ტიანძინის მეტროპოლიტენი

მეტროს ლოგო

ტიანძინის მეტროპოლიტენი (ჩინ.: 天津地铁, ფინინი Tiānjīn dìtiě) — ტრანსპორტის სახეობა ტიანძინში, რომელიც გაიხსნა 1984 წელს (მეორე მეტროპოლიტენი ჩინეთში პეკინის შემდეგ). დღეისათვის გახსნილია 21 სადგური 1 ხაზზე და 19 - 9-ზე (მსუბუქი მეტრო), ქალაქის ცენტრსა და ბოჰაის ზღვის სანაპიროზე არსებულ ბინჰაის შორის.

მგზავრობის ღირებულება

მგზავრობის ღირებულება დამოკიდებულია მარშრუტზე. საშუალოდ 1 ხაზზე მგზავრობა ღირს 2-5 იუანი, 9 ხაზზე კი - 2-6 იუანი.

სამუშაო განრიგი

• 1 ხაზი მუშაობს - 5:00-23:00 საათებში.
• 9 ხაზი - 6:30-21:00 საათებში.

ისტორია

მეტროს მშენებლობა დაიწყო 1970 წელს. I ხაზი, რომელიც 8 სადგურისგან შედგებოდა, გაიხსნა 1984 წლის 28 დეკემბერს. სადგურები 2-3 მ. სიღრმეზე იყო. I ხაზი 2001 წლის 9 ოქტომბერს რეკონსტრუქციისათვის დაიხურა და 2006 წელს გაიხსნა 22 სადგურით.

დღეისთვის მოქმედი მე-9 ხაზის მშენებლობა დასრულდა 2003 წლის 30 სექტემბერს, საცდელად გაიხსნა 2004 წლის 28 მარტს. 2006 წლის 1 მარტს კი მოხდა მისი საბოლოო გახსნა. 2006 წლის 28 მარტიდან ხაზი მთლიანად ავტომატური მართვის სისტემაზე გადაიყვანეს.

იხილეთ აგრეთვე

• მეტროპოლიტენების სია

რესურსები ინტერნეტში

• ტიანძინის მეტროპოლიტენი საიტზე urbanrail.net დაარქივებული 2008-07-28 საიტზე Wayback Machine.
• Binhai Mass Transit - მსუბუქი მეტროს ხაზის მმართველი კომპანია დაარქივებული 2008-09-29 საიტზე Wayback Machine.