯაგრებით.

ქართული ქრისტესბეჭედა

ლიტერატურა[რედაქტირება]

  • ქართული საბჭოთა ენციკლოპედია, ტ. 10, გვ. 554, თბ., 1986 წელი.