ტიჟუკის ტყე

მასალა ვიკიპედიიდან — თავისუფალი ენციკლოპედია
რიო-დე-ჟანეიროს ლანდშაფტი მთასა და ზღვას შორის*
იუნესკოს მსოფლიო
მემკვიდრეობის ძეგლი

ქვეყანა ბრაზილიის დროშა ბრაზილია
ტიპი კულტურული
კრიტერიუმები vi
სია [1]
რეგიონი** სამხრეთი ამერიკა
გაწევრიანების ისტორია
გაწევრიანება 2012  (36-ე სესია)
ნომერი 1100
* იხ. ინგლ. სახელი UNESCO-ს სიაში.
** იუნესკოს მიერ კლასიფიცირებული რეგიონი.
ტიჟუკის ტყე
იუნესკოს დროშა მსოფლიო მემკვიდრეობა UNESCO, ობიექტი № 1100
ინგლ.რუს.ფრ.

ტიჟუკის ტყე (პორტ. Floresta da Tijuca) — მთიანი, ხელით გაშენებული წვიმის ტყე ბრაზილიის ქალაქ რიო-დე-ჟანეიროში. წარმოადგენს მსოფლიოს უდიდეს ურბანულ ტყეს და მოიცავს 32 კმ²-ს. მისგან სახელი ეწოდა რიოს ორ კვარტალს — ტიჟუკასა და ბარა-და-ტიჟუკას, რომლებიც მის შესასვლელთან მდებარეობს. სახელი მომდინარეობს ტუპის ენიდან და „ჭაობს“ ნიშნავს. ტყე ბუნებრივ გამყოფს წარმოადგენს რიოს დასავლეთ ზონასა და სამხრეთ, ცენტრალურ და ჩრდილოეთ ზონებს შორის, ასევე ჩრდილოეთ და სამხრეთ ზონებს შორის.

ტიჟუკის ტყეში მცენარეებისა და ველური ბუნების სხვა წარმომადგენლების ასობით სახეობაა გავრცელებული, რომელთაგან ზოგიერთი გაქრობის პირასაა მისული და მხოლოდ ატლანტიკურ წვიმის ტყეებში გვხვდება. თავდაპირველად ამ ტერიტორიაზე ასევე ტყე ყოფილა, რომელიც შემდეგ ყავის პლანტაციების გაშენების მიზნით გაუკაფავთ. ტყე ხელახლა XIX საუკუნეში, რიოს მერის ძალისხმევით გააშენეს ხელახლა, რითაც წარმატებით იქნა დაცული რიოს წყალმომარაგება.

ტყეში არსებობს ფაველა მატა-მაჩადუ. მასში ძირითადად იმ ხალხის შთამომავლები ცხოვრობენ, რომლებიც აქ 1930-იან წლებში ტყის განაშენიანების სამუშაოებში მონაწილეობის მიღების მიზნით ჩასახლდნენ. დასახლებას ტყისთვის მხოლოდ უარყოფითი შედეგები მოაქვს.[1]

1961 წელს, ტიჟუკის ტყე ეროვნულ პარკად გამოცხადდა. ტყე მოიცავს რამდენიმე ღირსშესანიშნაობას, რომელთა შორის ყველაზე მნიშვნელოვანია ქრისტეს უზარმაზარი ქანდაკება კორკოვადოს მთაზე.

იხილეთ აგრეთვე[რედაქტირება | წყაროს რედაქტირება]

რესურსები ინტერნეტში[რედაქტირება | წყაროს რედაქტირება]

ვიკისაწყობში არის გვერდი თემაზე:

სქოლიო[რედაქტირება | წყაროს რედაქტირება]

  1. Duarte & Magalhaes, as cited in Del Rio & Siembieda, p. 284