ტოპოგრაფიული რუკა

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება

ტოპოგრაფიული რუკა — მსხვილმასშტაბიანი ზოგადი გეოგრაფიული რუკა, რომელზეც დეტალურად არის გამოსახული ადგილის ბუნებრივი და სოციალურ-ეკონომიკური ობიექტები მათთვის დამახასიათებელი თვისებრივი და ოდენობრივი მაჩვენებლებით.[1] სხვაგვარად, დონებრივ ზედაპირზე დაგეგმილებული ადგილის შემცირებული გამოსახულება ქაღალდზე, რომელზედაც აღნიშნულია წვლილადების კონტურები და რელიეფი.[2] ტოპოგრაფიულ რუკაზე აისახება ტერიტორიის რელიეფი, მდინარეები, ხევები, რელიეფის სიმაღლეები და ტერიტორიის სხვა თავისებურებები. ტოპოგრაფიულ რუკაზე ასევე შესაძლოა დატანილი იქნეს საკადასტრო ინფორმაცია, რაც საშუალებას იძლევა რუკაზე დაფიქსირდეს ნაკვეთის ზუსტი კონტურები. ტოპოგრაფიული რუკაზე შესაძლოა აგრეთვე ინფრასტრუქტურის შესახებ ინფორმაციის, კერძოდ, არსებული გზების, მაღალი ძაბვის სადენების, საკომუნიკაციო ანძების, რკინიგზის, სიმბოლოთი გამოსახული ობიექტების ასახვა.

რუკები მასშტაბის შესაბამისად იყოფა შემდეგ ტიპებად:

  • ტოპოგრაფიული გეგმები — 1:5 000-მდე ჩათვლით;
  • მსხვილმასშტაბიანი ტოპოგრაფიული რუკები — 1:10 000-დან 1:100 000-მდე;
  • საშუალომასშტაბიანი ტოპოგრაფიული რუკები — 1:200 000-დან 1:1 000 000-მდე;
  • წვრილმასშტაბიანი ტოპოგრაფიული რუკები —1:1 000 000 ნაკლებ.

სქოლიო[რედაქტირება]