ტერნერის სინდრომი

კანის ნაკეცი ყელის არეში — დაავადების დამახასიათებელი ნიშანი. გოგონა პლასტიკურ ოპერაციამდე და მის შემდეგ.

ტერნერის სინდრომი (აგრეთვე ცნობილი, როგორც 45,X ან 45,X0) — საკვერცხეებისა და შიგნითა სასქესო ორგანოების მკვეთრი ჰიპოპლაზია, ზოგჯერ კლიტორის ჰიპერტროფიით. ეს სინდრომი გვხვდება, როდესაც ინდივიდს აქვს ერთი სასქესო X ქრომოსომა. ამავე დროს, სომატური უჯრედების უმეტესობაში ქრომოსომების საერთო რიცხვი შემცირებულია 45-მდე. სიმპტომები ვარიაბელურია. ხშირად გვხვდება მოკლე კისერი, დაბალი ყურები, სიმდაბლე, დაბადებისას — შეშუპებული ფეხები, ხელები. ტერნერის სინდრომიით დაავადებული ინდივიდები დიაბეტის, ოსტეოპოროზისა და მაღალი წნევის რისკის ქვეშ იმყოფებიან.

მკურნალობა

ტერნერის სინდრომის მკურნალობის ხერხი არ არსებობს, ვინაიდან იგი ქრომოსომული დეფექტია. თუმცა, არსებობს სიმპტომების შემსუბუქების მეთოდები, მათ შორის:

• ზრდის ჰორმონი (სომატოტროპინი) — უზრუნველყოფს სიმაღლეში ზრდას;
• საშვილოსნოს განვითარებას ხელს უწყობს ესტროგენის მიღება წლების განმავლობაში.

ლიტერატურა

• ც. გაჩეჩილაძე, ნ. ჩიკვილაძე, ჰისტოლოგიის, ციტოლოგიის და ემბრიოლოგიის ტერმინთა განმარტებითი ლექსიკონი.