ფუძიამა

თავისუფალი ქართულენოვანი ენციკლოპედია ვიკიპედიიდან
(გადამისამართდა გვერდიდან ფუჯის მთა)
გადასვლა: ნავიგაცია, ძიება

ფუჯი
富士山

ფუჯი 富士山
მთა ფუჯი განთიადზე ტბა კავაგუჩიდან

კოორდინატები: 35°22′ ჩ. გ. 138°44′ ა. გ. / 35.367° ჩ. გ. 138.733° ა. გ. / 35.367; 138.733

მდებარეობა ჰონსიუ, იაპონია
სიმაღლე 3.776 მ
ტიპი სტრატოვულკანი (მძინარე)
ბოლო ამოფრქვევა 1707
პირველი ასვლა 663 უცნობი მღვდელი

ფუძიამა მდებარეობა იაპონია

Mountain sign.svg

მთა ფუძი, ან რომაჯის მიხედვით აგრეთვე ფუჯის მთა (იაპ. 富士山 [ɸɯʥisaɴ]) — ყველაზე მაღალი მთა იაპონიაში. ზღვის დონიდან მისი სიმაღლე 3776 მეტრია და მდებარეობს ქვეყნის მთავარ კუნძულ ჰონსიუზე (რომაჯით [Honshū] ჰონშუ ) ტოკიოს ჩრდილოეთით, იამანაშისა და შიზუოკას პრეფექტურების საზღვარზე.

ფუძის მთა წარმოადგენს იაპონიის ერთ-ერთი მთავარ ეროვნულ სიმბოლოს.

ეტიმოლოგია[რედაქტირება]

კაცუშიკა: ფუძიზე დამდგარი ურჩხული (ნახატი)

თანამედროვე იაპონური დამწერლობით, ფუჯი შედგება შემდეგი კანჯისაგან (ჶუ, უხვი, მდიდარი), (ძი, მეომარი, მებრძოლი) და (სან, მთა), მაგრამ სავარაუდოდ პირველი ორი ნიშანი მხოლოდ იმიტომ შეარჩიეს, რომ მათი წარმოთქმა სიტყვა მთის წარმოთქმას ედრება.

სახელის წარმოშობა უცნობია. მისი წარმოშობის შესახებ არსებობს მრავალი ლეგენდა თუ ვარაუდი, მაგალითად ამგვარი; 不尽 (ჶუჯინ, უსასრულო, უსრულო). იაპონელმა ონომასიოლოგმა კანჯი კაგამიმ თეზა წამოაყენა, რომ მთის სახელს იგივე ფუძე აქვს, როგორც ყვავილს გლიცინიას და ცისარტყელას (იაპონურად ნიჯი ან / თუ ფუჯი) და მისი (მთის) „გრძივი და თანაბარი კალთებისაგან“ მომდინარეობს. [1] [2] [3] [4]

„ფუძისან“, „ფუძიამა“ თუ „ფუჯიამა“?[რედაქტირება]

„ფუძისან“, „ფუძიამა“, „ფუჯიამა“ — ამ ფორმათა ფონეტიკურად უფრო მიახლოებული გადმოცემა შეიძლება შემდეგნიარად; „φუჯისან“, „φუჯიჲამა“ და „φუძიჲამა“.

დასავლეთში ხშირად არასწორად გამოიყენება სახელი „ფუძიამა“ (Fujiyama), რაც ნიშან „-ის“ (მთა) მცდარი წაკითხვითაა გამოწვეული. ეს ნიშანი კუნიომის მიხედვით კი წამოითქმის, როგორც -ჲამა, მაგრამ კომპოზიტებში იგი წესითა და რიგით, ონიომის მიხედვით უნდა წავიკითხოთ, როგორც -სან.

მაშასადამე; იაპონელთა ამ ერთ-ერთი მთავარი ეროვნული სიმბოლოს სახელის მართებული ფორმა იაპონურად არის „ფუძი-სან“-ი, ანუ ქართულად ფუძის მთა.

ზოგიერთი იაპონოლოგის მოსაზრებით სჯობდა მონბლანისა და ჯომოლუნგმას დარად ფუძის მთასაც ფუძისანი რქმეოდა.

რომაჯი ვერსუს პოლივანოვის სისტემა[რედაქტირება]

არსებული სტატიის თავდაპირველ ვარიანტში იაპონური სახელების ქართულად გადმოტანისას კრიტერიუმი იყო არა ტრანსკრიბირების რუსული ტრადიცია, არამედ რომაჯი ( ローマ字 ), რომელიც წარმოადგენს იაპონურ სიტყვების სხვა, ლათინურანბანოვან ენებზე გადატანის საერთაშორისო სტანდარტს, შესაბამისად სტატიის თავდაპირველი ვარიანტი ემხრობოდა არა უკვე დამკვიდრებულ ფუის, არამედ ფორმა ფუის დამკვიდრებას.

სქოლიო[რედაქტირება]

  1. 富士山の名前の由来
  2. 富士山 - 知泉Wiki
  3. 地名・富士山の意味
  4. 富士山アイヌ語語源説について