სტივ ბალმერი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება

სტივენ ანტონი „სტივ“ ბალმერი(დაიბადა - 24 მარტი, 1956) არის ამერიკელი ბიზნესმენი, რომელიც გახდა მაიკროსოფტის გენერალური აღმასრულებელი დირექტორი 2000 წლიდან. 2013 წლის მონაცემებით მისმა ქონებამ შეადგინა დაახლოებით $18 მილიარდი. ფორბსის სიაში სახელწოდებით „ყველაზე მდიდარი 400 ამერიკელი“, სტივ ბალმერი არის 21 ადგილზე.

ადრეული ცხოვრება

ბალმერი დაიბადა დეტროიტში, ბეატრის დვორკინისა და ფრედერიკ ჰენრი ბალმერის ოჯახში. მამამისი იყო შვეიცარიელი ემიგრანტი, რომელიც მუშაობდა „ფორდში“ მენეჯერად, ხოლო დედამისი იყო ებრაელი რომელიც ცხოვრობდა ამერიკაში. 1973 წელს ბალმერმა დაამთავრა „Detroit Country Day” სკოლა და განაგრძო თავისი გზა ჰარვარდის უნივერსიტეტისკენ. მან ჩააბარა მათემატიკისა და ეკონომიკის ფაკულტეტზე. სწავლის პერიოდში იგი იყო საფეხბრუთო გუნდის მენეჯერი. აგრეთვე მუშაობდა ჰარვარდის ყოველდღიურ გაზეთში. 1977 წელს მან წარჩინებით დაამთავრა ჰარვარდის უნივერსიტეტი და მიიღხო ბაკალავრის ხარისხის წოდება. შემდეგ მან ჩააბარა სტენფორდის უნივერსიტეტში მაგისტრის ხარისხზე, თუმცა 1980 წელს მიატოვა სწავლა და დაიწყო მუშაობა მაიკროსოფტში.

მაიკროსოფტი

სტივ ბალმერი შეუერთდა მაიკროსოფტს 1980 წლის 11 ივნისს, და გახდა კომპანიისს 30-ე თანამშრომელი. ბილ გეითსმა თავდაპირველად მას შესთავაზა ხელფასის სახით $50,000 და 8%-იანი წილი. 2000 წელს ბალმერი გახდა მაიკროსოფტის გენერალური დირექტორი. 2013 წლის სექტემბერში ბალმერი გადადგა თანამდებობიდან. მან განაცხადა რომ მიზეზი იყო მილიარდობით დოლარის დანაკარგი საბაზრო ბირჟაზე