ფლორენტინო პერესი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
ფლორენტინო პერეს
როდრიგესი
Florentino perez.jpg

დაიბადა 1947 წლის, 8 მარტს
მადრიდში, ესპანთი
განათლება მადრიდის ტექნიკური უნივერსიტეტი
ინჟინერ-მშენებელი
საქმიანობა ბიზნესმენი, სკ მადრიდის რეალის პრეზიდენტი
მშობლიური ქალაქი მადრიდი
ტიტული კლუბის პრეზიდენტი
სუფთა ღირებ. Increase2.svg $1.9 მილიარდი
მეუღლე მარია ანხელეს „პიტინა“ სანდოვალი
შვილები ფლორენტინო პერეს სანდოვალი
ედუარდო პერეს სანდოვალი
მარია ანხელეს პერსეს სანდოვალი

ფლორენტინო პერეს როდრიგესი (ესპ. Florentino Pérez Rodríguez) — ესპანელი ბიზნესმენი, განათლებით ინჟინერ-მშენებელი, ყოფილი პოლიტიკოსი და ამჟამად საფეხბურთო და საკალათბურთო კლუბ მადრიდის რეალის პრეზიდენტი.

ბიოგრაფია[რედაქტირება]

ფლორენტინო პერეს როდრიგესი დაიბადა 1947 წლის 8 მარტს ქალაქ მადრიდში. უმაღლესი განათლება მადრიდის ტექნიკურ უნივერსიტეტში მიიღო სპეციალობით გზების, არხების და პორტების ინჟინერი. მალევე იმავე უნივერსიტეტში მასწავლებლად დაიწყო მუშაობა.
25 წლისამ მეგობართან ერთად გახსნა გამომცემლობა სადაც იბეჭდებოდა «დასვენების ცნობარი» (ესპ. «Guía del ocio»). ამის შემდეგ მას არაერთი მნიშვნელოვანი თანამდებობა ეკავა, რომელთა შორის შეიძლება აღინიშნოს: ესპანეთის გზების ასოციაციის დირექტორობა(1973-1976), მადრიდის მერიის გარემოს დაცვაზე მომუშავე კომისიის თავმჯდომარეობა (1976-1979).
1993 წელს გახდა სამშენებლო კომპანია ОСР-ის პრეზიდენტი.

სამეფო კლუბი[რედაქტირება]

პირველი ვადა[რედაქტირება]

1995 წელს მან თავისი კანდიდატურა მადრიდის რეალის პრეზიდენტობაზე წამოაყენა, მაგრამ 17 თებერვლის არჩევნებზე 698 ხმის სხვაობით დამარცხდა კლუბის იმჟამინდელ პრეზიდენტ რამონ მენდოსასთან. 2000 წლის 17 ივლისს ახდა პერესის დიდიხნის ოცნება და ის გახდა რეალის თავკაცი. მან 3167 ხმის უპირატესობით დაამარცხა თავისი მეტოქე ლორენს სანსომი. კლუბის პრეზიდენტობის დროს მან არა ერთ სკანდალში გაერია. განსაკუთრებული აჟიოტაჟი და მითქმა-მოთმა გამოიწვია პერესის მიერ ძვირადღირებული სპორტსმენების შეძენამ, მიუხედავად ამისა 2004 წელს მან განმეორებით გაიმარჯვა „სამეფო კლუბის“ არჩევნებში.


სკანდალები და გადადგომა[რედაქტირება]

2006 წელს ესპანეთში განხილვის მთავარ საგნად იქცა მადრიდის „რეალის“ პრეზიდენტის ფლორენტინო პერესის პოსტიდან გადადგომა. ექვსი წლის მანძილზე პერესი უზარმაზარ ფინასურ რესურსებს ხარჯავდა მსოფლიო დონის ვარსკვლავების შესაძენად და ასეთი მეთოდით მას სურდა რეალის მსოფლიო გუნდად ჩამოყალიბება. საბოლოოდ ზედიზედ სამ სეზონში გუნდის წარუმატებლობის გამო და განსაკუთრებით 2006 წელს ორი მტკივნეული მარცხის გამო (ჩემპიონთა ლიგის 1/8 ფინალში საკუთარ მოედანზე რეალი - არსენალი 1-0 და ესპანეთის ჩემპიონატი რეალი - მალიორკა 1-2) „გალაქტიკოსის“ შემქმნელი იძულებული გახდა თანამდებობა დაეტოვებინა. გადადგომის მიზეზად მმართველი საბჭოს შეხვედრაზე პერესმა ექიმების რეკომენდაცია დაასახელა.

გუნდი საჭიროებს სასწრაფო რეფორმებს და ეს რეფორმები პირველ რიგში ჩემგან უნდა დაიწყოს. ჩვენ ჩამოვაყალიბეთ შესანიშნავი კოლექტივი, მაგრამ რაღაც მომენტში მან გუნდურობის სული დაკარგა. შეიძლება სწორედ მე ვარ დამნაშავე ამაში, შეიძლება მე შევაჩვიე მოთამაშეებს არასწორ რაღაცებს. დაე მე გავხდე ის საცობი რომლის ამოვარდნის შემდეგ ბოთლი წნევისგან განთავისუფლდება. მოკლედ მე მივდივარ[1]

მეორე ვადა[რედაქტირება]

2009 წლის 1 ივნისს ფლორენტინო პერესი უალტერნატივოდ(ყველა კონკურენტმა მოხსნა თავისი კანდიდატურა) ისევ გახდა „სამეფო კლუბის“ პრეზიდენტი. მან თავის პოლიტიკას მე-2 ვადაშიც არ უღალატა და პრეზიდენტად განმეორებით დანიშვნიდან რამდენიმე კვირაში ორი ხმაურიანი ტრანსფერი განახორციელა — შეიძინა კაკა და კრიშტიანუ რონალდუ.

პერესის განხორციელებული ტრანსფერები[რედაქტირება]

ხარისხი მოთამაშე კლუბი შეძენამდე ტრანსფერის საფასური
(GBP მილიონი)
ტრანსფერის საფასური
(EUR მილიონი)
ტრანსფერის საფასური
(GEL მილიონი)
წელი
1. პორტუგალიის დროშა კრიშტიანუ რონალდუ ინგლისის დროშა მანჩესტერ იუნაიტედი 80.0 94.0 137.6 2009
2. ბრაზილიის დროშა კაკა იტალიის დროშა მილანი 56.8 65.8 137.6 2009
3. საფრანგეთის დროშა ზინედინ ზიდანი იტალიის დროშა იუვენტუსი 46.0 76.0 163.4 2001
4. პორტუგალიის დროშა ლუიშ ფიგუ ესპანეთის დროშა ბარსელონა 37.0 58.5 125.8 2000
5. ბრაზილიის დროშა რონალდო იტალიის დროშა ინტერი 28.5 43.0 92.4 2002
6. ინგლისის დროშა დევიდ ბექჰემი ინგლისის დროშა მანჩესტერ იუნაიტედი 24.5 35.1 75.5 2003
7. საფრანგეთის დროშა ქარიმ ბენზემა საფრანგეთის დროშა ლიონი 30.0 35.0 75.2 2009
8. ესპანეთის დროშა ჩაბი ალონსო ინგლისის დროშა ლივერპული 30.0 35.4 76.1 2009
9. ესპანეთის დროშა სერხიო რამოსი ესპანეთის დროშა სევილია 18.6 27.0 58.1 2005
10. არგენტინის დროშა ანხელ დი მარია პორტუგალიის დროშა ბენფიკა 20.5 25.0 53.8 2010
11. არგენტინის დროშა ვალტერ სამუელი იტალიის დროშა რომა 16.8 25.0 53.8 2004
12. ბრაზილიის დროშა რობინიო ბრაზილიის დროშა სანტოსი 16.5 24.0 51.6 2005
13. ბრაზილიის დროშა ხულიო ბაფტისტა ესპანეთის დროშა სევილია 13.8 20.0 43.0 2005
14. ინგლისის დროშა ჯონათან ვუდგეითი ინგლისის დროშა ნიუკასლ იუნაიტედი 13.4 19.8 42.6 2004
15. ესპანეთის დროშა რაულ ალბიოლი ესპანეთის დროშა ვალენსია 12.8 15.0 32.3 2009
16. გერმანიის დროშა მესუტ ოზილი გერმანიის დროშა ბრემენის ვერდერი 12.3 15.0 32.3 2010
17. გერმანიის დროშა სამი კედირა გერმანიის დროშა შტუტგარტი 11.4 14.0 30.1 2010
18. საფრანგეთის დროშა კლაუდ მაკელელე ესპანეთის დროშა სელტა 9.1 14.0 30.1 2000
19. ინგლისის დროშა მაიკლ ოუენი ინგლისის დროშა ლივერპული 8.0 11.9 25.6 2004
20. ესპანეთის დროშა პედრო ლეონი ესპანეთის დროშა ხეტაფე 8.0 10.0 21.5 2010
21. პორტუგალიის დროშა რიკარდო კარვალიო ინგლისის დროშა ჩელსი 6.5 8.0 17.2 2010
22. იტალიის დროშა ანტონიო კასანო იტალიის დროშა რომა 3.8 5.5 11.8 2006
23. ესპანეთის დროშა სერხიო კანალესი ესპანეთის დროშა რესინგ სანტანდერი(საფეხბურთო კლუბი) 3.8 4.5 9.7 2010
24. ესპანეთის დროშა ესტებან გრანერო ესპანეთის დროშა ხეტაფე 3.4 4.0 8.6 2009
25. ესპანეთის დროშა ალვარო არბელოა ინგლისის დროშა ლივერპული 3.0 4.0 8.6 2009
26. ურუგვაის დროშა პაბლო გარსია ესპანეთის დროშა ოსასუნა 2.7 4.0 8.6 2005
27. დანიის დროშა ტომას გრავესენი ინგლისის დროშა ევერტონი 2.5 3.6 7.7 2005


სქოლიო[რედაქტირება]

  1. ეს განცხადება მან 2006 წლის 17 თებერვალს მმართველი საბჭოს წინაშე სითყვით გამოსვლისას გააკეთა