უაიკატოს რეგიონი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
უაიკატოს რეგიონი
Waikato Region
ქვეყანა ახალი ზელანდიის დროშა ახალი ზელანდია
სტატუსი რეგიონი
ადმინისტრაციული ცენტრი ჰამილტონი
მოსახლეობა (2011) 413 100 კაცი
ფართობი 25 000 კმ²
უაიკატოს რეგიონი რუკაზე
ოფიციალური საიტი
Commons-logo.svg ვიკისაწყობში Waikato Region

უაიკატო (ინგლ. Waikato) — ახალი ზელანდიის ერთ-ერთი რეგიონი ჩრდილოეთ კუნძულის ზემო ნაწილში. მოიცავს უაიკატოს, ჰაურაკის ვაკეებს, კორომანდელის ნახევარკუნძულს, ტაუპოს რაიონის დიდ ნაწილსა და როტორუის რაიონს.[1] იმართება უაიკატოს რეგიონული საბჭოს მიერ.

გადაჭიმულია კორომანდელის ნახევარკუნძულიდან (ჩრდილოეთით) სამხრეთით, რუაპეჰუს მთის ჩრდილო-აღმოსავლეთ კალთებისაკენ. ვრცელდება ჩრდილოეთ კუნძულის დასავლეთ სანაპირომდე. შეიძლება ითქვას, რომ რეგიონი განფენილია მდინარე უაიკატოს აუზში. ჩრდილოეთით ესაზღვრება ოკლენდის რეგიონი, აღმოსავლეთით — პლენტის ყურე, სამხრეთ-აღმოსავლეთით — ჰოკს-ბეის რეგიონი, სამხრეთით კი მანავატუ-უანგანუისა და ტარანაკის რეგიონები. როგორც ფართობით, ისე მოსახლეობით უაიკატო ქვეყნის სიდიდით მეოთხე რეგიონია.[2] ფართობი 25 000 კმ²-ს შეადგენს, მოსახლეობა 413 100 ადამიანს (2011).

სახელწოდება მომდინარეობს მდინარე უაიკატოსგან, რაც მაორის ენაზე „მიმდინარე წყალს“ ნიშნავს.[3]

უმსხვილესი ქალაქია ჰამილტონი, 206,400 მოსახლით. აქ ფუნქციონირებს უაიკატოს უნივერსიტეტი.

ეკონომიკა[რედაქტირება]

უაიკატოს რეგიონის ეკონომიკა მეოთხე უდიდესია ახალი ზელანდიის რეგიონებს შორის. 2007 წლის მარტში მთლიანი რეგიონული პროდუქტი $15 606 მლნ-ს შეადგენდა.

ხელსაყრელი გეოგრაფიული მდებარეობისა და კლიმატის წყალობით, უაიკატოს ეკონომიკა დიდადაა დამოკიდებული სოფლის მეურნეობაზე.

იხილეთ აგრეთვე[რედაქტირება]

რესურსები ინტერნეტში[რედაქტირება]

სქოლიო[რედაქტირება]

  1. Swarbrick, Nancy. (3 June 2010)Waikato region – Overview. Te Ara – the Encyclopedia of New Zealand. წაკითხვის თარიღი: 10 July 2011.
  2. About the Waikato region. Waikato Regional Council. წაკითხვის თარიღი: 2011-05-11.
  3. Royal, Te Ahukaramū Charles. (3 May 2010)Waikato tribes – Waikato landmarks. Te Ara – the Encyclopedia of New Zealand. წაკითხვის თარიღი: 10 July 2011.