ფილიპე II (ესპანეთი)

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
ფილიპე II
Felipe II
King PhilipII of Spain.jpg
ესპანეთის მეფე
მმართ. დასაწყისი: 16 იანვარი 1556
მმართ. დასასრული: 13 სექტემბერი 1598
წინამორბედი: ტიტული დააწესა კარლ V
მემკვიდრე: ფილიპე III
პორტუგალიის და ალგარვის მეფე
მმართ. დასაწყისი: 25 მარტი 1581
მმართ. დასასრული: 13 სექტემბერი 1598
წინამორბედი: ენრიკე I
მემკვიდრე: ფილიპე III
პირადი ცხოვრება
დაბ. თარიღი: 21 მაისი 1527
დაბ. ადგილი: ვალიადოლიდი, ესპანეთი
გარდ. თარიღი: 13 სექტემბერი 1598
გარდ. ადგილი: ესკორიალი
მეუღლე: 1. მარია პორტუგალიელი
2. მერი I
3. იზაბელა ვალუა
4. ანა ავსტრიელი
შვილები: დონ კარლოსი
იზაბელა კლარა ევგენია
კატალინა მაკაელა ავსტრიელი
ფილიპე III
დინასტია: ჰაბსბურგები
მამა: კარლ V
დედა: ისაბელ პორტუგალიელი
ხელმოწერა: Firma del Rey Felipe II.svg

ფილიპე II (ესპ. Felipe II de Habsburgo; პორტ. Filipe I; გერმ. Philipp II; ნიდერლ. Filips II; იტალ. Filippo II; დ. 21 მაისი, 1527, ვალიადოლიდი13 სექტემბერი 1598, ესკორიალი) — ესპანეთის მეფე 1556-1598 წწ. ჰაბსბურგთა დინასტიიდან იმპერატორ კარლ V-ის ერთადერთი კანონიერი ვაჟი. ტახტზე ავიდა მამამისის კარლ V-ის გადადგომის შემდეგ, რომელმაც ტავისი იმპერია შვილებს გაუყო. ფილიპე II-მ მიიღო ესპანეთი, ორივე სიცილიის სამეფო, ნიდერლანდი, ფრანშ-კონტე, მილანი, სამფლობელოები ამერიკასა და აფრიკაში და იგი იყო:

განამტკიცა აბსოლუტიზმი. არაგონს, კასტილიას, კატალონიას ჩამოართვა ფუეროსები, გაზარდა ბიუროკრატიული აპარატი. იყო ფანატიკოსი კათოლიკე. დევნიდა მორისკებს. გაააძლიერა ფეოდალური ჩაგვრა ნიდერლანდში, რითაც დააჩქარა ნიდერლანდის რევოლუცია. 1581 წელს თავის სამფლობელოებს შემოუერთა პორტუგალია. 1588 წელს „უძლეველი არმადის“ დაღუპვამ ძირი გამოუთხარა ესპანეთის საზღვაო ძლიერებას. ფილიპე II სამხედრო დახმარებას უწევდა ფრანგ კათოლიკეებს რელიგიური ომების დროს. 1595 წელს პარიზში ესპანეთის გარნიზონი შევიდა. 1595 წლის ივნისში ანრი ნავარელმა ფონტენ-ფრანსეზთან დაამარცხა ესპანეთის ჯარები და ფილიპე II იძულებული გახდა საფრანგეთის მეფე ანრი IV ეცნო. ესპანეთის ჯარები საფრანგეთიდან განდევნეს. გაუთავებელი ომები დიდ სახსრებს მოითხოვდა. ფილიპე II-მ გაზარდა გადასახადები, მათ შორის ალკაბალაც. სახელმწიფო დეფიციტის მოსაგვარებლად ართმევდა ამერიკიდან შემოტანილ ოქროს, ვერცხლს. 1557, 1575 და 1598 წელს სახელმწიფო გაკოტრებულად გამოაცხადა.

ლიტერატურა[რედაქტირება]