ფარადა

ფარადა
სტანდარტი:	SI სისტემის წარმოებული ერთეული.
სიდიდე:	ელექტრული ტევადობა.
სიმბოლო (ქართ):	ფ
სიმბოლო (საერთ):	F
ეწოდა სახელი:	მაიკლ ფარადეი
ექვივალენტი:	1 ფ =
SI სისტემის საბაზისო ერთ.	1 წმ4 ა2 კგ-1 მ-2
გაუსის ერთეულებში	10-9 c2სმ

სხვადასხვა ტიპის კონდენსატორი.

1 ფარადა ტევადობის კონდენსატორი.

ფარადა (ქართული შემოკლება ფ, საერთაშორისო F) SI სისტემაში არის ტევადობის ერთეული. მას სახელი ეწოდა ინგლისელი ფიზიკოსის მაიკლ ფარადეის პატივსაცემად.

განმარტება

1 ფარადა არის ისეთი კონდენსატორის ტევადობა, რომელზედაც 1 კულონი მუხტის მოთავსებისას შემონაფენებს შორის ძაბვა იქნება 1 ვოლტი. 1 კულონი არის 1 ამპერი წამში. სხვა ერთეულებით ფარადა ასე გამოისახება:

$\mbox{F} = \,\mathrm \frac{A \cdot s}{V} = \dfrac{\mbox{J}}{\mbox{V}^2} = \dfrac{\mbox{W} \cdot \mbox{s}}{\mbox{V}^2} = \dfrac{\mbox{C}}{\mbox{V}} = \dfrac{\mbox{C}^2}{\mbox{J}} = \dfrac{\mbox{C}^2}{\mbox{N} \cdot \mbox{m}} = \dfrac{\mbox{s}^2 \cdot \mbox{C}^2}{\mbox{m}^{2} \cdot \mbox{kg}} = \dfrac{\mbox{s}^4 \cdot \mbox{A}^2}{\mbox{m}^{2} \cdot \mbox{kg}} = \dfrac{\mbox{s}}{\Omega}$

ფარადა საკმაოდ დიდი ერთეულია. ელექტროტექნიკაში უმეტესად გამოიყენება კონდენსატორები, რომელთა ტევადობა მიკროფარადებში, ნანოფარადებში და პიკოფარადებში გამოისახება.