უეფა ევრო 2008: ფინალი

ვიკიპედიიდან

უეფა ევრო 2008–ის ფინალი გაიმართა 2008 წლის 29 ივნისს ერნსთ–ჰაპელის სტადიონზე, ვენაში, ავსტრია და გამოვლინდა უეფა ევრო 2008–ის გამარჯვებული, ესპანეთი

ევროპის 2008 წლის საფეხბურთო ევროპის ჩემპიონატის ფინალურ მატჩში ესპანეთის ნაკრებმა გერმანიის ეროვნულ ნაკრები 1:0 დაამარცხა და 1964 წელს მოგებული ფინალის შემდეგ, ჩემპიონობა მეორედ იზეიმა.

ლუის არაგონესის გუნდის ფეხბურთელების წარმატება მით უფრო დასაფასებელია, რომ მათ მთელი ტურნირი დაუმარცხებლად განვლეს, ეს კი 1984 წლის ჩემპიონატის შემდეგ, როდესაც ტრიუმფს საფრანგეთმა მიაღწია, პირველად მოხდა.

ესპანეთის ნაკრებმა ჯგუფში რუსეთს, შვედეთსა და საბერძნეთს აჯობა, ფინალამდე კი გზიდან იტალია და იგივე რუსეთი ჩამოიტოვა. მათი უპირატესობა ევრო-2008-ს ფინალურ მატჩშიც აშკარა გახლდათ, როდესაც მათ გერმანიის ეროვნულ გუნდს აშკარად აჯობეს. გერმანიამ ასე რომ ვთქვათ, ვერცერთი საგოლე მომენტი ვერ შექმნა

ჩემპიონატის ბომბარდირ, დავიდ ვილიას არყოფნაში, არაგონესმა ერთადერთ გამოკვეთილ ფორვარდად ფერნანდო ტორესი გაამწესა, თუმცა, ამით ესპანელთა შეტევებს სიმწვავე ნამდვილად არ დაჰკლებია. იგი თანაგუნდელთა ლამის ყველა პასს იმორჩილებდა და არცთუ დამაჯერებლად მოთამაშე გერმანელი მცველები მუდმივ დაძაბულობაში ჰყავდა.

მოგვიანებით ფინალის საუკეთესო მოთამაშედ დასახალებული ტორესის დაუცხრომლობამ შედეგი მატჩის 33-ე წუთზე გამოიღო, როდესაც მან ლამი უკან მოიტოვა, შემდეგ კი აშკარად დაუფიქრებლად გამოსულ ლემანსაც აჯობა და ბურთი კარში გადაგზავნა.

ყველანაირი ლოგიკით, გოლის შემდეგ ლიოვის ფეხბურთელებს უფრო აქტიური თამაში უნდა გაეჩაღებინათ, თუმცა, გერმანიამ ეს ვერ შეძლო. მე-2 ტაიმის დასაწყისში ისინი ტერიტორიულ უპირატესობას კი დაეუფლნენ, თუმცა კასილასის კარამდე მიახლოება ძველებურად უჭირდათ.

ტრავმირებული ბალაკი საკუთარ თავს არ ჰგავდა, ჰიცლშპერგერისა და ფრინგსის მონდომება კი იმისთვის საკმარისი არ აღმოჩნდა, რომ შედარებით აქტიური შვაინშტაიგერისთვის მხარი აებათ. ამის ფონზე ხავისა და ინიესტას კომბინაციური თამაშის ხილვა ერთ რამედ ღირდა. კვლავაც ჩინებულად გამოიყურებოდა ნახევარმცველი მარკოს სენა, რომელმაც ფინალშიც უდიდესი სამუშაო გასწია და პირველი ბრაზილიელი ფეხბურთელი გახდა, რომელმაც ევროპის ჩემპიონობა იზეიმა.

ალბათ, ორიოდ სიტყვა მცველ სერხიო რამოსზეც უნდა ვთქვათ, ვინაც, საერთო ჯამში, ალბათ, საკუთართან შედარებით, მეტოქის საჯარიმოში უფრო ბევრი დრო დაჰყო და საკუთარი აქტიურობის წყალობით, მარჯვენა ფლანგიდან არაერთი ხიფათი შექმნა.

ამგვარად, 44 წლის განმავლობაში ევროპის საუკეთესო ტიტულს დანატრებულმა ესპანეთის ნაკრებმა სანატრელი ჯილდო მოიპოვა და მილიონობით გულშემატკივარს დაუვიწყარი სიხარული აჩუქა.^[1]

[რედაქტირება] თამაშის დეტალები

29 ივნისი 22:45
	გერმანია	0 –1	ესპანეთი	ერნსთ–ჰაპელის სტადიონი, ვენა მაყურებელი: 51,428 მსაჯი: რობერტო როსეტი
			ტორესი 33'





გერმანია





ესპანეთი


გერმანია:
GK	1	იენს ლემანი
RB	3	არნე ფრიდრიხი
CB	17	პერ მერტეზაკერი
CB	21	კრისტოფ მეტცელდერი
LB	16	ფილიპ ლამი		46'
CM	8	ტორსტენ ფრინქსი
CM	15	ტომას ჰიცლშპერგერი		58'
RW	7	ბასტიან შვაინშტაიგერი
AM	13	მიხაელ ბალაკი (კაპ.)	43'
LW	20	ლუკას პოდოლსკი
CF	11	მიროსლავ კლოზე		79'
შეცვლები:
DF	2	მარსელ იენსენი		46'
FW	22	კევინ კურანი	88'	58'
FW	9	არიო გომესი		79'
მწვრთნელი:
იოახიმ ლიოვი


ესპანეთი:
GK	1	იკერ კასილასი (კაპ.)	43'
RB	15	სერხიო რამოსი
CB	4	კარლოს მარჩენა
CB	5	კარლეს პუიოლი
LB	11	ხოან კაპდევილა
DM	19	მარკოს სენა
RM	6	ანდრეს ინიესტა
CM	8	ხავი
CM	10	ფრანსესკ ფაბრეგასი		63'
LM	21	დავიდ სილვა		66'
CF	9	ფერნანდო ტორესი	74'	78'
შეცვლები:
MF	14	ხაბი ალონსო		63'
MF	12	სანტი კაზორლა		66'
FW	17	დანი გუისა		78'
მწვრთნელი:
ლუის არაგონესი

საუკეთესო მოთამაშე:
ფერნანდო ტორესი

დამხმარე მსაჯები:
ალესანდრო გრისელი
პაოლო კალკანიო
მეოთხე მსაჯი:
პიტერ ფროიდფელდტი

[რედაქტირება] სტატისტიკა

პირველი ტაიმი

	გერმანია	ესპანეთი
გასული გოლები	0	1
საერთო დარტყმები	2	6
კარში დარტყმები	1	3
ბურთის ფლობა	48%	52%
კუთხურები	4	3
თამაშის დარღვევები	10	9
თამაშგარეები	0	2
ყვითელი ბარათები	1	1
წითელი ბარათები	0	0

მეორე ტაიმი

	გერმანია	ესპანეთი
გასული გოლები	0	0
საერთო დარტყმები	2	7
კარში დარტყმები	0	4
ბურთის ფლობა	54%	46%
კუთხურები	0	4
თამაშის დარღვევები	12	10
თამაშგარეები	5	2
ყვითელი ბარათები	1	1
წითელი ბარათები	0	0

საერთო

	გერმანია	ესპანეთი
გასული გოლები	0	1
საერთო დარტყმები	4	13
კარში დარტყმები	1	7
ბურთის ფლობა	52%	48%
კუთხურები	4	7
თამაშის დარღვევები	22	19
თამაშგარეებიs	5	4
ყვითელი ბარათები	2	2
წითელი ბარათები	0	0