მასალა ვიკიპედიიდან — თავისუფალი ენციკლოპედია
ფარფლწითელა (ლათ. Scardinius erythrophthalmus) — მტკნარი წყლის თევზი კობრისებრთა ოჯახისა. მისი სხეულის სიგრძე 36 სმ-ს, მასა — 1 კგ აღწევს. აქვს მაღალი, გვერდებიდან შებრტყელებული სხეული, წითელი ფარფლები. გავრცელებულია ევროპასა და აზიაში. საქართველოში გვხვდება დასავლეთ საქართველოს წყალმცენარეებით მდიდარ მტკნარ წყლებში, სადაც სიმცირის გამო სარეწაო მნიშვნელობა არ აქვს. მისი სარეწაო მოპოვება ხდება ვოლგა-კასპიის რაიონში, დნეპრის დელტაში, შუა აზიაში და სხვ. იყენებენ ნედლს, დამარილებულს და შებოლილს. ხელოვნურად არის შეყვანილი: ირლანდიაში, ნორვეგიაში, ესპანეთში, მაროკოში, ტუნისში, მადაგასკარში, ახალ ზელანდიაში, აშშ-ში, კანადაში. ცოცხლობს 10 წლამდე.[1] ახალ ზელანდიაში ფარფლწითელა უკანონოდ შეიყვანეს 1960-იან წლებში და ფართოდ გავრცელდა მთელი ქვეყნის ფარგლებში. აქ იგი მიჩნეულია მავნე თევზად, რადგან ანადგურებს სხვა ჯიშის თევზებს,[1] აგრეთვე ადგილობრივ ეკოსისტემას.[2]
